လံာ်တၢ်ဂံၢ် 28:10 - Sgaw Karen Common Bible

¹⁰ တၢ်လုၢ်မ့ၣ်အူအံၤတၢ်ကဘၣ်လုၢ်ထီၣ်အီၤကိးမုၢ်အိၣ်ဘှံၤနံၤ ဒဲး, လၢတနံၤဘၣ်တနံၤအတၢ်လုၢ်လၢအအိၣ်ဒီးတၢ်လုၢ်စပံးထံ, အမဲာ်ညါန့ၣ်လီၤ.

လံာ်တၢ်ဂံၢ် 28:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:13

အဝဲဆူးကဲၤထီၣ်ဝဲတၢ်လုၢ်မ့ၣ်အူတဖၣ်ဒ်စီၤမိၤၡ့အတၢ်သိၣ်တၢ် သီပာ်ဖျါဝဲ, လၢမုၢ်နံၤစီဆှံတနံၤဘၣ်တနံၤအဂီၢ်အသိး, လၢမုၢ်အိၣ်ဘှံးနံၤတဖၣ်, လါထီၣ်သီအမူးအပွဲတဖၣ်, ဒီးလၢတနံၣ်တဘျီအဘူၣ်သၢဘူၣ်လၢအမ့ၢ်ဝဲ, ဘူၣ်ကိၣ်တအိၣ်ဘၣ်ဒီးကိၣ်မံၣ်, ဘူၣ်နွံဒီးဘူၣ်ဒဲတဖၣ်န့ၣ်လီၤ.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်တၢ်ဂံၢ် 28:23

လၢမုၢ်ဂီၤတၢ်လုၢ်မ့ၣ်အူလၢတၢ်လုၢ်ထီၣ်အီၤဘၣ်ဆၢဘၣ် ကတီၢ်အမဲာ်ညါန့ၣ်လုၢ်အါထီၣ်တၢ်တဖၣ်န့ၣ်တက့ၢ်.

လံာ်တၢ်ဂံၢ် 28:3

တၢ်တဖၣ်အံၤမ့ၢ်တၢ်အီၣ်တၢ်အီအတၢ်လုၢ်မၤဘူၣ်တဖၣ်လၢ ကဘၣ်တၢ်ဟ့ၣ်ထီၣ်အီၤဆူယွၤအအိၣ်လီၤ. လၢတနံၤဘၣ်တနံၤတၢ်လုၢ်မၤဘူၣ်အဂီၢ်န့ၣ်သိဖါလၢအသးအိၣ်တနံၣ် ဒီးအသံၣ်သူမီၣ်ကျာ်တအိၣ်န့ၣ်ခံဒုလီၤ.

လံာ်တၢ်ဂံၢ် 28:9

လၢမုၢ်အိၣ်ဘှံးနံၤန့ၣ်လုၢ်ထီၣ်သိဖါအသးအိၣ်တနံၣ်လၢတၢ်သံၣ် သူမီၣ်ကျာ်တအိၣ်ဘၣ်ခံဒု, ကိၣ်ကမူၣ်အဃၢလီၤတယၢၢ်ခံအ့စရိၣ်ဃါဃုာ်ဒီးသ့ၣ်စၤယံး အသိဒ်တၢ်လုၢ်ဘုဧိၤဟုဧိၤအသိးဒီးတၢ်လုၢ်စပံးထံန့ၣ်တက့ၢ်.

လံာ်တၢ်ဂံၢ် 29:11

လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤလၢတၢ်ပာ်ဖှိၣ်အါထီၣ်ဒီးမဲာ်တဲးလဲးလၢတၢ်လုၢ်ထီၣ်အီၤ ဒ်တၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီပှၤဂီၢ်မုၢ်အဂီၢ်, ဒီးတၢ်လုၢ်မ့ၣ်အူတနံၤဘၣ်တနံၤအတၢ်လုၢ် ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံ, န့ၣ်တက့ၢ်.

လံာ်တၢ်ဂံၢ် 29:16

လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤအသိးတက့ၢ်. လၢတၢ်လုၢ်မ့ၣ်အူကိးနံၤဒီးတၢ်လုၢ်ဘုဧိၤဟုဧိၤဒီးတၢ် လုၢ်စပံးထံအမဲာ်ညါန့ၣ်လုၢ်အါထီၣ်တၢ်တဖၣ်အံၤတက့ၢ်.

လံာ်တၢ်ဂံၢ် 29:25

ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်အီၤဒ်လၢအခီၣ်ထံးကတၢၢ် တသီအသိးန့ၣ်တက့ၢ်.

လံာ်တၢ်ဂံၢ် 29:31

ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

လံာ်တၢ်ဂံၢ် 29:6

လုၢ်ထီၣ်တၢ်သ့ၣ်တဖၣ်အံၤဒ်တၢ်လုၢ်အါထီၣ်ဃုာ်ဒီးတနံၤဘၣ်တနံၤ အတၢ်လုၢ်မ့ၣ်အူလၢလါတလါထီၣ်အခီၣ်ထံးကတၢၢ်တသီဃုာ်ဒီး အတၢ်လုၢ်ဘုဧိၤဟုဧိၤတဖၣ်ဒီးတၢ်လုၢ်စပံးထံတက့ၢ်. တၢ်လုၢ်တၢ်အီၣ်တၢ်အီတဖၣ်အံၤမ့ၢ်ဝဲတၢ်နၢမူတမံၤလၢ အဘၣ်ကစၢ်ယွၤအသးန့ၣ်လီၤ.