လံာ်တၢ်ဂံၢ် 28:3 - Sgaw Karen Common Bible

³ တၢ်တဖၣ်အံၤမ့ၢ်တၢ်အီၣ်တၢ်အီအတၢ်လုၢ်မၤဘူၣ်တဖၣ်လၢ ကဘၣ်တၢ်ဟ့ၣ်ထီၣ်အီၤဆူယွၤအအိၣ်လီၤ. လၢတနံၤဘၣ်တနံၤတၢ်လုၢ်မၤဘူၣ်အဂီၢ်န့ၣ်သိဖါလၢအသးအိၣ်တနံၣ် ဒီးအသံၣ်သူမီၣ်ကျာ်တအိၣ်န့ၣ်ခံဒုလီၤ.

လံာ်တၢ်ဂံၢ် 28:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:40

ကိးမုၢ်ဂီၤဒီးကိးမုၢ်ဟါဒဲးန့ၣ်, အဝဲသ့ၣ်ဘၣ်ဆိၣ်ကဲၤထီၣ် တၢ်လုၢ်တၢ်ပာ်တဖၣ်လၢတၢ်လုၢ်လီၢ်အဖီခိၣ်, တလီၤတူာ်လီၤကာ်ဘၣ်, ဒ်တၢ်ကွဲးလီၤပာ်အီၤလၢတၢ်သိၣ်တၢ်သီလၢယွၤဟ့ၣ်ပှၤအံၣ်စရ့ လးဖိတဖၣ်အပူၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:13

အဝဲဆူးကဲၤထီၣ်ဝဲတၢ်လုၢ်မ့ၣ်အူတဖၣ်ဒ်စီၤမိၤၡ့အတၢ်သိၣ်တၢ် သီပာ်ဖျါဝဲ, လၢမုၢ်နံၤစီဆှံတနံၤဘၣ်တနံၤအဂီၢ်အသိး, လၢမုၢ်အိၣ်ဘှံးနံၤတဖၣ်, လါထီၣ်သီအမူးအပွဲတဖၣ်, ဒီးလၢတနံၣ်တဘျီအဘူၣ်သၢဘူၣ်လၢအမ့ၢ်ဝဲ, ဘူၣ်ကိၣ်တအိၣ်ဘၣ်ဒီးကိၣ်မံၣ်, ဘူၣ်နွံဒီးဘူၣ်ဒဲတဖၣ်န့ၣ်လီၤ.

လံာ်စီၤဧ့စြၤ 3:5

ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်ဒၤနံးယ့လး 11:31

အပှၤသုးဖိတနီၤကမၤဘၣ်အၢတၢ်လုၢ်ဟံၣ်ဒီးတၢ်ဘူၣ်တၢ်ဘါအလုၢ်အလၢ်လီၤ. ကဆိကတီၢ်ကွံာ်တၢ်လုၢ်တၢ်ပာ်ကိးနံၤဒဲး ဒီးပာ်ထီၣ်တၢ်လီၤပျံၤလီၤဖုးလၢအလီၤသး ဘၣ်အၢဒိၣ်ဒိၣ်ကလဲာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်ဒၤနံးယ့လး 12:11

“စးထီၣ်လၢတၢ်လုၢ်တၢ်ပာ်ကိးနံၤဒဲးတဖၣ်ဆိကတီၢ်အသးန့ၣ်, ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ် ဘၣ်တၢ်ပာ်ထီၣ်အီၤန့ၣ်မုၢ်နံၤတဖၣ်ကပူၤကွံာ်ဝဲအနံၤတကထိ ခံကယၤခွံဆံန့ၣ်လီၤ.

လံာ်ဒၤနံးယ့လး 8:11

အဝဲတၤဒၣ်လဲာ်မူခိၣ်အသုးမုၢ်စီၤပၤဖိ, တြီတၢ်လုၢ်တၢ်ပာ်တ ဖၣ်လၢဘၣ်တၢ်လုၢ်ထီၣ်ဆူအအိၣ်ကိးမုၢ်နံၤန့ၣ်ဒီးမၤဟးဂီၤကွံာ်တ့ၢ် ဝဲတၢ်လုၢ်ဟံၣ်န့ၣ်လီၤ.

