လံာ်တၢ်ဂံၢ် 26:5 - Sgaw Karen Common Bible

⁵ လၢရူၤဘ့ၣ်အဒူၣ်ပူၤ (စီၤရူၤဘ့ၣ်မ့ၢ်စီၤယၤကိာ်အဖိခွါအဒိၣ် ကတၢၢ်), ဒူၣ်ထၢတဖၣ်လၢအဘၣ်ထွဲဒီးစီၤဟနိာ်, စီၤပးလူး,

လံာ်တၢ်ဂံၢ် 26:5 Iomraidhean Croise

လံာ်တၢ်ကဲထီၣ်အခီၣ်ထံး 29:32

ဒီးနီၢ်လ့ၤအၤဒၢထီၣ်ဒီးဆံးစၢ်န့ၣ်အဖိခွါတဂၤလီၤ. ဒီးစံးဝဲ, “ယွၤထံၣ်တ့ၢ်လံယတၢ်ကီတၢ်ခဲလံ, ဒီးခဲကနံၣ်အံၤယဝၤကအဲၣ်ယၤလီၤ.” ဒီးယုၢ်န့ၢ်အမံၤလၢစီၤရူၤဘ့ၣ်လီၤ.

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:3

စီၤရူၤဘ့ၣ်လၢအမ့ၢ်စီၤယၤကိာ်အဖိခွါဝဲၢ်ကိအိၣ်ဒီးအဖိ ခွါလွံၢ်ဂၤလၢအမ့ၢ်ဝဲ, စီၤဟနိာ်, စီၤပးလူ, စီၤဃ့စရိၣ်ဒီးစီၤကၢ်မံၤန့ၣ်လီၤ.

လံာ်တၢ်ဟးထီၣ်ကွံာ် 6:14

ဒီးစီၤရူၤဘ့ၣ်လၢအမ့ၢ်စီၤယၤကိာ်အဖိဝဲၢ်ကိအိၣ်ဒီးအဖိခွါ လွံၢ်ဂၤလၢအမ့ၢ်စီၤဃနိာ်, စီၤပးလူး, စီၤဃ့စရိၣ်ဒီးစီၤကၢ်မံၤန့ၣ်လီၤ. အဝဲသ့ၣ်တဖၣ်န့ၣ်မ့ၢ်ရူၤဘ့ၣ်အဒူၣ်အထၢတဖၣ်အပၢ်လၢပျၢၤတဖၣ် န့ၣ်လီၤ.

လံာ်တၢ်ဂံၢ် 1:20

ပှၤပိာ်ခွါအသးအိၣ်အနံၣ်ခံဆံမ့တမ့ၢ်ခံဆံဆူအဖီခိၣ်လၢအ ကြၢးဝဲဘၣ်ဝဲလၢတၢ်ဒုးသုးအဂီၢ်န့ၣ်ဘၣ်တၢ်ဆဲးလီၤကွဲးနီၣ် အမံၤဒ်အဒူၣ်ထၢဒီးအဟံၣ်ဖိဃီဖိအမံၤအိၣ်ဝဲဒၣ်အသိး, စးထီၣ်လၢစီၤရူၤဘ့ၣ်အဒူၣ်လၢအမ့ၢ်စီၤယၤကိာ်အဖိခွါအဒိၣ် ကတၢၢ်အဒူၣ်န့ၣ်လီၤ. အနီၣ်ဂံၢ်ခဲလၢာ်မ့ၢ်ဒ်အဖီလာ်အသိးန့ၣ်လီၤ. လၢရူၤဘ့ၣ်အဒူၣ်န့ၣ် ပှၤလွံၢ်ကလးဃုကထိယဲၢ်ကယၤဂၤ. လၢစူၤမ့းအိၣ်အဒူၣ်န့ၣ် ပှၤယဲၢ်ကလးခွံကထိသၢကယၤဂၤ. လၢကးအဒူၣ်န့ၣ်ပှၤလွံၢ်ကလးယဲၢ်ကထိဃုကယၤယဲၢ်ဆံဂၤ. လၢယူဒၤအဒူၣ်န့ၣ်ပှၤနွံကလးလွံၢ်ကထိဃုကယၤဂၤ. လၢယံးစၣ်ကၢ်အဒူၣ်န့ၣ်ပှၤယဲၢ်ကလးလွံၢ်ကထိလွံၢ်ကယၤဂၤ. လၢစဘူလိၣ်အဒူၣ်န့ၣ်ပှၤယဲၢ်ကလးနွံကထိလွံၢ်ကယၤဂၤ. လၢအ့ဖရဲၣ်အဒူၣ်န့ၣ်ပှၤလွံၢ်ကလးယဲၢ်ကယၤဂၤ. လၢမနၤၡ့ၤအဒူၣ်န့ၣ်ပှၤသၢကလးခံကထိခံကယၤဂၤ. လၢဘံၣ်ယၤမံၣ်အဒူၣ်န့ၣ်ပှၤသၢကလးယဲၢ်ကထိလွံၢ်ကယၤဂၤ. လၢဒၣ်အဒူၣ်န့ၣ်ပှၤဃုကလးခံကထိနွံကယၤဂၤ. လၢအၤၡ့ၢ်အဒူၣ်န့ၣ်ပှၤလွံၢ်ကလးတကထိယဲၢ်ကယၤဂၤ. လၢနၤသးလံအဒူၣ်န့ၣ်ပှၤယဲၢ်ကလးသၢကထိလွံၢ်ကယၤဂၤ. ပှၤခဲလၢာ်ပာ်ဖှိၣ်မ့ၢ်ဝဲ, ဃုကလီၢ်သၢကထိယဲၢ်ကယၤယဲၢ်ဆံဂၤ.

လံာ်တၢ်ဂံၢ် 26:4

ပှၤတဖၣ်အံၤမ့ၢ်ပှၤအံၣ်စရ့လးဖိလၢအဟဲထီၣ်လၢကီၢ်အဲၤကူ ပတူးအပူၤန့ၣ်လီၤ.

လံာ်တၢ်ဂံၢ် 26:6

စီၤဃ့စရိာ်ဒီးစီၤကၢ်မံၤန့ၣ်လီၤ. ဒူၣ်ထၢတဖၣ်အံၤအိၣ်ဒီးပှၤပိာ်ခွါအနီၣ်ဂံၢ်လွံၢ်ကလးသၢကထိနွံကယၤသၢဆံဂၤန့ၣ်လီၤ.