လံာ်တၢ်ဂံၢ် 26:65 - Sgaw Karen Common Bible

⁶⁵ ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

လံာ်တၢ်ဂံၢ် 26:65 Iomraidhean Croise

စံးထီၣ်ပတြၢၤ 37:9

အဂ့ၢ်ဒ်အံၤ, ပှၤအၢပှၤသီကဘၣ်တၢ်ဒီၣ်တဲာ်ကွံာ်အီၤ, ဘၣ်ဆၣ်ပှၤလၢအမုၢ်လၢ်တၢ်လၢယွၤန့ၣ်, ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

လံာ်တၢ်ဟးထီၣ်ကွံာ် 12:37

ပှၤအံၣ်စရ့လးဖိတဖၣ်ဟးထီၣ်ဝဲလၢအခီၣ်စးထီၣ်လၢဝ့ၢ်ရၤမစ့ တုၤဆူဝ့ၢ်စူးကိၤသးန့ၣ်လီၤ. ပှၤပိာ်ခွါအိၣ်ဝဲဒၣ်အဂၤဃုကလီၢ်ဃၣ် ဃၣ်ဒီးပိာ်မုၣ်တဖၣ်ဒီးဖိသၣ်တဖၣ်တဘၣ်တၢ်ဂံၢ်ဃုာ်အီၤဘၣ်.

လံာ်တၢ်ဂံၢ် 14:26

ယွၤစံးဘၣ်စီၤမိၤၡ့ဒီးစီၤအၤဟရိၣ်, “ပှၤတတီတလိၤတဖုအံၤက, ကဒူးကဒ့ၣ်တၢ်ထီဒါယၤဆံးယံာ်ဒံး န့ၣ်လဲၣ်. ယနၢ်ဟူဘၣ်တ့ၢ်တၢ်ကဒူးကဒ့ၣ်တဖၣ်အံၤအါကဲၣ်ဆိးလံ.

လံာ်တၢ်ဂံၢ် 14:32

သုကသံဖဲပှၢ်မုၢ်ကနၢအံၤအပူၤလီၤ.

လံာ်တၢ်ဂံၢ် 14:35

ယဆိၣ်တၢ်လၢယကမၤတၢ်အံၤဆူသျုဝဲပှၤတတီတလိၤတဖၣ်, ပှၤလၢအပာ်ဖှိၣ်ထီၣ်အသးထီဒါယၤအဂီၢ်န့ၣ်လီၤ. လၢပှၢ်မုၢ်ကနၢအံၤအပူၤသုဝဲကိးဂၤဒဲးကသံဝဲလီၤ. ယၤ, ယွၤကတိၤလံတၢ်လံ.”

လံာ်တၢ်ဂံၢ် 14:38

လၢပှၤကွၢ်ဟုၣ်ကွၢ်စုးတၢ်တဆံခံဂၤအကျါန့ၣ်အိၣ်မူတ့ၢ်ဝဲ ထဲစီၤယိၤၡူဒီးစီၤကၤလ့းဧိၤန့ၣ်လီၤ.

လံာ်တၢ်ဂံၢ် 27:3

“ပပၢ်သံတ့ၢ်ဝဲလၢပှၢ်မုၢ်ကနၢအပူၤဒီးတပာ်တ့ၢ်အဖိခွါနီ တဂၤဘၣ်. အဝဲတမ့ၢ်ပှၤအိၣ်လၢပှၤပိာ်စီၤကိၤရးအခံတဖၣ်, လၢအပူထီၣ်ထီဒါယွၤအကျါန့ၣ်ဘၣ်. အဝဲသံဝဲဒၣ်လၢအတၢ်ဒဲးဘးဒၣ်ဝဲအဃိလီၤ.

လံာ်တၢ်ဂံၢ် 34:19

ဒီးအအံၤမ့ၢ်ပှၤတဖၣ်လၢယွၤဃုထၢထီၣ်အီၤန့ၣ်လီၤ. ပှၤအဒူၣ် ခိၣ်နၢ် ယူဒၤ စီၤယဖူန့ၤအဖိခွါစီၤကၤလ့း စူၤမ့းအိၣ် စီၤဧးမံၤဟူးအဖိခွါစီၤၡံမူၤအ့လး ဘံၣ်ယၤမံၣ် စီၤကံးစလိၣ်အဖိခွါစီၤအလံဒး ဒၣ် စီၤယၤကလံၤအဖိခွါစီၤဘူးကံၤ မနၤၡ့ၤ စီၤအ့ဖိးအဖိခွါစီၤဃနံၤအ့လး အ့ဖရဲၣ် စီၤၡံးဖတၣ်အဖိခွါစီၤကမူၤအ့လး စဘူလိၣ် စီၤပၢ်နးအဖိခွါစီၤအလံစဖၣ် ယံးစၣ်ကၣ် စီၤဧးစၣ်အဖိခွါစီၤပးလတံၤအ့လး အၤၡ့ၢ် စီၤၡလိၤမံအဖိခွါစီၤအဃံဟူး နးသၤလံ စီၤဧးမံဟူးအဖိခွါစီၤပဒၤအ့လး

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.

လံာ်သိၣ်လီၤသီလီၤတၢ် 1:36

ထဲဒၣ်စီၤယဖူန့ၤအဖိခွါစီၤကၤလ့းဧိၤကနုာ်လီၤဘၣ်ဆူကီၢ် န့ၣ်လီၤ. အဝဲအသးတီတ့ၢ်ယၤဒီးယကဟ့ၣ်အီၤဒီးအဝဲအစၢၤအသွဲၣ်တဖၣ်လၢ ကီၢ်တဘ့ၣ်လၢအဝဲလဲၤကွၢ်ဟုၣ်ကွၢ်စုးတ့ၢ်ဝဲန့ၣ်လီၤ.

လံာ်စီၤယိၤၡူ 5:4

ဒီးတၢ်အဂ့ၢ်အခၢးလၢစီၤယိၤၡူကူးတရံးအဝဲ သ့ၣ်မ့ၢ်ဒ်အံၤလီၤ. ပိာ်ခွါခဲလၢာ်လၢအဟးထီၣ်လၢကီၢ်အဲၤကူပတူး, ပှၤလၢအဒုးသုးခဲလၢာ်, သံဝဲလၢကျဲလၢပှၢ်မုၢ်ကနၢအပူၤဖဲ အဟးထီၣ်ဝံၤအလီၢ်ခံန့ၣ်လီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.