လံာ်တၢ်ဂံၢ် 27:23 - Sgaw Karen Common Bible

²³ ဒ်ယွၤမၤလိာ်တ့ၢ်ဝဲအသိး, စီၤမိၤၡ့ပာ်ထီၣ်အစုတဖၣ်လၢစီၤ ယိၤၡူအခိၣ်ဖီခိၣ်ဒီးဘိးဘၣ်သ့ၣ်ညါထီၣ်အီၤဒ်ပှၤတဂၤလၢ ကထီၣ်က့ၤလၢအလီၢ်န့ၣ်လီၤ.

လံာ်တၢ်ဂံၢ် 27:23 Iomraidhean Croise

လံာ်တၢ်ဂံၢ် 27:18

ယွၤစံးဘၣ်စီၤမိၤၡ့, “ကိးန့ၢ်စီၤနိၣ်အဖိခွါပှၤတဂၤလၢ အကူၣ်သ့ကူၣ်ဘၣ်မၤတၢ်သ့, စီၤယိၤၡူ, ဒီးပာ်နစုတဖၣ်လၢအခိၣ်လိၤတက့ၢ်.

လံာ်တၢ်ဂံၢ် 27:19

ဒုးဆၢထၢၣ်အီၤလၢပှၤလုၢ်တၢ်အခိၣ်စီၤအလၤဧစၢ်ဒီးကမျၢၢ်ဒီဖု ညါအမဲာ်ညါ, ဒီးဖဲန့ၣ်လၢအဝဲသ့ၣ်ခဲလၢာ်အမဲာ်ညါ န့ၣ်ဘိးဘၣ်သ့ၣ်ညါထီၣ်အီၤဒ်ပှၤလၢကထီၣ်က့ၤနလီၢ်န့ၣ်တက့ၢ်.

လံာ်တၢ်ဂံၢ် 27:22

စီၤမိၤၡ့မၤတ့ၢ်ဝဲဒ်ယွၤမၤလိာ်အီၤအသိးန့ၣ်လီၤ. အဝဲဒုးဆၢထၢၣ်စီၤယိၤၡူလၢပှၤလုၢ်တၢ်အခိၣ်စီၤအလၤဧစၢ်ဒီး ကမျၢၢ်ဒီဒူၣ်ဒီထၢအမဲာ်ညါန့ၣ်လီၤ.

လံာ်တၢ်ဂံၢ် 28:1

ယွၤမၤလိာ်စီၤမိၤၡ့လၢကသိၣ်လိနဲၣ်ယုၤပှၤအံၣ်စရ့လးဖိ တဖၣ်လၢကဟ့ၣ်ထီၣ်တၢ်ဆူကစၢ်ယွၤ, ဖဲတၢ်ဆၢကတီၢ်လၢတၢ်ပာ်လီၤအီၤ, တၢ်အီၣ်တၢ်အီအတၢ်လုၢ်မၤဘူၣ်တဖၣ်လၢအဘၣ်ကစၢ်ယွၤအသး, ဒ်တၢ်မၤလိာ်ပာ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 3:21

အန့ၣ်ဝံၤဒီး, ယသိၣ်လိနဲၣ်ယုၤစီၤယိၤၡူန့ၣ်လီၤ. နထံၣ်ဘၣ်တ့ၢ်လံကယဲၢ်တၢ်လၢယွၤ, နကစၢ်ယွၤမၤဘၣ်တ့ၢ်စီၤပၤခံဂၤ, လၢအမ့ၢ်စီၤစံဃိၣ်ဒီးစီၤဧိာ်န့ၣ်လီၤ. ဒီးအဝဲကမၤတၢ်တမံၤဃီဆူပှၤအဂၤတဂၤလၢ်လၢ်, လၢနဘၣ်လဲၤနုာ် ဒုးအကီၢ်န့ၣ်လီၤ.

လံာ်သိၣ်လီၤသီလီၤတၢ် 3:28

မၤလိာ်ဒီးဟ့ၣ်စိၤဟ့ၣ်ကမီၤစီၤယိၤၡူ, တက့ၢ်. ဒုးဆူၣ်ထီၣ်အဂံၢ်အဘါဒီးဒုးတံးသဟီၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, အဝဲကဆှၢပှၤဂီၢ်မုၢ်ဆူဘးခီလၢနထံၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 31:23

အန့ၣ်ဝံၤဒီးယွၤကတိၤဃီၤတၢ်ဆူစီၤနိၣ်အဖိခွါစီၤယိၤၡူ အအိၣ်ဒီးစံးဘၣ်အီၤ, “အိၣ်ဒီးတၢ်နာ်အဂၢၢ်အကျၢၤဒီးပာ်လီၤနသးကျၢၤမုဆှုတက့ၢ်. နကဘၣ်ဆှၢနုာ်ကီၢ်အံၣ်စရ့လးအပှၤဂီၢ်မုၢ်ဆူကီၢ်တဘ့ၣ်လၢယအၢၣ် လီၤတ့ၢ်အဝဲသ့ၣ်လၢယကဟ့ၣ်အီၤအပူၤ, ဒီးယကအိၣ်ဒီးနၤန့ၣ်လီၤ.”

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.