လံာ်တၢ်ဂံၢ် 28:14 - Sgaw Karen Common Bible

¹⁴ တၢ်လုၢ်စပံးထံအနီၣ်ထိၣ်နီၢ်နီၢ်မ့ၢ်ဝဲကျီၢ်ဖါတဒုစုာ်စုာ် ဃုာ်ဒီးစပံးထံတဟံၣ်ခံပူတပူ, သိဖါတဒုစုာ်စုာ်ဃုာ်ဒီးစပံးထံတဟံၣ်သၢပူတပူ, ဒီးသိဖါဖိတဒုစုာ်စုာ်ဃုာ်ဒီးစပံးထံတဟံၣ်လွံၢ်ပူတပူ န့ၣ်လီၤ. တၢ်သိၣ်တၢ်သီအံၤမ့ၢ်လၢတၢ်လုၢ်မ့ၣ် အူလၢလါကိးဘ့ၣ်ဒဲးအခီၣ်ထံးတသီလၢဒီတနံၣ်ညါ အတီၢ်ပူၤအဂီၢ်န့ၣ်လီၤ.

လံာ်တၢ်ဂံၢ် 28:14 Iomraidhean Croise

လံာ်စီၤဧ့စြၤ 3:5

ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယံးရမံယၤ 48:35

ယကဆိကတီၢ်ကွံာ်ကီၢ်မိၤအးအပှၤဂီၢ်မုၢ်လၢ အတၢ်ကလုၢ် ထီၣ်တၢ်လုၢ်မ့ၣ်အူလၢ အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး လၢတၢ်လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်တဖၣ်အအိၣ် န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယဃ့းစက့လး 46:4

လၢမုၢ်အိၣ်ဘှံးအနံၤန့ၣ်, စီၤပၤဖိခွါကဘၣ်ဟဲစိာ်သိဖိအလၢ အပှဲၤဃုဒုဒီးသိဖါတဒုဒ်တၢ်လုၢ်တၢ်ပာ်တဖၣ်အသိး, လၢတၢ်ကဆိၣ်ကဲၤအီၤဒီတဒု, ဆူယွၤအအိၣ်န့ၣ်လီၤ.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်တၢ်ဂံၢ် 15:5

ဒီးကဘၣ်ဟဲစိာ်ဃုာ်စပံးထံတဟံၣ်လွံၢ်ပူတပူန့ၣ်လီၤ.

လံာ်တၢ်ဂံၢ် 15:9

ကိၣ်ကမူၣ်အဃၢလီၤတယၢၢ်သၢအ့စရိၣ်ဃါဃုာ်ဒီးသ့ၣ်စၤယံး အသိဖးဖီဟံၣ်ကဘၣ်တၢ်ဟ့ၣ်ထီၣ်စ့ၢ်ကီးအီၤဒ်တၢ်လုၢ်ဘုဧိၤဟုဧိၤ,

လံာ်တၢ်ဂံၢ် 28:13

ဃုာ်ဒီးသိဖိတဒုစုာ်စုာ်န့ၣ်ကိၣ်ကမူၣ်အဃၢလီၤတယၢၢ်တအ့စရိၣ် န့ၣ်လီၤ. တၢ်လုၢ်မ့ၣ်အူတဖၣ်အံၤမ့ၢ်တၢ်လုၢ်တၢ်အီၣ်တၢ်အီ တဖၣ်, တၢ်နၢမူတမံၤလၢအမၤမုာ်ယွၤအသးန့ၣ်လီၤ.

လံာ်တၢ်ဂံၢ် 28:15

ဒီးလၢတနံၤဘၣ်တနံၤအတၢ်လုၢ်မ့ၣ်အူဃုာ်ဒီးတၢ်လုၢ်စပံးထံ အမဲာ်ညါန့ၣ်, လုၢ်ထီၣ်မဲာ်တဲးလဲးဖါတဒုလၢတၢ်လုၢ်တၢ်ဒဲးဘး တမံၤအဂီၢ်တက့ၢ်.

လံာ်တၢ်ဂံၢ် 28:7

လၢတၢ်လုၢ်စပံးထံဃုာ်ဒီးသိအခီၣ်ထံးတဒုအဂီၢ်န့ၣ်လူလီၤ စပံးထံတဟံၣ်လွံၢ်ပူတပူဖဲတၢ်လုၢ်လီၢ်အဖီခိၣ်န့ၣ်တက့ၢ်.

လံာ်တၢ်ဂံၢ် 29:18

လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်တဖၣ်ဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.