လံာ်တၢ်ဂံၢ် 28:11 - Sgaw Karen Common Bible

¹¹ လၢလါတလါစုာ်စုာ်ထီၣ်အခီၣ်ထံးကတၢၢ်တနံၤန့ၣ်, ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်တက့ၢ်. ကျီၢ်ဖါအသးစၢ်ခံဒု, သိဖါတဒု, သိဖါဖိအသးအိၣ်တနံၣ်နွံဒု, ခဲလၢာ်အံၤကဘၣ်ပူၤဒီးတၢ်သံၣ်သူမီၣ်ကျာ်တဖၣ်န့ၣ်လီၤ.

လံာ်တၢ်ဂံၢ် 28:11 Iomraidhean Croise

လံာ်စီၤပၤခံဘ့ၣ်တဘ့ၣ် 4:23

အဝၤသံကွၢ်အီၤ, “ဘၣ်မနုၤလၢနကဘၣ်လဲၤတၢ်တနံၤအံၤန့ၣ်လဲၣ်. တနံၤအံၤတမ့ၢ်မုၢ်အိၣ်ဘှံးနံၤမ့ၢ်ဂ့ၤ, လါထီၣ်သီအနံၤအမူး မ့ၢ်ဂ့ၤန့ၣ်ဘၣ်.” ပိာ်မုၣ်န့ၣ်စံးဆၢအီၤ, “အတွးတအိၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 23:31

ဒီးဖဲတၢ်လုၢ်မၤဘူၣ်ဆူယွၤတဖၣ်, ဘၣ်တၢ်ဆူးကဲၤအီၤလၢမုၢ် အိၣ်ဘှံးနံၤ, ဒီးလါထီၣ်သီအမူးဒီးမူးအဂၤတဖၣ်အဂီၢ်အခါန့ၣ်လီၤ. တၢ်သိၣ်တၢ်ဘျၢလၢတၢ်ဘူၣ်ထီၣ်ဘါထီၣ်ယွၤကိးကတီၢ်ဒဲးအတၢ်မၤ အဂီၢ်ဘၣ်တၢ်ပာ်လီၤအီၤလီၤတံၢ်လီၤဆဲးန့ၣ်လီၤ. ပှၤလ့ၤဝံဖိတဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ဘူၣ်ထီၣ်ဘါ ထီၣ်ယွၤကိးဆၢကိးကတီၢ်ဒဲးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:13

အဝဲဆူးကဲၤထီၣ်ဝဲတၢ်လုၢ်မ့ၣ်အူတဖၣ်ဒ်စီၤမိၤၡ့အတၢ်သိၣ်တၢ် သီပာ်ဖျါဝဲ, လၢမုၢ်နံၤစီဆှံတနံၤဘၣ်တနံၤအဂီၢ်အသိး, လၢမုၢ်အိၣ်ဘှံးနံၤတဖၣ်, လါထီၣ်သီအမူးအပွဲတဖၣ်, ဒီးလၢတနံၣ်တဘျီအဘူၣ်သၢဘူၣ်လၢအမ့ၢ်ဝဲ, ဘူၣ်ကိၣ်တအိၣ်ဘၣ်ဒီးကိၣ်မံၣ်, ဘူၣ်နွံဒီးဘူၣ်ဒဲတဖၣ်န့ၣ်လီၤ.

လံာ်စီၤဧ့စြၤ 3:5

ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်စီၤနဃ့မယၤ 10:33

လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

စံးထီၣ်ပတြၢၤ 40:6

နတသးလီတၢ်လုၢ်တၢ်ပာ်ဒီး တၢ်လုၢ်မၤဘူၣ်တဖၣ်န့ၣ်ဘၣ်. နတဃ့တၢ်လုၢ်မ့ၣ်အူ ဒီးတၢ်လုၢ်တၢ်ဒဲးဘးန့ၣ်ဘၣ်. မ့မ့ၢ်နအိးထီၣ်ယနၢ်လၢ ယကနၢ်ဟူနၤအဂီၢ်န့ၣ်လီၤ.

စံးထီၣ်ပတြၢၤ 40:8

ယကစၢ်ယွၤဧၢ, ယသးခုမၤယဲနတၢ်ဘၣ်နသးန့ၣ်လီၤ. ယပၢၤဃာ်နတၢ်သိၣ်တၢ်သီလၢယသးပူၤလီၤ.’’

