လံာ်တၢ်ဂံၢ် 28:1 - Sgaw Karen Common Bible

^1-2 ယွၤမၤလိာ်စီၤမိၤၡ့လၢကသိၣ်လိနဲၣ်ယုၤပှၤအံၣ်စရ့လးဖိ တဖၣ်လၢကဟ့ၣ်ထီၣ်တၢ်ဆူကစၢ်ယွၤ, ဖဲတၢ်ဆၢကတီၢ်လၢတၢ်ပာ်လီၤအီၤ, တၢ်အီၣ်တၢ်အီအတၢ်လုၢ်မၤဘူၣ်တဖၣ်လၢအဘၣ်ကစၢ်ယွၤအသး, ဒ်တၢ်မၤလိာ်ပာ်ဝဲအသိးန့ၣ်လီၤ.

လံာ်တၢ်ဂံၢ် 28:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:31

ဒီးဖဲတၢ်လုၢ်မၤဘူၣ်ဆူယွၤတဖၣ်, ဘၣ်တၢ်ဆူးကဲၤအီၤလၢမုၢ် အိၣ်ဘှံးနံၤ, ဒီးလါထီၣ်သီအမူးဒီးမူးအဂၤတဖၣ်အဂီၢ်အခါန့ၣ်လီၤ. တၢ်သိၣ်တၢ်ဘျၢလၢတၢ်ဘူၣ်ထီၣ်ဘါထီၣ်ယွၤကိးကတီၢ်ဒဲးအတၢ်မၤ အဂီၢ်ဘၣ်တၢ်ပာ်လီၤအီၤလီၤတံၢ်လီၤဆဲးန့ၣ်လီၤ. ပှၤလ့ၤဝံဖိတဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ဘူၣ်ထီၣ်ဘါ ထီၣ်ယွၤကိးဆၢကိးကတီၢ်ဒဲးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:18

စီၤယဟိယဒါပာ်လီၤပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိ တဖၣ်လၢကကွၢ်ထွဲယွၤအတၢ်လုၢ်ဟံၣ်အတၢ်ဖံးတၢ်မၤအဂီၢ်န့ၣ်လီၤ. အဝဲသ့ၣ်ကဘၣ်မၤမူဒါတဖၣ်လၢအဘၣ်တၢ်ဟ့ၣ်လီၤတ့ၢ်အဝဲသ့ၣ်လၢ စီၤပၤစီၤဒၤဝံးဒီးကဘၣ်ဆိၣ်ကဲၤထီၣ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤဒ်ယူဒၤအတၢ်သိၣ်တၢ်သီလၢစီၤမိၤ ၡ့ဟ့ၣ်တ့ၢ်ဝဲန့ၣ်လီၤ. အဝဲသ့ၣ်ကဲခိၣ်ကဲနၢ်စ့ၢ်ကီးလၢတၢ်သူၣ်ဝံၣ်သးဆၢဒီးတၢ်ဘူၣ် တၢ်ဘါအမူးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:3

လၢအဝဲအကစၢ်ဒၣ်ဝဲအသိအဖုတဖၣ်ဒီးအဂီၤဘုၣ်ဂီၤဖံးအဖုတဖၣ် အပူၤန့ၣ်, အဝဲဟ့ၣ်ထီၣ်ဆၣ်ဖိကီၢ်ဖိတဖၣ်လၢတၢ်လုၢ်မ့ၣ်အူတဖၣ်အဂီၢ်ကိး မုၢ်ဂီၤဒဲးဒီးကိးမုၢ်ဟါဒဲး, ဒီးတၢ်တဖၣ်လၢတၢ်လုၢ်ထီၣ်အီၤလၢမုၢ်အိၣ်ဘှံး အနံၤ, လၢလါထီၣ်သီအမူးဒီးလၢမူးအဂၤတဖၣ်ဒ်အလိၣ်ဝဲ, လၢအဘၣ်တၢ်ပာ်ဖျါအီၤလၢယူဒၤအတၢ်သိၣ်တၢ်သီလၢယွၤဟ့ၣ်ဝဲ အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:13

အဝဲဆူးကဲၤထီၣ်ဝဲတၢ်လုၢ်မ့ၣ်အူတဖၣ်ဒ်စီၤမိၤၡ့အတၢ်သိၣ်တၢ် သီပာ်ဖျါဝဲ, လၢမုၢ်နံၤစီဆှံတနံၤဘၣ်တနံၤအဂီၢ်အသိး, လၢမုၢ်အိၣ်ဘှံးနံၤတဖၣ်, လါထီၣ်သီအမူးအပွဲတဖၣ်, ဒီးလၢတနံၣ်တဘျီအဘူၣ်သၢဘူၣ်လၢအမ့ၢ်ဝဲ, ဘူၣ်ကိၣ်တအိၣ်ဘၣ်ဒီးကိၣ်မံၣ်, ဘူၣ်နွံဒီးဘူၣ်ဒဲတဖၣ်န့ၣ်လီၤ.

