လံာ်တၢ်ဂံၢ် 27:14 - Sgaw Karen Common Bible

¹⁴ မ့ၢ်လၢသုဝဲခံဂၤလိာ်သုပူထီၣ်ထီဒါယတၢ်မၤလိာ်လၢပှၢ်မုၢ် ကနၢစံၣ်အပူၤအဃိန့ၣ်လီၤ. ဖဲပှၤဂီၢ်မုၢ်ဒီကရူၢ်ကဒူးကဒ့ၣ်ထီဒါယၤလၢမရံၤဘါန့ၣ်, သုဂ့ၢ်လိာ်သ့ၣ်ညါပာ်ကဲယစိကမီၤစီဆှံလၢအဝဲသ့ၣ်အမဲာ်ညါ လီၤ.” (မရံၤဘါမ့ၢ်ထံထီၣ်ပၢၢ်လၢဝ့ၢ်ကၤဒ့ၣ်, လၢပှၢ်မုၢ်ကနၢစံၣ်အပူၤန့ၣ်လီၤ.)

လံာ်တၢ်ဂံၢ် 27:14 Iomraidhean Croise

လံာ်တၢ်ဟးထီၣ်ကွံာ် 17:7

တၢ်လီၢ်န့ၣ်ဘၣ်တၢ်ယုၢ်အမံၤလၢမးစၤ, ဒီးမရံၤဘါလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်ကဒူးကဒ့ၣ်တၢ်ဒီးလ့ပစီ ယွၤဖဲအဝဲသ့ၣ်စံးဝဲ, “မ့ၢ်ယွၤအိၣ်ဒီးပှၤဧါ, မ့တမ့ၢ်တအိၣ်ဘၣ်ဧါ,” အဃိန့ၣ်လီၤ.

လံာ်တၢ်ဂံၢ် 13:21

မၤသးဒ်န့ၣ်ဒီး, ပှၤတဖၣ်န့ၣ်လဲၤထီၣ်ဆူကလံၤစိးဒီးဃုသ့ၣ်ညါ ကီၢ်န့ၣ်အဂ့ၢ်စးထီၣ်လၢကီၢ်အကလံၤထံးပှၢ်မုၢ်ကနၢစံၣ်ဒီးကျဲ ဒီဘိတုၤဆူရဃိာ်အိၣ်ဘူးဒီးကျဲဆူဃမါသးကလံၤစိးတခီန့ၣ် လီၤ.

လံာ်တၢ်ဂံၢ် 20:1

လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

လံာ်တၢ်ဂံၢ် 20:5

ဘၣ်မနုၤသုထုးထီၣ်ပှၤလၢကီၢ်အဲၤကူပတူးအပူၤဆူတၢ်လီၢ်အနး အဖှီၣ်အံၤဖဲတၢ်တမဲထီၣ်ဘၣ်နီတမံၤဘၣ်န့ၣ်လဲၣ်. ဘုတအိၣ်, ဟုတအိၣ်, ချၢၣ်ဒၢတအိၣ်, စပံးသၣ်တအိၣ်, သလဲသၣ်တအိၣ်ဘၣ်. ထံလၢပကအီအဂီၢ်ဒၣ်လဲာ်န့ၣ်တအိၣ်ဘၣ်.”

လံာ်တၢ်ဂံၢ် 27:15

စီၤမိၤၡ့ဘါထုကဖၣ်တၢ်စံးဝဲ, “ယွၤ, ကစၢ်ယွၤ, တၢ်မူခဲလၢာ်အဂံၢ်ထံးဧၢ, ယဃ့ဘါထုကဖၣ်နၤ, ပာ်ထီၣ်ပှၤတဂၤလၢအဆှၢပှၤဂီၢ်မုၢ်သ့,

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

လံာ်သိၣ်လီၤသီလီၤတၢ် 1:37

လၢသုဃိန့ၣ်, ကစၢ်ယွၤသးဒိၣ်ထီၣ်ယၤဒီးစံးဝဲ, နဲဒၣ်ဒၣ်လဲာ်န့ၣ်, စီၤမိၤၡ့ဧၢ, နတလဲၤနုာ်လီၤဘၣ်ဆူကီၢ်န့ၣ် အပူၤဘၣ်.

လံာ်သိၣ်လီၤသီလီၤတၢ် 4:22

ယကသံလၢကီၢ်အံၤအပူၤဒီးတခီဂာ်ဘၣ်ထံကျိနီတစုဘၣ်. မ့မ့ၢ်, သုဝဲသ့ၣ်အံၤဘူးတ့ၢ်မးလၢသုကခီဂာ်ဘၣ်အီၤဒီးမၤ န့ၢ်ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.