လံာ်တၢ်ဂံၢ် 26:11 - Sgaw Karen Common Bible

¹¹ ဘၣ်ဆၣ်ဒီးစီၤကိၤရးအဖိခွါတဖၣ်တဘၣ်တၢ်မၤသံအီၤဘၣ်.)

လံာ်တၢ်ဂံၢ် 26:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:19

စီၤၡၤလူၣ်လၢအမ့ၢ်စီၤကိၤရ့အဖိခွါဒီးစီၤအဘံယၤစာ်အလံၤခွါ, ဃုာ်ဒီးအဝဲအဒူၣ်ထၢအဟံၣ်ဖိဃီဖိကဒဲကဒဲလၢပှၤကိၤရးအဒူၣ် ထၢပူၤတဖၣ်, အိၣ်မူဒါလၢတၢ်ပၢၤကျဲစၢၤလဲၤနုာ်ဆူ ယွၤအိၣ်ဝဲဆိးဝဲအလီၢ်အဒဲ, ဒ်အဝဲသ့ၣ်အပၢ်ဖးဒိၣ်လၢပျၢၤ တဖၣ်မၤတ့ၢ်ဝဲ, ဖဲအဝဲသ့ၣ်မ့ၢ်ပှၤအခိၣ်တဖၣ်လၢယွၤသူၣ်ဒဲအလီၢ်အဂီၢ်အသိးန့ၣ်လီၤ.

စံးထီၣ်ပတြၢၤ 42:1

ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ အယွၤလီၤအသိး, ယသးဆၢန့ၢ်ဘၣ်နၤလီၤ.

စံးထီၣ်ပတြၢၤ 44:1

ကစၢ်ယွၤဧၢ, ပနၢ်ဟူတ့ၢ်လၢပနၢ်, ပပၢ်သ့ၣ်တဖၣ်တဲတ့ၢ်ပှၤ တၢ်ဖံးတၢ်မၤလၢနမၤတ့ၢ်လၢအမုၢ်နံၤတဖၣ်, မုၢ်နံၤလၢပျၢၤန့ၣ်လီၤ.

စံးထီၣ်ပတြၢၤ 45:1

တၢ်ကတိၤဃံလၤတဖၣ်မၤပှဲၤယတၢ်ဆိကမိၣ် ဖဲယကွဲးတၢ်သးဝံၣ်အံၤလၢစီၤပၤအဂီၢ်န့ၣ်လီၤ. ဒ်ပှၤကွဲးလံာ်သ့အထိၣ်ဒံးအသိး ယပျ့ၤချ့လၢထါအဂီၢ်န့ၣ်လီၤ.

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 47:1

ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု, ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ အတၢ်သးဝံၣ်တဖၣ်န့ၣ်တက့ၢ်.

စံးထီၣ်ပတြၢၤ 48:1

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤအဒိၣ်အအါ လၢပကစၢ်ယွၤအဝ့ၢ်ပူၤ, လၢအကစၢၢ်စီဆှံအလိၤန့ၣ်လီၤ.

စံးထီၣ်ပတြၢၤ 49:1

ကနၣ်တၢ်အံၤ, ပှၤခဲလၢာ်သ့ၣ်ဧၢ, ဒိကနၣ်, ပှၤလၢလီၢ်ကိးပူၤဒဲးသ့ၣ်ဧၢ,

စံးထီၣ်ပတြၢၤ 50:1

ယွၤ, တၢ်အစိဒိၣ်ကမီၤထီကစၢ်ယွၤကတိၤတၢ်လီၤ. ကိးပှၤဟီၣ်ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ.

လံာ်တၢ်ဟးထီၣ်ကွံာ် 6:24

ဒီးစီၤကိၤရးအိၣ်ဒီးအဖိခွါသၢဂၤလၢအမ့ၢ်စီၤအစံၢ်, စီၤအ့လကါနၤ, ဒီးစီၤအဘံအစၤဖးလီၤ. အဝဲသ့ၣ်မ့ၢ်စီၤကိၤရးအဒူၣ်ဖိထၢဖိတဖၣ်လီၤ.