လံာ်စီၤဧ့စြၤ 6:9

တနံၤဘၣ်တနံၤန့ၣ်, သုကဘၣ်ဟ့ၣ်တၢ်ဒီးတဘၣ်လီၤတိၢ်ဘၣ်, ဆူပှၤလုၢ်တၢ်အခိၣ်တဖၣ်လၢဝ့ၢ်ယရူၤၡလ့ၣ်, တၢ်တမံၤလၢ်လၢ်လၢ အဝဲသ့ၣ်တဲသုလၢအလိၣ်ဘၣ်ဝဲဒ်အမ့ၢ်, ကျီၢ်ဖါဖိတဖၣ်, သိတဖၣ်မ့တမ့ၢ်သိဖိတဖၣ်လၢတၢ်ကဆူးကဲၤအီၤလၢတၢ်ကလုၢ်ထီၣ် အီၤလၢကစၢ်ယွၤလၢမူခိၣ်အဂီၢ်မ့ၢ်ဂ့ၤ, ဘုဧိၤဟုဧိၤ, အံသၣ်, စပံးထံမ့တမ့ၢ်သ့ၣ်စၤယံးအသိမ့ၢ်ဂ့ၤ ဒ်တၢ်မၤဘူၣ်တဖၣ်ဆူကစၢ်ယွၤလၢမူခိၣ်အအိၣ်န့ၣ်လီၤ.

လံာ်စီၤနဃ့မယၤ 10:33

လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်ယဃ့းစက့လး 45:17

တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”

လံာ်ယဃ့းစက့လး 46:11

ဒီးလၢတၢ်မၤဘူၣ်အမုၢ်နံၤတဖၣ်ဒီးဖဲမူးတဖၣ်အခါန့ၣ်တၢ်လုၢ် မၤဘူၣ်ဘုဧိဟုဧိၤကဘၣ်မ့ၢ်တအ့ဖးလၢဂီၤဖံးဖါတဒုစုာ်စုာ်မ့ၢ်ဂ့ၤ, သိဖါတဒုစုာ်စုာ်မ့ၢ်ဂ့ၤအဂီၢ်ဒီးလၢသိဖိတဒုအဂီၢ်န့ၣ်ကမ့ၢ် ဖဲပှၤဘူၣ်ထီၣ်ဘါထီၣ်တၢ်အဲၣ်ဒိးဟ့ၣ်ဝဲန့ၣ်လီၤ. သ့ၣ်စၤယံးအသိတအ့ဖးကဘၣ်တၢ်လုၢ် ထီၣ်အီၤဃုာ်ဒီးတၢ်လုၢ်မၤဘူၣ်ဘုဧိၤဟုဧိၤဒ်န့ၣ်အသိးတမံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:15

မၤကဒီးတစု, စီၤအၤဟရိၣ်လုၢ်ထီၣ်ပှၤဂီၢ်မုၢ်အတၢ်လုၢ်တဖၣ်န့ၣ်လီၤ. အဝဲဟံးန့ၢ်မဲာ်တဲးလဲးလၢကဘၣ်တၢ်လုၢ်ထီၣ်အီၤလၢပှၤဂီၢ်မုၢ်အတၢ်ဒဲးဘးအဂီၢ်, ဒီးမၤသံဝဲဒီးလုၢ်ထီၣ်ဝဲဒ်အမၤဝဲလၢအနီၢ်ကစၢ်ဒၣ်ဝဲအတၢ်လုၢ် တၢ်ပျၢ်တၢ်ဒဲဘးအဂီၢ်အသိးန့ၣ်လီၤ.

လံာ်တၢ်ဂံၢ် 27:23

ဒ်ယွၤမၤလိာ်တ့ၢ်ဝဲအသိး, စီၤမိၤၡ့ပာ်ထီၣ်အစုတဖၣ်လၢစီၤ ယိၤၡူအခိၣ်ဖီခိၣ်ဒီးဘိးဘၣ်သ့ၣ်ညါထီၣ်အီၤဒ်ပှၤတဂၤလၢ ကထီၣ်က့ၤလၢအလီၢ်န့ၣ်လီၤ.

ကလၤတံ 4:10

သုပာ်ဒိၣ်လီၤဆီမုၢ်နံၤတနီၤ, လါတနီၤ, ကတီၢ်တနီၤဒီးနံၣ် တနီၤလီၤ.

ကလီးစဲ 2:16

လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.