လံာ်တၢ်ဂံၢ် 26:55 - Sgaw Karen Common Bible

⁵⁵ မၤလီၤတံၢ်လၢတၢ်နီၤလီၤထံကီၢ်ကဘၣ်မ့ၢ်ခီဖျိတၢ်ဖီၣ်တၢ်ဖး, ဒီးဒ်အဝဲသ့ၣ်အဒူၣ်အတၢ်လီၤစၢၤအမံၤအိၣ်ဝဲန့ၣ်, အဝဲသ့ၣ်ကန့ၢ်သါတၢ်လီၤ.

လံာ်တၢ်ဂံၢ် 26:55 Iomraidhean Croise

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

တၢ်ကတိၤဒိ. 18:18

ပှၤစိကမီၤဒိၣ်ခံဂၤမ့ၢ်ထီဒါလိာ်အသးတဂၤဒီးတဂၤလၢကွီၢ် ဘျီၣ်အပူၤဒီး, တၢ်ဖီၣ်တၢ်ဖးတဖၣ်မၤဝံၤတၢ်ဂ့ၢ်သ့ဝဲလီၤ.

လံာ်ယဃ့းစက့လး 47:22

ကီၢ်န့ၣ်ကဘၣ်မ့ၢ်သုတၢ်လီၤစိၤလီၤဃၣ်န့ၣ်လီၤ. ပှၤတခီဘီမုၢ်ဖိတဖၣ်လၢအအိၣ်ဆိးလၢသု ကျါဒီးပှၤတဖၣ်လၢအအိၣ်ဖျဲၣ်ထီၣ်ဖဲအံၤစ့ၢ်ကီးကဘၣ်မၤန့ၢ် စ့ၢ်ကီးတၢ်နီၤဖးလၢအဂီၢ်လၢကီၢ်အံၤအပူၤဖဲသုနီၤလီၤအီၤ အခါန့ၣ်လီၤ. အဝဲသ့ၣ်ကဘၣ်တၢ်ပာ်အီၤဒ်ပှၤအံၣ်စရ့လး အထံဖိကီၢ်ဖိတဖၣ်နီၢ်နီၢ်အသိးဒီးကဘၣ်ဖီၣ်တၢ်ဖးတဖၣ်လၢ အကီၢ်တၢ်န့ၢ်သါတဖၣ်အဂီၢ်ဃုာ်ဒီးကီၢ်အံၣ်စရ့လးအဒူၣ် ထၢတဖၣ်န့ၣ်လီၤ.

လံာ်တၢ်ဂံၢ် 26:56

အဝဲသ့ၣ်အတၢ်န့ၢ်သါကဘၣ်တၢ်ဟ့ၣ်လီၤအီၤဒ်တၢ်ဖးအိၣ်ဝဲ အသိးလၢပှၤအအါဒီးအစှၤအဘၢၣ်စၢၤန့ၣ်လီၤ.

လံာ်တၢ်ဂံၢ် 33:54

နီၤဖးလီၤကီၢ်န့ၣ်လၢပှၤအဒူၣ်အကလုာ်ကလုာ်တဖၣ်ဒီးဒူၣ်ထၢတဖၣ် အကျါခီဖျိတၢ်ဖီၣ်တၢ်ဖးတဖၣ်, ဒီးဟ့ၣ်လီၤကီၢ်အလီၢ်လဲၢ်တတီၤဆူဒူၣ်ထၢအဒိၣ်တဒူၣ်လၢအတၢ်န့ၢ် သါအဂီၢ်, ဒီးကီၢ်အလီၢ်အံၣ်ဆူဒူၣ်ထၢအဆံးဖိတဒူၣ်အအိၣ်တက့ၢ်.

လံာ်တၢ်ဂံၢ် 34:13

မၤသးဒ်န့ၣ်ဒီး, စီၤမိၤၡ့စံးဘၣ်ပှၤအံၣ်စရ့လးဖိတဖၣ်, “အအံၤမ့ၢ်ကီၢ်တဘ့ၣ်လၢသုကဒိးန့ၢ်ဘၣ်အီၤခီဖျိတၢ်ဖီၣ်တၢ် ဖးတဖၣ်, ကီၢ်တဘ့ၣ်လၢယွၤဟ့ၣ်လီၤဆူပှၤအဒူၣ်ခွံဒူၣ်ဒီးတခီဒူၣ်, အအိၣ်န့ၣ်လီၤ.

လံာ်တၢ်ဂံၢ် 36:2

အဝဲသ့ၣ်စံး, “ယွၤမၤလိာ်တ့ၢ်သုလၢသုကနီၤလီၤကီၢ်အံၤဆူ ကီၢ်အံၣ်စရ့လးအပှၤဂီၢ်မုၢ်အအိၣ်ခီဖျိတၢ်ဖီၣ်တၢ်ဖးတဖၣ်န့ၣ် လီၤ. အဝဲမၤလိာ်စ့ၢ်ကီးသုလၢ, သုကဟ့ၣ်ပဘူးပတံၢ်စီၤစလၤဖဃး အတၢ်စုလီၢ်ခီၣ်ခိၣ်ဆူအဖိမုၣ်တဖၣ်အအိၣ်လီၤ.

