လံာ်တၢ်ဂံၢ် 25:14 - Sgaw Karen Common Bible

¹⁴ ပှၤအံၣ်စရ့လးဖိတဂၤလၢအဘၣ်တၢ်မၤသံဃုာ်အီၤဒီးပှၤမံးဒယၣ် မုၣ်တဂၤန့ၣ်အမံၤမ့ၢ်ဝဲစီၤစၤလူအဖိခွါစီၤစံၣ်ရံၤန့ၣ်လီၤ. အဝဲမ့ၢ်ဒူၣ်ဖိထၢဖိအခိၣ်တဂၤလၢစူၤမ့းအိၣ်အဒူၣ်ပူၤန့ၣ်လီၤ.

လံာ်တၢ်ဂံၢ် 25:14 Iomraidhean Croise

လံာ်တၢ်ကဲထီၣ်အခီၣ်ထံး 37:28

ဒီးဖဲပှၤမံးဒယၣ်ဖိအပှၤကူၣ်တၢ်ကၤတၢ်တနီၤဟဲဘၣ်ကျဲန့ၣ်, စီၤယိၤသးအဒီပုၢ်ဝဲၢ်ခွါတဖၣ်ထုးထီၣ်အီၤလၢထံပူၤဒီးဆါ ကွံာ်အီၤလၢစ့ညၣ်အဘ့ၣ်ခံဆံ, ဆူပှၤယံးၡမၤဧ့လးဖိတဖၣ်အစုပူၤလၢအက့ၤစိာ်ကွံာ်အီၤဆူ ကီၢ်အဲၤကူပတူးအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:18

အဝဲသ့ၣ်ဟးထီၣ်ကွံာ်လၢကီၢ်မံးဒယၣ်အပူၤဒီးလဲၤဝဲဆူကီၢ်ပၤ ရၣ်ဖဲပှၤအဂၤတနီၤပာ်ဖှိၣ်ထီၣ်အသးဒီးအဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်လဲၤဝဲဆူကီၢ်အဲၤကူပတူး, ဒီးလဲၤဝဲဆူစီၤပၤအအိၣ်, ဒီးစီၤပၤဟ့ၣ်လီၤစီၤဟၤဒးလၢတၢ်လီၢ်တနီၤ, ဒီးဟံၣ်တဖျၢၣ်ဒီးဟ့ၣ်လီၤအီၤလၢတၢ်အီၣ်တၢ်အီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:16

ပှၤပၢဆှၢတၢ်တဖၣ်လၢအံၣ်စရ့လးအဒူၣ်တဖၣ်အဖီခိၣ်မ့ၢ်ဒ်လၢလာ် အသိးအံၤလီၤ. စီၤစံးကရံအဖိခွါစီၤအလၤဧစၢ်, လၢပှၤရူၤဘ့ၣ်ဖိအဒူၣ်အဖီခိၣ်, စီၤမၤကၤအဖိခွါစီၤၡဖးတယၤ, လၢပှၤစူၤမ့းအိၣ်ဖိအဒူၣ်အဖီခိၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 19:7

ယူးယီၣ်ပာ်ကဲယွၤဒီးမၤတၢ်လီၤတံၢ်လီၤဆဲးတက့ၢ်. အဂ့ၢ်ဒ်အံၤ, ယွၤ, ပကစၢ်ယွၤန့ၣ်, တၢ်လီတၢ်ဝ့ၤမ့ၢ်ဂ့ၤ, တၢ်ကွၢ်မဲာ်တၢ်မ့ၢ်ဂ့ၤတၢ်ဟံးန့ၢ်ခိၣ်ဖးလာ်ဆှိးမ့ၢ်ဂ့ၤတအိၣ် ဘၣ်ဒီးအီၤဘၣ်.”

လံာ်တၢ်ဂံၢ် 25:13

အဝဲဒီးအစၢၤအသွဲၣ်တဖၣ်န့ၣ်ဘၣ်တၢ်ဒုးကဲထီၣ်ဒီးပာ်ဂၢၢ်ပာ် ကျၢၤအီၤဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီလီၤ. အဂ့ၢ်ဒ်အံၤ, အဝဲဝံသးစူၤပှၤလၢအပြၢတၢ်ထီဒါယၤတကဲ နီတဂၤဘၣ်ဒီးဒုးလီၤဘၣ်တၢ်ပျၢ်တၢ်ဒဲးဘးလၢပှၤဂီၢ်မုၢ်အတၢ် ဒဲးဘးအဂီၢ်လီၤ.”

လံာ်တၢ်ဂံၢ် 25:15

ပိာ်မုၣ်တဂၤန့ၣ်အမံၤမ့ၢ်ဝဲနီၢ်ကးစဘံၤလီၤ. အဝဲအပၢ်မ့ၢ်ကရူၢ်ခိၣ်တဂၤလၢပှၤမံးဒယၣ်ဖိအဒူၣ်ထၢတဖၣ်အကျါ န့ၣ်လီၤ.

လံာ်တၢ်ဂံၢ် 26:14

ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ ခံကထိခံကယၤခံဆံ ဂၤန့ၣ်လီၤ.

လံာ်လီၣ်ဖျါ 7:7

အဂၤတကလးခံကထိလၢစီၤစူၤမ့းအိၣ်အဒူၣ်, အဂၤတကလးခံကထိလၢစီၤလ့ၤဝံအဒူၣ်, အဂၤတကလးခံကထိလၢစီၤယံးစၣ်ကၢ်အဒူၣ်,