လံာ်ဒၤနံးယ့လး 8:13

အန့ၣ်ဝံၤဒီး, ယနၢ်ဟူတ့ၢ်မူခိၣ်ကလူးတဂၤသံကွၢ်အဂၤတဂၤ, “မ့ၢ်တၢ်တဖၣ်အံၤလၢတၢ်ထံၣ်အီၤလၢညါခီအပူၤန့ၣ်ကမၤ ဒံးအသးဆူညါဆံးယံာ်လဲၣ်. မ့ၢ်တၢ်ဒဲးဘးလီၤပျံၤလီၤဖုး နးမးတမံၤဟံးန့ၢ်တၢ်လုၢ်တၢ်ပာ်ကိးနံၤဒဲးအလီၢ်အံၤကယံာ် ဒံးဆံးယံာ်လဲၣ်. မ့ၢ်မူခိၣ်အသုးမုၢ်ဒီးတၢ်လုၢ်ဟံၣ်ကဘၣ်တၢ် ယီၢ်တံၢ်အီၤဆံးယံာ်ဒံးလဲၣ်.”

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်ဧၤမိၣ် 4:4

တၢ်စိတၢ်ကမီၤခဲလၢာ်အယွၤစံးဝဲဒၣ်, ပှၤကီၢ်အံၣ်စရ့လးဖိ သ့ၣ်ဧၢ, သုမ့ၢ်ဘၣ်မၤတၢ်ဒဲးဘးသပှၢ်ကတၢၢ်ဒီး, လဲၤဆူဘ့ၤသ့လးအတၢ်လီၢ်စီဆှံဒီးမၤတၢ်ဒဲးဘးတက့ၢ်. လဲၤဆူကံးလကၤလး, မၤတၢ်ဒဲးဘးလၢာ်သူၣ်လၢာ်သးတက့ၢ်. လဲၤ, မၤဒီးဟဲစိာ်ဆၣ်ဖိကီၢ်ဖိတဖၣ်ဒ်သိးကဘၣ်တၢ်လုၢ်ထီၣ်အီၤ တဂီၤဝံၤတဂီၤ, ဒီးဟဲစိာ်သုတၢ်ဆံဆဲၣ်ပူတပူတဖၣ်လၢကိးသၢသီတသီအနံၤန့ၣ် တက့ၢ်.

လံာ်တၢ်ဂံၢ် 28:10

တၢ်လုၢ်မ့ၣ်အူအံၤတၢ်ကဘၣ်လုၢ်ထီၣ်အီၤကိးမုၢ်အိၣ်ဘှံၤနံၤ ဒဲး, လၢတနံၤဘၣ်တနံၤအတၢ်လုၢ်လၢအအိၣ်ဒီးတၢ်လုၢ်စပံးထံ, အမဲာ်ညါန့ၣ်လီၤ.

လံာ်တၢ်ဂံၢ် 28:15

ဒီးလၢတနံၤဘၣ်တနံၤအတၢ်လုၢ်မ့ၣ်အူဃုာ်ဒီးတၢ်လုၢ်စပံးထံ အမဲာ်ညါန့ၣ်, လုၢ်ထီၣ်မဲာ်တဲးလဲးဖါတဒုလၢတၢ်လုၢ်တၢ်ဒဲးဘး တမံၤအဂီၢ်တက့ၢ်.

လံာ်တၢ်ဂံၢ် 28:23

လၢမုၢ်ဂီၤတၢ်လုၢ်မ့ၣ်အူလၢတၢ်လုၢ်ထီၣ်အီၤဘၣ်ဆၢဘၣ် ကတီၢ်အမဲာ်ညါန့ၣ်လုၢ်အါထီၣ်တၢ်တဖၣ်န့ၣ်တက့ၢ်.

