လံာ်တၢ်ဂံၢ် 29:35 - Sgaw Karen Common Bible

³⁵ လၢဃိးသီတသီန့ၣ်ပာ်ဖှိၣ်ထီၣ်သုသးလၢတၢ်ဘူၣ်ထီၣ်ဘါထီၣ်ယွၤ အဂီၢ်ဒီးမၤတၢ်နီတမံၤတဂ့ၤ.

လံာ်တၢ်ဂံၢ် 29:35 Iomraidhean Croise

လံာ်စီၤနဃ့မယၤ 8:18

စးထီၣ်လၢမူးအခီၣ်ထံးတနံၤတုၤလီၤလၢအကတၢၢ်တနံၤန့ၣ်, ကိးနံၤဒဲးအဝဲသ့ၣ်ဖးကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်တပတီၢ်ဘၣ်တပတီၢ်န့ၣ်လီၤ. အဝဲသ့ၣ်မၤမူးန့ၣ်နွံသီဒီးလၢဃိးသီတသီန့ၣ်မ့ၢ်ဝဲတၢ်မၤ ကတၢၢ်ကွံာ်မူးဒ်ယူဒၤအတၢ်သိၣ်တၢ်သီပာ်ဖျါဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:36

သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဒီးလၢဃိးနံၤတနံၤန့ၣ်ဟဲသကိးကဒီး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးလုၢ်ထီၣ်တၢ်လုၢ်မ့ၣ်အူ တက့ၢ်. မ့ၢ်မုၢ်နံၤတနံၤလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးသုတဘၣ်မၤ တၢ်နီတမံၤဘၣ်.

လံာ်တၢ်ဂံၢ် 29:1

လၢနွံလါတလါထီၣ်အခီၣ်ထံးကတၢၢ်တသီန့ၣ်, သုကဘၣ်ပာ်ဖှိၣ်ထီၣ် သုသးလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်မၤတဘၣ် တၢ်မၤအီၤနီတမံၤဘၣ်. လၢနံၤအဝဲန့ၣ်, န့ၣ်ကွဲၤတဖၣ်ကဘၣ်တၢ်အူထီၣ်အီၤလီၤ.

လံာ်တၢ်ဂံၢ် 29:12

လၢလါနွံလါတလါထီၣ်တဆံယဲၢ်သီန့ၣ်ပာ်ဖှိၣ်ထီၣ်သုသးလၢတၢ် ဘူၣ်ထီၣ်ဘါထီၣ်ယွၤအဂီၢ်တက့ၢ်. မၤမူးဖးဒိၣ်အံၤလၢတၢ်မၤလၤကပီၤယွၤအဂီၢ်လၢနွံသီအတီၢ် ပူၤဒီးမၤတၢ်မၤနီတမံၤတဂ့ၤ.

လံာ်တၢ်ဂံၢ် 29:36

လုၢ်ထီၣ်တၢ်လုၢ်မ့ၣ်အူတမံၤဒ်တၢ်လုၢ်တၢ်အီၣ်တမံၤဆူယွၤ အအိၣ်, တၢ်နၢမူတမံၤလၢအမၤမုာ်ယွၤအသးလၢအမ့ၢ်, ကျီၢ်ဖါသးစၢ်တဒု, သိဖါတဒု, ဒီးသိဖါဖိအသးအိၣ်တနံၣ် နွံဒု, လၢအပူၤဖျဲးဒီးတၢ်လီၤတူာ်လီၤကာ်ကိးဒုဒဲးတက့ၢ်.