လံာ်တၢ်ဂံၢ် 27:11 - Sgaw Karen Common Bible

¹¹ အဝဲအဒီပုၢ်ဝဲၢ်ခွါမ့ၢ်ဂ့ၤ, အဖါတံၢ်မ့ၢ်ဂ့ၤမ့ၢ်တအိၣ်နီတဂၤ ဘၣ်ဒီး, အဝဲအဘူးအတံၢ်အဘူးကတၢၢ်ဒီးအီၤကဘၣ်န့ၢ်သါအီၤဒီး, ဟံးဃာ်အီၤဒ်အတၢ်စုလီၢ်ခီၣ်ခိၣ်ဒၣ်ဝဲအသိးန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်ကဘၣ်တိၢ်န့ၢ်တၢ်အံၤဒ်တၢ်သိၣ်တၢ်သီ လၢတၢ်လိၣ်ဘၣ်အီၤအသိးဒ်ယၤ, ယွၤမၤလိာ်တ့ၢ်နၤန့ၣ်လီၤ.”

လံာ်တၢ်ဂံၢ် 27:11 Iomraidhean Croise

လံာ်ယံးရမံယၤ 32:8

အန့ၣ်ဝံၤဒီး, ဒ်ယွၤစံးတ့ၢ်ဝဲအသိး, စီၤဃနၤန့လးဟဲဆူ ယအိၣ်ဖဲ ဃိာ်အဂၢၤပူၤဒီး မၢယပှ့ၤစံာ်ပျီန့ၣ်လီၤ. သတးဒီးယသ့ၣ်ညါ ယဲလၢယွၤကတိၤတ့ၢ်လံ တၢ်ဒီးယၤနီၢ်နီၢ်လံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:25

ပှၤအံၣ်စရ့လးဖိတဂၤဂၤမ့ၢ်ဖှီၣ်လီၤယာ်လီၤဝဲတုၤအဘၣ် ဆါလီၤကွံာ်အဟီၣ်ခိၣ်န့ၣ်ဒီး, အဘူးအတံၢ်လၢအဘူးကတၢၢ်ဒီး အီၤကဘၣ်ပှ့ၤကဒါက့ၤဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:49

အဖါတံၢ်မ့ၢ်ဂ့ၤ, အတခွါမ့ၢ်ဂ့ၤ, အဘူးအတံၢ်တံၢ်နီၢ်အကျါတဂၤဂၤမ့ၢ်ဂ့ၤ, ပှ့ၤက့ၤအီၤသ့ဝဲဒၣ်န့ၣ်လီၤ. အဝဲအနီၢ်ကစၢ်ဒၣ်ဝဲမ့ၢ်ဘီၣ်ထီၣ်ညီထီၣ်န့ၣ် ဒီးပှ့ၤက့ၤအသးဒၣ်ဝဲသ့လီၤ.

လံာ်တၢ်ဂံၢ် 27:10

အဝဲအဒီပုၢ်ဝဲၢ်ခွါမ့ၢ်တအိၣ်နီတဂၤဘၣ်ဒီး, အဝဲအပၢ်အဒီပုၢ်ဝဲၢ်ခွါတဖၣ်ကဘၣ်န့ၢ်သါအီၤန့ၣ်လီၤ.

လံာ်တၢ်ဂံၢ် 35:29

တၢ်သိၣ်တၢ်သီတဖၣ်အံၤမ့ၢ်လၢသုဝဲဒီးသုစၢၤသုသွဲၣ်တဖၣ် အဂီၢ်ဖဲသုအိၣ်ဆိးတပူၤပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:25

စီၤဒၤဝံးဒုးကဲထီၣ်တၢ်အံၤလၢတၢ်သိၣ်တၢ်ဘျၢတခါ, ဒီးတၢ်န့ၣ်ဘၣ်တၢ်မၤထွဲအီၤလၢကီၢ်အံၣ်စရ့လးအပူၤ စးထီၣ်ဖဲတနံၤန့ၣ်လံၤလံၤလီၤ.