လံာ်တၢ်ဂံၢ် 16:27

မၤသးဒ်န့ၣ်ဒီးအဝဲသ့ၣ်သုးကွံာ်အသးလၢစီၤကိၤရး, စီၤဒၤသၣ်ဒီးစီၤအဘံရၣ်အဒဲတဖၣ်အအိၣ်န့ၣ်လီၤ. စီၤဒၤသၣ်, ဒီးစီၤအဘံရၣ်ဟဲထီၣ်ဝဲဒီးဆၢထၢၣ်ဖဲအဝဲသ့ၣ် အဒဲတဖၣ်အကျဲစၢၤဃုာ်ဒီးအမါတဖၣ်ဒီးအဖိတဖၣ်လီၤ.

လံာ်တၢ်ဂံၢ် 16:32

ဒီးယူၢ်လီၤကွံာ်အဝဲသ့ၣ်ဒီးအဟံၣ်ဖိဃီဖိခဲလၢာ်, ဃုာ်ဒီးပှၤပိာ်စီၤကိၤရးအခံတဖၣ်ဒီးအတၢ်ဖိတၢ်လံၤခဲလၢာ် န့ၣ်လီၤ.

လံာ်တၢ်ဂံၢ် 16:33

မၤသးဒ်န့ၣ်ဒီး, အဝဲသ့ၣ်လဲၤလီၤဆူတၢ်သံအကီၢ်ပူၤမူဒံးဃုာ် ဒီးအတၢ်ဖိတၢ်လံၤခဲလၢာ်လီၤ. ဟီၣ်ခိၣ်ကးတံၢ်အသးလၢအဝဲသ့ၣ်အဖီခိၣ်ဒီးအဝဲသ့ၣ်ဟါမၢ်ကွံာ် ဝဲဒၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 26:12

လၢစူၤမ့းအိၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤနမူၤအ့လး, စီၤယၤမံၣ်, စီၤယၤကံၣ်,

လံာ်သိၣ်လီၤသီလီၤတၢ် 11:6

သုသ့ၣ်နီၣ်တၢ်လၢအဝဲမၤဘၣ်တ့ၢ်ပှၤရူၤဘ့ၣ်အဒူၣ်ဖိထၢဖိ စီၤအလံအာ်အဖိခွါစီၤဒၤသၣ်ဒီးစီၤအဘံရၣ်န့ၣ်လီၤ. လၢပှၤကိးဂၤဒဲးအမဲာ်ညါန့ၣ်ဟီၣ်ခိၣ်အိးထီၣ်အသးဒီးယူၢ်လီၤ ကွံာ်အဝဲသ့ၣ်ဃုာ်ဒီးအဟံၣ်ဖိဃီဖိတဖၣ်, အဒဲတဖၣ်, ဒီးကယဲၢ်အဝဲသ့ၣ်အခ့အပှၤအကုၢ်အပှၤတဖၣ်ဒီးအဆၣ်ဖိကီၢ်ဖိတဖၣ် န့ၣ်လီၤ.

လံာ်သိၣ်လီၤသီလီၤတၢ် 24:16

လၢတၢ်ကမၣ်တဖၣ်လၢဖိတဖၣ်မၤအီၤအဃိန့ၣ်, မိၢ်ပၢ်တဖၣ်တၢ်တဘၣ်မၤသံအီၤဘၣ်. ဒီးလၢတၢ်ကမၣ်တဖၣ်လၢမိၢ်ပၢ်တဖၣ်မၤအီၤအဃိန့ၣ်ဖိတဖၣ်တၢ်တဘၣ်မၤသံအီၤဘၣ်. ပှၤတဂၤကဘၣ်တၢ်မၤသံအီၤထဲဒၣ်လၢအနီၢ်ကစၢ်ဒၣ်ဝဲမၤတၢ်ကမၣ်အဃိန့ၣ်လီၤ.