စံးထီၣ်ပတြၢၤ 81:3

အူထီၣ်ကွဲၤလၢဘူၣ်အဂီၢ်, ဖဲလါထီၣ်သီဒီးဖဲလါပှဲၤအနံၤန့ၣ်တက့ၢ်.

စံးထီၣ်ပတြၢၤ 81:4

အဂ့ၢ်ဒ်အံၤ, တၢ်အံၤမ့ၢ်တၢ်သိၣ်တၢ်သီလၢ အံၣ်စရ့လးအကီၢ်ပူၤ, ဒီးမ့ၢ်စီၤယၤကိာ်အကစၢ်ယွၤအတၢ်မၤလိာ်န့ၣ်လီၤ.

လံာ်ယၡါယၤ 66:23

လၢလါထီၣ်သီအဘူၣ်ကိးဘျီဒဲးဒီးမုၢ်အိၣ်ဘှံးနံၤကိးဘျီဒဲး န့ၣ်, ပှၤကလုာ်ခဲလၢာ်အပှၤဂီၢ်မုၢ်ကဟဲဒ်သိးကဘူၣ်ထီၣ်ဘါ ထီၣ်ယၤဖဲဝ့ၢ်ယရူၤၡလ့ၣ်အပူၤအံၤလီၤ.” ယွၤစံးဝဲဒၣ်.

လံာ်ယဃ့းစက့လး 46:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ကျဲစၢၤကျိၤထံးလၢမုၢ်ထီၣ်လၢ တၢ်လဲၤနုာ်ဆူတၢ်လုၢ်ဟံၣ်အဂၢၤလၢတၢ်အိပူၤန့ၣ်ကဘၣ်ကးတံာ် ဃးအီၤဖဲတၢ်ဖံးတၢ်မၤအနံၤလၢဃုသီအတီၢ်ပူၤ, ဘၣ်ဆၣ်ကဘၣ်တၢ် ကိးထီၣ်အီၤလၢမုၢ်အိၣ်ဘှံးနံၤဒီးဖဲလါထီၣ်သီအမူးအခါန့ၣ်လီၤ.

လံာ်ယဃ့းစက့လး 46:6

လၢလါထီၣ်သီအမူးန့ၣ်အဝဲကဘၣ်လုၢ်ထီၣ်ဂီၤဖံးဖါအလၢအပှဲၤတဒု, သိဖိအလၢအပှဲၤဃုဒုဒီးသိဖါအလၢအပှဲၤတဒုန့ၣ်လီၤ.

လံာ်ယဃ့းစက့လး 46:7

ဃုာ်ဒီးဂီၤဖံးဖါတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ်ဝဲ ဘုဧိၤဟုဧိၤတအ့ဖး, ဒီးဃုာ်ဒီးသိဖိတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ် တၢ်တမံၤလၢ်လၢ်လၢစီၤပၤဖိခွါအဲၣ်ဒိးဟ့ၣ်ဝဲန့ၣ်လီၤ. သ့ၣ်စၤယံး အသိတအ့ဖးန့ၣ်ကဘၣ်တၢ်မၤဘူၣ်အီၤဃုာ်ဒီးတၢ်လုၢ်မၤဘူၣ် ဘုဧိၤဟုဧိၤဒ်န့ၣ်အသိးတမံၤန့ၣ်လီၤ.

လံာ်ဟိၤၡ့ 2:11

ယကမၤကတၢၢ်ကွံာ်ကယဲၢ်အဝဲဒၣ်အမူးဧိၤပွဲဧိၤတဖၣ်လၢအမ့ၢ်, တနံၣ်တဘျီဒီးတလါတဘျီအဘူၣ်တဖၣ်ဒီးအမုၢ်အိၣ်ဘှံးနံၤအဘူၣ်တဖၣ်, ကယဲၢ်အတၢ်ဘူၣ်တၢ်ဘါအတၢ်အိၣ်ဖှိၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်ဧၤမိၣ် 3:5

ထုမ့ၢ်တဆဲထီၣ်ဘၣ်အသးလၢဟီၣ်ခိၣ်အဖီခိၣ်ဘၣ်ဒီးထိၣ် ကဘၣ်ထုစ့ၢ်ကီးဧါ. တၢ်လၢအဖီၣ်န့ၢ်ဝဲမ့ၢ်တအိၣ်ဘၣ်တၢ်နီတမံၤဘၣ်ဒီး, ပျံၤသကွီၤကထုးသဖှူးအသးစ့ၢ်ကီးဧါ.

