လံာ်တၢ်ဂံၢ် 27:21 - Sgaw Karen Common Bible

²¹ အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

လံာ်တၢ်ဂံၢ် 27:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:1

ဖဲစီၤဒၤဝံးပၢတၢ်အမုၢ်နံၤတဖၣ်အပူၤန့ၣ် တၢ်သၣ်ဝံၤလီၤဒိ ဒိၣ်ဒိၣ်မုၢ်မုၢ်မၤသးယံာ်ဝဲသၢနံၣ်တီတီလီၤ. လၢတၢ်န့ၣ်အဃိစီၤဒၤဝံးသံကွၢ်တၢ်ဒီးယွၤဘၣ်ဃးတၢ်ဂ့ၢ်န့ၣ် ဒီးယွၤစံးဘၣ်အီၤ, “စီၤစီလူးဒီးအပှၤဟံၣ်ဖိဃီဖိတဖၣ်အတၢ်ကမၣ်အိၣ်လၢ အမၤသံမၤဝီတၢ်အဃိန့ၣ်လီၤ. အဝဲမၤသံတ့ၢ်ပှၤကံးဘိၣ်ဖိတဖၣ်လီၤ.”

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်စီၤနဃ့မယၤ 7:65

ပှၤယူဒၤဖိအပဒိၣ်ဖးဒိၣ်တဲဘၣ်အဝဲသ့ၣ်လၢတဘၣ်အီၣ်တၢ်အီၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤဘၣ်တုၤလၢပှၤလုၢ်တၢ်အခိၣ်တဂၤ လၢအသူတူရံၣ်ဒီးအူမံၣ်သ့အိၣ်ဝဲ, န့ၣ်လီၤ.

လံာ်တၢ်ဟးထီၣ်ကွံာ် 28:30

ပာ်အူၣ်ရံၣ်ဒီးတူမံၣ်လၢသဃိးအပူၤဒ်သိးစီၤအၤဟရိၣ်ကစိာ် အီၤဖဲအဟဲနုာ်လီၤဆူယအိၣ်ယဆိးအလီၢ်စီဆှံအပူၤအဂီၢ်န့ၣ် လီၤ. လၢအကတီၢ်ဒ်န့ၣ်သိးတဖၣ်အပူၤန့ၣ်အဝဲကဘၣ်သိးထီၣ် ဃာ်သဃိးထီဘိဒ်သိးကသ့ၣ်ညါယတၢ်ဘၣ်သးလၢကီၢ် အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:8

ဒီးပာ်သဃိးအိၣ်ဒီးအူရံၣ်ဒီးတူမံၣ်လၢအသးနါပှၢ်အလိၤန့ၣ်လီၤ.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်တၢ်ဂံၢ် 27:17

ဒီးကဘၣ်မ့ၢ်ဝဲပှၤလၢအပၢဆှၢအဝဲသ့ၣ်လၢတၢ်ဒုးတၢ်ယၤ အပူၤဒ်သိးနပှၤဂီၢ်မုၢ်အသုတကဲထီၣ်ဒ်သိတဖၣ်လၢအပှၤကွၢ်သိ တအိၣ်ဘၣ်ဝဲအသိးန့ၣ်တဂ့ၤ.”

လံာ်တၢ်ဂံၢ် 27:2

အဝဲသ့ၣ်လဲၤဒီးဆၢထၢၣ်ဝဲလၢစီၤမိၤၡ့ဒီးပှၤလုၢ်တၢ်အခိၣ် စီၤအလၤဧစၢ်, ပှၤခိၣ်ပှၤနၢ်တဖၣ်, ဒီးကမျၢၢ်ဒီကရူၢ် အမဲာ်ညါဖဲယွၤအိၣ်ဝဲဆိးဝဲအဒဲစီဆှံအကျဲစၢၤန့ၣ်ဒီးစံးဝဲ,

လံာ်တၢ်ဂံၢ် 27:20

ဟ့ၣ်အီၤလၢနတၢ်စိတၢ်ကမီၤဒၣ်နဲတနီၤ, ဒ်သိးကီၢ်အံၣ်စရ့လး အကမျၢၢ်ဒီဖုကစူၢ်အကလုၢ်န့ၣ်တက့ၢ်.

