လံာ်တၢ်ဂံၢ် 27:18 - Sgaw Karen Common Bible

¹⁸ ယွၤစံးဘၣ်စီၤမိၤၡ့, “ကိးန့ၢ်စီၤနိၣ်အဖိခွါပှၤတဂၤလၢ အကူၣ်သ့ကူၣ်ဘၣ်မၤတၢ်သ့, စီၤယိၤၡူ, ဒီးပာ်နစုတဖၣ်လၢအခိၣ်လိၤတက့ၢ်.

လံာ်တၢ်ဂံၢ် 27:18 Iomraidhean Croise

လံာ်တၢ်ကဲထီၣ်အခီၣ်ထံး 41:38

ဒီးစီၤပၤစံးဘၣ်အဝဲသ့ၣ်, “ပကထံၣ်န့ၢ်ပှၤဂ့ၤဒိၣ်န့ၢ်စီၤ ယိၤသးတဂၤ, ပှၤတဂၤလၢကစၢ်ယွၤအသးစီဆှံအိၣ်လၢ အပူၤန့ၣ်တသ့နီတစုဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 7:27

စီၤနိၣ်ဒီးစီၤယိၤၡူန့ၣ်လီၤ.

လံာ်တၢ်ဟးထီၣ်ကွံာ် 17:9

ဒီးစီၤမိၤၡ့စံးဘၣ်စီၤယိၤၡူ, “ဃုထၢပှၤပိာ်ခွါတနီၤဒ် သိးကလဲၤဒုးပှၤဧမၤလ့းဖိတဖၣ်ခဲမုၢ်ဆ့ၣ်တက့ၢ်. ယကဆၢထၢၣ်လၢတၢ်လူၢ်ဒီခိၣ်ဒီးဟံးဃာ်နီၣ်ထိးဘိလၢကစၢ်ယွၤ မၢယဟဲစိာ်အီၤန့ၣ်လီၤ.”

လံာ်ဒၤနံးယ့လး 5:14

ယနၢ်ဟူတ့ၢ်တၢ်လၢနဂ့ၢ်, လၢကစၢ်ယွၤလၢအစီဆှံတဂၤ အသးန့ၣ်အိၣ်လၢနပူၤဒီးတၢ်ထံၣ်န့ၢ်လၢနမ့ၢ်ပှၤအသ့အဘၣ်, ဒီးပှၤအိၣ်ဒီးတၢ်သ့ၣ်ညါဒီးတၢ်ကူၣ်သ့န့ၣ်လီၤ.

လံာ်တၢ်ဂံၢ် 11:17

ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်တၢ်ဂံၢ် 13:16

အဝဲသ့ၣ်မ့ၢ်ပှၤကွၢ်ဟုၣ်ကွၢ်စုးတၢ်လၢစီၤမိၤၡ့မၢလီၤအီၤဒ် သိးကလဲၤဃုထံၣ်သ့ၣ်ညါကီၢ်အဂ့ၢ်န့ၣ်လီၤ. အဝဲလဲလိာ်ကွံာ်စီၤနိၣ်အဖိခွါစီၤဟိၤၡံအမံၤဆူစီၤယိၤ ၡူန့ၣ်လီၤ.

လံာ်တၢ်ဂံၢ် 27:23

ဒ်ယွၤမၤလိာ်တ့ၢ်ဝဲအသိး, စီၤမိၤၡ့ပာ်ထီၣ်အစုတဖၣ်လၢစီၤ ယိၤၡူအခိၣ်ဖီခိၣ်ဒီးဘိးဘၣ်သ့ၣ်ညါထီၣ်အီၤဒ်ပှၤတဂၤလၢ ကထီၣ်က့ၤလၢအလီၢ်န့ၣ်လီၤ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

မၤတၢ် 13:3

အဝဲသ့ၣ်ဒုၣ်တၢ်အီၣ်တၢ်အီဒီးဃ့ဘါထုကဖၣ်တၢ်ဝံၤ အလီၢ်ခံ, ပာ်ထီၣ်အစုလၢစီၤဘၢ်နါဘၤဒီးစီၤစီလူးအလိၤဝံၤဒီး, မၢလီၤအဝဲသ့ၣ်လီၤ.