လံာ်တၢ်ဂံၢ် 28:24

ဒ်န့ၣ်အသိး, လၢနွံသီအတီၢ်ပူၤလုၢ်ထီၣ်တၢ်လုၢ်တၢ်အီၣ်တၢ် အီတမံၤ, တၢ်နၢမူတမံၤလၢအဘၣ်ယွၤအသးဆူယွၤအအိၣ်တက့ၢ်. လၢတၢ်လုၢ်မ့ၣ်အူဒီးတၢ်လုၢ်စပံးထံလၢတၢ်လုၢ်ထီၣ်အီၤကိး မုၢ်နံၤအမဲာ်ညါန့ၣ်လုၢ်အါထီၣ်တၢ်အံၤတက့ၢ်.

လံာ်တၢ်ဂံၢ် 28:31

လၢကိးနံၣ်ဒဲးတၢ်လုၢ်မ့ၣ်အူဒီးတၢ်လုၢ်ဘုဧိၤဟုဧိၤအမဲာ် ညါန့ၣ်လုၢ်အါထီၣ်တၢ်လုၢ်တဖၣ်အံၤဒီးတၢ်လုၢ်စပံးထံ တက့ၢ်.

လံာ်တၢ်ဂံၢ် 28:4

လုၢ်ထီၣ်သိအခီၣ်ထံးတဒုလၢမုၢ်ဂီၤဒီးခံဒုတဒုလၢမုၢ်ဟါ အကတီၢ်,

လံာ်တၢ်ဂံၢ် 29:11

လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤလၢတၢ်ပာ်ဖှိၣ်အါထီၣ်ဒီးမဲာ်တဲးလဲးလၢတၢ်လုၢ်ထီၣ်အီၤ ဒ်တၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီပှၤဂီၢ်မုၢ်အဂီၢ်, ဒီးတၢ်လုၢ်မ့ၣ်အူတနံၤဘၣ်တနံၤအတၢ်လုၢ် ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံ, န့ၣ်တက့ၢ်.

လံာ်တၢ်ဂံၢ် 29:16

လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤအသိးတက့ၢ်. လၢတၢ်လုၢ်မ့ၣ်အူကိးနံၤဒီးတၢ်လုၢ်ဘုဧိၤဟုဧိၤဒီးတၢ် လုၢ်စပံးထံအမဲာ်ညါန့ၣ်လုၢ်အါထီၣ်တၢ်တဖၣ်အံၤတက့ၢ်.

လံာ်တၢ်ဂံၢ် 29:6

လုၢ်ထီၣ်တၢ်သ့ၣ်တဖၣ်အံၤဒ်တၢ်လုၢ်အါထီၣ်ဃုာ်ဒီးတနံၤဘၣ်တနံၤ အတၢ်လုၢ်မ့ၣ်အူလၢလါတလါထီၣ်အခီၣ်ထံးကတၢၢ်တသီဃုာ်ဒီး အတၢ်လုၢ်ဘုဧိၤဟုဧိၤတဖၣ်ဒီးတၢ်လုၢ်စပံးထံတက့ၢ်. တၢ်လုၢ်တၢ်အီၣ်တၢ်အီတဖၣ်အံၤမ့ၢ်ဝဲတၢ်နၢမူတမံၤလၢ အဘၣ်ကစၢ်ယွၤအသးန့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

ဧ့ၤဘြံၤ 9:6

တၢ်သ့ၣ်တဖၣ်အံၤဘၣ်တၢ်ကတဲာ်ကတီၤပာ်အီၤဒ်န့ၣ်ဝံၤဒီး, ပှၤလုၢ်တၢ်အခိၣ်တဖၣ်လဲၤနုာ်ဆူဒဲလၢတၢ်ချၢတတီၤ အပူၤကိးနံၤဒဲးဒီးမၤဝဲအမူအဒါလၢအဘၣ်ဃးဒီးလုၢ်လၢ် တဖၣ်န့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.