မၤတၢ် 1:26

အန့ၣ်ဒီးအဝဲသ့ၣ်ဖီၣ်တၢ်ဖး ဒ်သိးကဃုထၢထီၣ်ပှၤတဂၤလၢပှၤခံဂၤ အကျါလီၤ. ဒီးပှၤလၢအဘၣ်တၢ်ဃုထၢထီၣ်အီၤမ့ၢ်စီၤမးသံ, ဒီးအဝဲဒၣ်အံၤဘၣ်တၢ်ပာ်ဖှိၣ်ဃုာ်အီၤလၢပှၤတၢ်မၢဖိတဆံတဂၤ အကရူၢ်ပူၤန့ၣ်လီၤ.

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 14:2

ဒ်ယွၤမၤလိာ်စီၤမိၤၡ့အသိး, ပှၤခွံဒူၣ်ဒီးဒူၣ်တဝာ်လၢထံကျိယၢ်ဒ့ၣ်အမုၢ်နုာ်တဖၣ်ဘၣ်တၢ် နီၤဖးန့ၢ်အထံအကီၢ်ခီဖျိတၢ်ဖီၣ်တၢ်ဖးန့ၣ်လီၤ.

လံာ်စီၤယိၤၡူ 17:14

စီၤယိၤသးအစၢၤအသွဲၣ်တဖၣ်စံးဘၣ်စီၤယိၤၡူ, “ဘၣ်မနုၤအဃိနဟ့ၣ်ပှၤကီၢ်ထဲတပူဧိၤလၢပတၢ်န့ၢ်သါအဂီၢ်န့ၣ်လဲၣ်. ပမ့ၢ်ပှၤအအါတဖုမ့ၢ်လၢယွၤဆိၣ်ဂ့ၤပှၤအဃိလီၤ.”

လံာ်စီၤယိၤၡူ 18:6

ကွဲးလီၤတၢ်နီၤဖးလီၤနွံပူၤအံၤအဂ့ၢ်အကျိၤဒီးဟဲစိာ်အီၤဆူ ယအိၣ်တက့ၢ်. အန့ၣ်ဒီးယကဖးတၢ်လၢသုဂီၢ်ဖဲအံၤလၢယွၤ ပကစၢ်ယွၤအမဲာ်ညါန့ၣ်လီၤ.

လံာ်စီၤယိၤၡူ 19:1

တၢ်ဖးခံမံၤတမံၤန့ၣ်ဟဲထီၣ်လၢစူၤမ့းအိၣ်အဒူၣ်အဂီၢ်ဒ်အဒူၣ် ဖိထၢဖိအိၣ်ဝဲအသိးဒီး အတၢ်န့ၢ်သါအဆၢန့ၣ်အိၣ်တုၤလၢယူဒၤ အဒူၣ်အတၢ်န့ၢ်သါအပူၤန့ၣ်လီၤ.

လံာ်စီၤယိၤၡူ 19:10

တၢ်ဖးသၢမံၤတမံၤန့ၣ်ဟဲထီၣ်လၢစ ဘူလိၣ်အဒူၣ်အဂီၢ်ဒ်အဒူၣ်ဖိထၢဖိအိၣ်ဝဲအသိးဒီးကီၢ်လၢအန့ၢ်သါဝဲန့ၣ် လဲၤတုၤလၢဝ့ၢ်စၤရံးန့ၣ်လီၤ.

လံာ်စီၤယိၤၡူ 19:17

တၢ်ဖးလွံၢ်မံၤတမံၤန့ၣ်ဟဲထီၣ်လၢယံးစၣ် ကၣ်အဒူၣ်အဂီၢ်ဒ်အဒူၣ်ဖိထၢဖိအိၣ်ဝဲအသိးန့ၣ်လီၤ.

လံာ်စီၤယိၤၡူ 19:24

တၢ်ဖးယဲၢ်မံၤတမံၤန့ၣ်ဟဲထီၣ်လၢအၤၡ့ၢ်အဂီၢ်ဒ်အဒူၣ်ဖိထၢဖိ အိၣ်ဝဲအသိးန့ၣ်လီၤ.

လံာ်စီၤယိၤၡူ 19:32

တၢ်ဖးဃုမံၤတမံၤဟဲထီၣ် လၢနးသၤလံအဒူၣ်အဂီၢ်ဒ်အဒူၣ်ဖိထၢဖိအိၣ်ဝဲအသိးန့ၣ်လီၤ.

လံာ်စီၤယိၤၡူ 19:40

တၢ်ဖးနွံမံၤတမံၤဟဲထီၣ်လၢဒၣ်အဒူၣ်ဖိထၢအဂီၢ်ဖိဒ်အအိၣ်ဝဲ အသိးန့ၣ်လီၤ.