မၤတၢ် 19:6

စီၤပီလူးပာ်ထီၣ်အစုလၢအဝဲသ့ၣ်အခိၣ်လိၤ, ဒီးသးစီဆှံဟဲလီၤလၢအဝဲသ့ၣ်အလိၤ, ဒီးကတိၤတၢ်လၢကျိာ်လီၤတိၢ်လီၤဆီဒီးတဲဖျါထီၣ်စ့ၢ်ကီးတၢ် ကစီၣ်ဟဲလၢကစၢ်ယွၤအအိၣ်န့ၣ်လီၤ.

မၤတၢ် 6:3

သတးဒီးဒီပုၢ်ဝဲၢ်သ့ၣ်ဧၢ, ဃုထၢထီၣ်ပှၤနွံဂၤလၢသုကျါ, လၢအဘၣ်တၢ်သ့ၣ်ညါအီၤဒ်အမ့ၢ်ပှၤတဖၣ်လၢအလၢပှဲၤဒီးသးစီ ဆှံဒီးတၢ်ကူၣ်သ့ဒီးပကပာ်လီၤမူဒါတခါအံၤလၢအဝဲသ့ၣ် အစုပူၤလီၤ.

မၤတၢ် 6:6

အဝဲသ့ၣ်ဆှၢထီၣ်ပှၤတဖၣ်အံၤဆူပှၤတၢ်မၢဖိတဖၣ်အမဲာ်ညါ, ဒီးပှၤတၢ်မၢဖိတဖၣ်ဃ့ထုကဖၣ်ယွၤဒီးပာ်အစုလၢပှၤတဖၣ် အံၤအခိၣ်လိၤလီၤ.

လံာ်သိၣ်လီၤသီလီၤတၢ် 1:37

လၢသုဃိန့ၣ်, ကစၢ်ယွၤသးဒိၣ်ထီၣ်ယၤဒီးစံးဝဲ, နဲဒၣ်ဒၣ်လဲာ်န့ၣ်, စီၤမိၤၡ့ဧၢ, နတလဲၤနုာ်လီၤဘၣ်ဆူကီၢ်န့ၣ် အပူၤဘၣ်.

လံာ်သိၣ်လီၤသီလီၤတၢ် 3:21

အန့ၣ်ဝံၤဒီး, ယသိၣ်လိနဲၣ်ယုၤစီၤယိၤၡူန့ၣ်လီၤ. နထံၣ်ဘၣ်တ့ၢ်လံကယဲၢ်တၢ်လၢယွၤ, နကစၢ်ယွၤမၤဘၣ်တ့ၢ်စီၤပၤခံဂၤ, လၢအမ့ၢ်စီၤစံဃိၣ်ဒီးစီၤဧိာ်န့ၣ်လီၤ. ဒီးအဝဲကမၤတၢ်တမံၤဃီဆူပှၤအဂၤတဂၤလၢ်လၢ်, လၢနဘၣ်လဲၤနုာ် ဒုးအကီၢ်န့ၣ်လီၤ.

လံာ်သိၣ်လီၤသီလီၤတၢ် 3:28

မၤလိာ်ဒီးဟ့ၣ်စိၤဟ့ၣ်ကမီၤစီၤယိၤၡူ, တက့ၢ်. ဒုးဆူၣ်ထီၣ်အဂံၢ်အဘါဒီးဒုးတံးသဟီၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, အဝဲကဆှၢပှၤဂီၢ်မုၢ်ဆူဘးခီလၢနထံၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 31:14

အန့ၣ်ဝံၤဒီးယွၤစံးဘၣ်စီၤမိၤၡ့, “နတအိၣ်မူဘၣ်ယံာ်ယံာ်လၢၤဘၣ်. ဟဲကိးစီၤယိၤၡူဆူယွၤအဒဲစီဆှံ, လၢယကဟ့ၣ်လီၤအီၤအတၢ် သိၣ်လိနဲၣ်ယုၤတဖၣ်အဂီၢ်တက့ၢ်.” စီၤမိၤၡ့ဒီးစီၤယိၤၡူလဲၤဃီၤဆူဒဲစီဆှံ,