လံာ်တၢ်ဂံၢ် 27:22

စီၤမိၤၡ့မၤတ့ၢ်ဝဲဒ်ယွၤမၤလိာ်အီၤအသိးန့ၣ်လီၤ. အဝဲဒုးဆၢထၢၣ်စီၤယိၤၡူလၢပှၤလုၢ်တၢ်အခိၣ်စီၤအလၤဧစၢ်ဒီး ကမျၢၢ်ဒီဒူၣ်ဒီထၢအမဲာ်ညါန့ၣ်လီၤ.

လံာ်တၢ်ဂံၢ် 27:5

စီၤမိၤၡ့ဆှၢထီၣ်အဝဲသ့ၣ်အကွီၢ်ဆူယွၤအအိၣ်,

လံာ်သိၣ်လီၤသီလီၤတၢ် 31:3

ယွၤ, သုကစၢ်ယွၤအကစၢ်ဒၣ်ဝဲကလဲၤတၢ်လၢသုမဲာ်ညါဒီးမၤဟး ဂီၤကွံာ်ပှၤကလုာ်တဖၣ်လၢအအိၣ်ဆိးဖဲန့ၣ်, ဒ်သိးသုမၤန့ၢ်အဝဲသ့ၣ်အထံအကီၢ်ကသ့ဝဲ, ဒီးဒ်ယွၤစံးတ့ၢ် ဝဲအသိးန့ၣ်, စီၤယိၤၡူကကဲထီၣ်သုခိၣ်သုနၢ်န့ၣ်လီၤ.

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.

လံာ်စီၤယိၤၡူ 9:14

ပှၤအံၣ်စရ့လးဖိတဖၣ်တူၢ်လိာ်တၢ်အီၣ်တနီၤလၢအဝဲသ့ၣ်ဟဲစိာ် ဝဲ, ဘၣ်ဆၣ်ဒီး အဝဲသ့ၣ်တဃ့တၢ်ဟ့ၣ်ကူၣ်လၢ ယွၤလၢတၢ်ဂ့ၢ်အံၤ ဘၣ်.

လံာ်ပှၤစံၣ်ညီၣ်ကွီၢ် 1:1

ဖဲစီၤယိၤၡူသံဝံၤအလီၢ်ခံန့ၣ်ပှၤအံၣ်စရ့လးဖိသံကွၢ်တၢ်လၢယွၤ, “မ့ၢ်မတၤလၢပပှၤအဒူၣ်တဖၣ်အကျါကြၢးမ့ၢ်ပှၤအဆိကတၢၢ်တဒူၣ်လၢ ကလဲၤထီၣ်ဒုးပှၤကနၤဧၣ်ဖိတဖၣ်လဲၣ်.”

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:19

ဖဲစီၤစီလူးကတိၤတၢ်ဒီးပှၤလုၢ်တၢ်အခိၣ်အခါန့ၣ်, တၢ်သဘံၣ်ဘုၣ်မၤအသးလၢပှၤဖလ့ၡသးဖိတဖၣ်အဒဲပူၤန့ၣ်ဆူၣ်ထီၣ် အါထီၣ်ဝဲအဃိဒီးစီၤစီလူးစံးဘၣ်အီၤ, “တၢ်ဆၢကတီၢ်လၢပကသံကွၢ်ယွၤအတၢ်အဂီၢ်န့ၣ်တအိၣ်လၢၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 23:9

ဖဲစီၤဒၤဝံးနၢ်ဟူဝဲလၢစီၤစီလူးကူၣ်ထီၣ်ကျဲၤလီၤတၢ်လၢ ကဟဲဒုးအီၤဒီး, အဝဲစံးဘၣ်ပှၤလုၢ်တၢ်အခိၣ်စီၤအ့ဘယၤသၣ်, “ဟဲစိာ်အ့ဖိးဆူအံၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:7

စီၤဒၤဝံးစံးဘၣ်ပှၤလုၢ်တၢ်အခိၣ်, စီၤအဃံၤမ့လ့းအဖိခွါ စီၤအ့ဘယၤသၢ်, “ဟဲစိာ်န့ၢ်ယၤအ့ဖိးတက့ၢ်.” ဒီးစီၤအ့ဘယၤသၢ်ဟဲစိာ်တၢ်န့ၣ်ဆူအအိၣ်န့ၣ်လီၤ.