လံာ်ဧၤမိၣ် 8:5

သုစံးလီၤသုသး, လၢပကဆါဘၣ်ပဘုဧိၤဟုဧိၤအဂီၢ်န့ၣ် ပခိးတုၤမုၢ်နံၤစီဆှံတဖၣ်လၢာ်ကွံာ်တကဲလၢၤဘၣ်. ဒီးလၢပကဆါဘၣ်ကဒီးပတၢ်အဂီၢ်ဆံးယံာ်မး မုၢ်အိၣ်ဘှံးနံၤကလဲၤပူၤကွံာ်လဲၣ်. အန့ၣ်တစုပကမၤအါထီၣ်တၢ်အပှ့ၤ, သူနီၣ်ဃီၣ်လီတၢ်, စီၤပီၢ်တတီလၢပ ကလီန့ၢ်ပှၤပှ့ၤတၢ်ဖိသ့ၣ်တဖၣ်န့ၣ်လီၤ.

လံာ်တၢ်ဂံၢ် 10:10

ဒ်န့ၣ်အသိးလၢတၢ်သူၣ်ခုသးခုအကတီၢ်တဖၣ်လၢအမ့ၢ်, သုလါထီၣ်သီအမူးတဖၣ်ဒီးသုတၢ်ဘူၣ်တၢ်ဘါအမူးအဂၤတဖၣ်အခါ န့ၣ်, သုကဘၣ်အူထီၣ်ကွဲၤတဖၣ်န့ၣ်ဖဲသုဟ့ၣ်ထီၣ်သုတၢ်လုၢ်မ့ၣ် အူတဖၣ်ဒီးတၢ်လုၢ်မၤဃူမၤဖိးတဖၣ်အကတီၢ်န့ၣ်လီၤ. အန့ၣ်တစု, ယကမၤစၢၤသုလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလီၤ.”

လံာ်တၢ်ဂံၢ် 28:19

လုၢ်ထီၣ်တၢ်လုၢ်မ့ၣ်အူတခါဒ်တၢ်လုၢ်ထီၣ်တၢ်အီၣ်တမံၤဆူယွၤ အအိၣ်အသိး, လၢအမ့ၢ်လၢကျီၣ်ဖါသးစၢ်ခံဒု, သိဖါတဒုဒီးသိဖါအသးအိၣ်တနံၣ်ဖိနွံဒုလၢအပူၤဖျဲးဒီး တၢ်သံၣ်သူမီၣ်ကျာ်ခဲလၢာ်န့ၣ်တက့ၢ်.

ကလၤတံ 4:10

သုပာ်ဒိၣ်လီၤဆီမုၢ်နံၤတနီၤ, လါတနီၤ, ကတီၢ်တနီၤဒီးနံၣ် တနီၤလီၤ.

ကလီးစဲ 2:16

လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.

ကလီးစဲ 2:6

ဒ်သုတူၢ်လိာ်တ့ၢ်လံယ့ၣ်ၡူးခရံာ်ဒ်သုကစၢ်တဂၤအသိးန့ၣ်, အိၣ်မူသုဝဲလၢအဝဲဒၣ်အပူၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:5

စီၤဒၤဝံးစံးဝဲ, “ခဲမုၢ်ဆ့ၣ်န့ၣ်မ့ၢ်လါထီၣ်သီအမူးဒီး ယကဘၣ်အီၣ်တၢ်ဒီးစီၤပၤလီၤ. ဘၣ်ဆၣ်ဒီးမ့ၢ်ဘၣ်သူၣ်ဘၣ်သးနၤန့ၣ်, ယကလဲၤအိၣ်ခူသူၣ်လၢပျီပူၤတုၤလၢခဲတဆ့ၣ်တနံၤမုၢ်ဟါလီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:12

ပိာ်မုၣ်ဖိတဖၣ်စံးဝဲ, “မ့ၢ်, အိၣ်ဝဲဒၣ်လီၤ. နီၢ်နီၢ်န့ၣ်အဝဲအိၣ်ဒၣ်ဖဲသုမဲာ်ညါတစဲးန့ၣ်လီၤ. သုမ့ၢ်လဲၤချ့ချ့ဒီးသုကချုးန့ၢ်အီၤန့ၣ်လီၤ.