လံာ်သိၣ်လီၤသီလီၤတၢ် 31:23

အန့ၣ်ဝံၤဒီးယွၤကတိၤဃီၤတၢ်ဆူစီၤနိၣ်အဖိခွါစီၤယိၤၡူ အအိၣ်ဒီးစံးဘၣ်အီၤ, “အိၣ်ဒီးတၢ်နာ်အဂၢၢ်အကျၢၤဒီးပာ်လီၤနသးကျၢၤမုဆှုတက့ၢ်. နကဘၣ်ဆှၢနုာ်ကီၢ်အံၣ်စရ့လးအပှၤဂီၢ်မုၢ်ဆူကီၢ်တဘ့ၣ်လၢယအၢၣ် လီၤတ့ၢ်အဝဲသ့ၣ်လၢယကဟ့ၣ်အီၤအပူၤ, ဒီးယကအိၣ်ဒီးနၤန့ၣ်လီၤ.”

လံာ်သိၣ်လီၤသီလီၤတၢ် 31:3

ယွၤ, သုကစၢ်ယွၤအကစၢ်ဒၣ်ဝဲကလဲၤတၢ်လၢသုမဲာ်ညါဒီးမၤဟး ဂီၤကွံာ်ပှၤကလုာ်တဖၣ်လၢအအိၣ်ဆိးဖဲန့ၣ်, ဒ်သိးသုမၤန့ၢ်အဝဲသ့ၣ်အထံအကီၢ်ကသ့ဝဲ, ဒီးဒ်ယွၤစံးတ့ၢ် ဝဲအသိးန့ၣ်, စီၤယိၤၡူကကဲထီၣ်သုခိၣ်သုနၢ်န့ၣ်လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.

ဧ့ၤဘြံၤ 6:2

တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

လံာ်စီၤယိၤၡူ 1:17

ဒ်ပဒိကနၣ်စီၤမိၤၡ့ထီဘိအသိးန့ၣ်ပကစူၢ်နၤဒီးမ်ယွၤနကစၢ် ယွၤကအိၣ်ဒီးနၤဒ်အအိၣ်တ့ၢ်ဒီးစီၤမိၤၡ့အသိးန့ၣ်တက့ၢ်.

လံာ်ပှၤစံၣ်ညီၣ်ကွီၢ် 11:29

တုၤနုၤတစု, ယွၤအသးလီၤဘၣ်လၢစီၤယံးဖသၤအလိၤလီၤ. အဝဲလဲၤခီဂာ်ကီၢ်ကံးလဧး, ကီၢ်မနၤၡ့ၤ, ဒီးဟဲက့ၤဆူဝ့ၢ် မံးစပၤလၢကီၢ်ကံးလဧးအပူၤဒီးလဲၤဆူကီၢ်ဧၣ်မိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:10

ယွၤအသးလီၤဘၣ်လၢအဝဲအလိၤဒီးအဝဲကဲထီၣ်ပှၤအံၣ်စရ့လးဖိ အခိၣ်န့ၣ်လီၤ. စီၤဧီၤသန့လးလဲၤဒုးတၢ်ယၤတၢ်ဒီး ယွၤဟ့ၣ်အီၤတၢ်မၤနၢၤလၢကီၢ်မံးစပတၤမံအစီၤပၤအဖီခိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:18

အခ့အပှၤအကျါတဂၤစံးဝဲဒၣ်, “စီၤယံးၡဲအိၣ်လၢဝ့ၢ်ဘ့ၤသလ့ဃ့ၣ်န့ၣ် အိၣ်ဒီးအဖိခွါတဂၤလၢအမ့ၢ်ပှၤဒ့တနၢ်သ့ဂ့ၤဂ့ၤလီၤ. အဝဲမ့ၢ်စ့ၢ်ကီးပှၤအဒူအဃိၤဒီးပှၤဒိၣ်တၢ်ဂ့ၤတဂၤ, မ့ၢ်ပှၤသုးဖိလၢအဂ့ၤတဂၤဒီးပှၤကလုၢ်သ့ကတိၤဘၣ်တဂၤလီၤ. ယွၤအိၣ်ဒီးအီၤလီၤ.”