လံာ်တၢ်ဂံၢ် 28:6 - Sgaw Karen Common Bible

⁶ တၢ်အံၤမ့ၢ်တၢ်လုၢ်မၤဘူၣ်တနံၤဘၣ်တနံၤလၢဘၣ်တၢ်ဆိၣ်ကဲၤထီၣ် ကွံာ်အီၤခဲလၢာ်လၢအဘၣ်တၢ်လုၢ်ထီၣ်ဆိတ့ၢ်လံအခီၣ်ထံး တဘျီဖဲကစၢၢ်စံၣ်နါဒ်တၢ်အီၣ်တၢ်အီအတၢ်လုၢ်, တၢ်နၢမူတမံၤလၢအမၤမုာ်ယွၤအသးန့ၣ်လီၤ.

လံာ်တၢ်ဂံၢ် 28:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:3

လၢအဝဲအကစၢ်ဒၣ်ဝဲအသိအဖုတဖၣ်ဒီးအဂီၤဘုၣ်ဂီၤဖံးအဖုတဖၣ် အပူၤန့ၣ်, အဝဲဟ့ၣ်ထီၣ်ဆၣ်ဖိကီၢ်ဖိတဖၣ်လၢတၢ်လုၢ်မ့ၣ်အူတဖၣ်အဂီၢ်ကိး မုၢ်ဂီၤဒဲးဒီးကိးမုၢ်ဟါဒဲး, ဒီးတၢ်တဖၣ်လၢတၢ်လုၢ်ထီၣ်အီၤလၢမုၢ်အိၣ်ဘှံး အနံၤ, လၢလါထီၣ်သီအမူးဒီးလၢမူးအဂၤတဖၣ်ဒ်အလိၣ်ဝဲ, လၢအဘၣ်တၢ်ပာ်ဖျါအီၤလၢယူဒၤအတၢ်သိၣ်တၢ်သီလၢယွၤဟ့ၣ်ဝဲ အပူၤန့ၣ်လီၤ.

လံာ်စီၤဧ့စြၤ 3:4

အဝဲသ့ၣ်, သ့ၣ်နီၣ်မၤလၤကပီၤဘူၣ်ဒဲဒ်တၢ်သိၣ်တၢ်သီတဖၣ်အိၣ်ဝဲ အသိးဒီးကိးမုၢ်နံၤဒဲးန့ၣ်အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဒ်မုၢ်တနံၤန့ၣ်အတၢ်အိၣ်ဝဲအသိး,

စံးထီၣ်ပတြၢၤ 50:8

ယတသိၣ်ဃီၣ်နၤလၢ နတၢ်လုၢ်တဖၣ် မ့တမ့ၢ်နတၢ်လုၢ်မ့ၣ်အူတဖၣ်လၢ အအိၣ်လၢယမဲာ်ညါတထံၣ်ဃီအဃိန့ၣ်ဘၣ်

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်ယဃ့းစက့လး 46:14

တၢ်လုၢ်မၤဘူၣ်တမံၤလၢအမ့ၢ်ကိၣ်ကမူၣ်တအ့ဖးဃုပူတပူကဘၣ် တၢ်မၤဘူၣ်စ့ၢ်ကီးအီၤကိးမုၢ်ဂီၤဒဲးဃုာ်ဒီးသ့ၣ်စၤယံးအသိတအ့ဖး သၢပူတပူလၢတၢ်ကဃါဃုာ်ဒီးကိၣ်ကမူၣ်အဂီၢ်န့ၣ်လီၤ. တၢ်သိၣ် တၢ်သီတဖၣ်လၢအဘၣ်ထွဲဒီးတၢ်လုၢ်မၤဘူၣ်ဆူယွၤအအိၣ်အံၤ မ့ၢ်တၢ်လၢကဘၣ်တၢ်မၤအီၤသပှၢ်ကတၢၢ်လီၤထူလီၤယိာ်န့ၣ်လီၤ.

လံာ်ယဃ့းစက့လး 46:15

သိဖိ, ကိၣ်ကမူၣ်ဒီးသ့ၣ်စၤယံးအသိတဖၣ်န့ၣ်ကဘၣ်တၢ်လုၢ်ထီၣ် အီၤဆူယွၤအအိၣ်ကိးမုၢ်ဂီၤဒဲးလီၤထူလီၤယိာ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 27:34

တၢ်မၤလိာ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤစီၤမိၤၡ့ လၢပှၤအံၣ်စရ့လးဖိအဂီၢ်လၢကစၢၢ်စံၤနါအလိၤန့ၣ်လီၤ.

လံာ်ဧၤမိၣ် 5:25

ကီၢ်အံၣ်စရ့လးအပှၤဂီၢ်မုၢ်ဧၢ, ယတဃ့သုလၢတၢ်လုၢ်တၢ်ပာ် တဖၣ်ဒီးတၢ်မၤဘူၣ်တဖၣ်, ဖဲယဆှၢတ့ၢ်သုခီဖျိပှၢ်မုၢ်ကနၢလၢအနံၣ်လွံၢ်ဆံအတီၢ်ပူၤ န့ၣ်ဘၣ်.

လံာ်တၢ်ဂံၢ် 28:5

တဒုစုာ်စုာ်ဃုာ်ဒီးတၢ်လုၢ်ဘုဧိၤဟုဧိၤလၢအမ့ၢ်ကိၣ်ကမူၣ် အဃၢလီၤတယၢၢ်တအ့ဖးဆံဆဲၣ်ပူတပူ, ဃါဃုာ်ဒီးသ့ၣ်စၤယံးအသိအဂ့ၤကတၢၢ်တဟံၣ်လွံၢ်ပူတပူန့ၣ် တက့ၢ်.

လံာ်တၢ်ဂံၢ် 28:7

လၢတၢ်လုၢ်စပံးထံဃုာ်ဒီးသိအခီၣ်ထံးတဒုအဂီၢ်န့ၣ်လူလီၤ စပံးထံတဟံၣ်လွံၢ်ပူတပူဖဲတၢ်လုၢ်လီၢ်အဖီခိၣ်န့ၣ်တက့ၢ်.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.