လံာ်တၢ်ဂံၢ် 28:26 - Sgaw Karen Common Bible

²⁶ လၢတၢ်ကူးဘုမူးဖးဒိၣ်အကတီၢ်အဆိကတၢၢ်တသီဖဲ သုဟ့ၣ်ထီၣ်ဘုဧိၤဟုဧိၤအသီဆူယွၤအအိၣ်န့ၣ်, သုကဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်, ဒီးပှၤတဘၣ်မၤတၢ်မၤနီတဂၤဘၣ်.

လံာ်တၢ်ဂံၢ် 28:26 Iomraidhean Croise

လံာ်တၢ်ဟးထီၣ်ကွံာ် 12:16

ဒီးလၢအခီၣ်ထံးတသီဒီးနွံသီတသီန့ၣ်သုကဘၣ်ပာ်ဖှိၣ်ထီၣ်သု သးလၢတၢ်ဘူၣ်ထီၣ်ဘါထီၣ်အဂီၢ်လီၤ. လၢမုၢ်နံၤတဖၣ်န့ၣ်အတီၢ်ပူၤသုတဘၣ်မၤတၢ်နီတမံၤဘၣ်. ဘၣ်ဆၣ်ဒီးသုကတဲာ်ကတီၤတၢ်အီၣ်တၢ်အီသ့ဝဲလီၤ.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 34:22

တိၢ်န့ၢ်ဖံးဃာ်တၢ်ကူးဘုကတီၢ်အမူးဖဲသုစးထီၣ်ကူးဘုကၠူၣ် အဆိကတၢၢ်ဒီးတိၢ်န့ၢ်ဖံးဃာ်ဘူၣ်ဒဲဖဲသုပာ်ဖှိၣ်သုတၤသၣ် တဖၣ်လၢတၢ်ကိၢ်အကတီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 23:8

သုဘၣ်လုၢ်တၢ်လုၢ်မ့ၣ်အူလၢယွၤအဂီၢ်နွံနံၤလီၤ. လၢနွံနံၤတနံၤန့ၣ်သုကဘၣ်ပာ်ဖှိၣ်ထီၣ်ကဒီးသုသးလၢတၢ်ဘူၣ် တၢ်ဘါအဂီၢ်ဒီးသုတဘၣ်မၤသုတၢ်မၤနီတမံၤဘၣ်.”

လံာ်တၢ်ဂံၢ် 28:18

လၢမူးဖးဒိၣ်အခီၣ်ထံးကတၢၢ်တသီန့ၣ်သုကဘၣ်ပာ်ဖှိၣ်ထီၣ်သုသး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်ဖံးတၢ်မၤတဘၣ်တၢ်မၤအီၤ နီတမံၤဘၣ်.

လံာ်တၢ်ဂံၢ် 28:27

လုၢ်ထီၣ်တၢ်လုၢ်မ့ၣ်အူတခါ, ဒ်တၢ်နၢမူတမံၤလၢအမၤမုာ်ယွၤ အသးတက့ၢ်. ကျီၢ်ဖါသးစၢ်ခံဒု, သိဖါတဒုဒီး, သိဖါဖိအသးအိၣ်တနံၣ်နွံဒုလၢအပူၤဒီးတၢ်သံၣ်သူမီၣ်ကျာ် တဖၣ်ကိးဒုဒဲးန့ၣ်လီၤ.

လံာ်တၢ်ဂံၢ် 29:1

လၢနွံလါတလါထီၣ်အခီၣ်ထံးကတၢၢ်တသီန့ၣ်, သုကဘၣ်ပာ်ဖှိၣ်ထီၣ် သုသးလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်မၤတဘၣ် တၢ်မၤအီၤနီတမံၤဘၣ်. လၢနံၤအဝဲန့ၣ်, န့ၣ်ကွဲၤတဖၣ်ကဘၣ်တၢ်အူထီၣ်အီၤလီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.