လံာ်တၢ်ဂံၢ် 29:18 - Sgaw Karen Common Bible

^18-19 လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်တဖၣ်ဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

လံာ်တၢ်ဂံၢ် 29:18 Iomraidhean Croise

လံာ်တၢ်ဘူၣ်ထီၣ်ဘါထီၣ် 2:1

ပှၤတဂၤလၢ်လၢ်မ့ၢ်လုၢ်ထီၣ်အဘုဧိၤဟုဧိၤဆူယွၤအအိၣ်န့ၣ်, ကဘၣ်ဂံာ်ကမူၣ်ဝဲလၢညါဒီးကဘၣ်လူလီၤသ့ၣ်စၤယံးအသိ ဒီးပာ်တၢ်နၢမူလၢအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:18

ဒီးသုဘၣ်လုၢ်ထီၣ်သိဖိလၢအတအိၣ်ဒီးနီၢ်ခိ က့ၢ်ဂီၤအတၢ်လီၤတူာ်လီၤကာ်တနံၣ်ဖိနွံဒုဒီးဂီၤဖံးဖိတဒု, ဒီးသိဖါခံဒုဒီးကိၣ်န့ၣ်လီၤ. ဒီးကဘၣ်တၢ်လုၢ်ထီၣ်အီၤဒ်တၢ်လုၢ်မ့ၣ်အူလၢယွၤအဂီၢ်အသိးဃုာ် ဒီးတၢ်လုၢ်မၤဘူၣ်ကိၣ်ဒီးတၢ်လုၢ်စပံးထံန့ၣ်လီၤ. ဒီးတၢ်လုၢ်အံၤမ့ၢ်တၢ်လုၢ်နၢမူလၢယွၤအဂီၢ်လီၤ.

လံာ်တၢ်ဂံၢ် 28:14

တၢ်လုၢ်စပံးထံအနီၣ်ထိၣ်နီၢ်နီၢ်မ့ၢ်ဝဲကျီၢ်ဖါတဒုစုာ်စုာ် ဃုာ်ဒီးစပံးထံတဟံၣ်ခံပူတပူ, သိဖါတဒုစုာ်စုာ်ဃုာ်ဒီးစပံးထံတဟံၣ်သၢပူတပူ, ဒီးသိဖါဖိတဒုစုာ်စုာ်ဃုာ်ဒီးစပံးထံတဟံၣ်လွံၢ်ပူတပူ န့ၣ်လီၤ. တၢ်သိၣ်တၢ်သီအံၤမ့ၢ်လၢတၢ်လုၢ်မ့ၣ် အူလၢလါကိးဘ့ၣ်ဒဲးအခီၣ်ထံးတသီလၢဒီတနံၣ်ညါ အတီၢ်ပူၤအဂီၢ်န့ၣ်လီၤ.

လံာ်တၢ်ဂံၢ် 28:7

လၢတၢ်လုၢ်စပံးထံဃုာ်ဒီးသိအခီၣ်ထံးတဒုအဂီၢ်န့ၣ်လူလီၤ စပံးထံတဟံၣ်လွံၢ်ပူတပူဖဲတၢ်လုၢ်လီၢ်အဖီခိၣ်န့ၣ်တက့ၢ်.

လံာ်တၢ်ဂံၢ် 29:6

လုၢ်ထီၣ်တၢ်သ့ၣ်တဖၣ်အံၤဒ်တၢ်လုၢ်အါထီၣ်ဃုာ်ဒီးတနံၤဘၣ်တနံၤ အတၢ်လုၢ်မ့ၣ်အူလၢလါတလါထီၣ်အခီၣ်ထံးကတၢၢ်တသီဃုာ်ဒီး အတၢ်လုၢ်ဘုဧိၤဟုဧိၤတဖၣ်ဒီးတၢ်လုၢ်စပံးထံတက့ၢ်. တၢ်လုၢ်တၢ်အီၣ်တၢ်အီတဖၣ်အံၤမ့ၢ်ဝဲတၢ်နၢမူတမံၤလၢ အဘၣ်ကစၢ်ယွၤအသးန့ၣ်လီၤ.