လံာ်တၢ်ဂံၢ် 24:6 - Sgaw Karen Common Bible

⁶ လီၤဂာ်မးဒ်သ့ၣ်စူၣ်ပလိၣ်အကျိၤဖးထီတဖၣ်မ့ၢ်ဂ့ၤ, တၤသၣ်လီၢ်တဖၣ်လၢထံကျိတဘိအဃၢၤမ့ၢ်ဂ့ၤ, လီၤဂာ်မးဒ်သ့ၣ်အကၠီၣ်လၢယွၤသူၣ်လီၤတ့ၢ်ဝဲအသိးမ့ၢ်ဂ့ၤ, ဒ်သ့ၣ်ဆှိးအ့ရ့းတဖၣ်လၢထံနံၤအသိးမ့ၢ်ဂ့ၤန့ၣ်လီၤ.

လံာ်တၢ်ဂံၢ် 24:6 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 104:16

ယွၤအသ့ၣ်လၢအသူၣ်လီၤဝဲလၢအမ့ၢ် လဘၤနိၣ်အသ့ၣ်ဆှိအ့ရ့းန့ၣ်, ဒိးန့ၢ်ဘၣ်တၢ်စူၤထံလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 45:8

နကူနသိးတဖၣ်နၢမူဝဲဒီးမူရၣ်, အကၠီၣ်ဒီးကဒါနါန့ၣ်လီၤ. သီတူၢ်တနၢ်တဖၣ်မၤသးခုနၤလၢ နီကဆီမဲအပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:11

ယဟဲလီၤလၢတၤသၣ်လီၢ်, ဖဲၡီးက့းအထူၣ်တဖၣ်အိၣ်အကျါ, ဒ်သိးယကထံၣ်ဘၣ်တၢ်မုၢ်သးစၢ်တဖၣ်မဲထီၣ်လၢ တၢ်တြီၤပူၤ, ဒ်သိးယကထံၣ်ဘၣ်စပံးမုၢ်အလၣ်အသီတဖၣ် ဟဲဒိးထီၣ်, ဒီးသ့ၣ်သလဲအထူၣ်တဖၣ်ဘိၣ်ထီၣ်ဖးထီၣ်န့ၣ်လီၤ.

လံာ်ယၡါယၤ 41:19

ယကဒုးမဲထီၣ်သ့ၣ်ဆှိးအ့ရ့းတဖၣ်လၢမဲးမုၢ်ခိၣ်, ဃုာ်ဒီးသ့ၣ်ဖှ့ၡံးတၤ, သမ့ၤဟဒး, ဒီးသ့ၣ်စၤယံးအမံၤတဖၣ်လီၤ. သ့ၣ်ပှၢ်တဖၣ်ကမဲထီၣ်ဝဲလၢဟီၣ်ခိၣ်ဃ့ထီလီၤဖျိအပူၤ, သ့ၣ်ဒိၣ်ပှၢ်တီၢ်လၢအမ့ၢ်ဝဲသ့ၣ်ဆှိ, သ့ထိးအီၣ်, ဒီးသ့ၣ်ဆှိတအၤၡူၢ်တဖၣ်လီၤ.

လံာ်ယၡါယၤ 58:11

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

လံာ်ယံးရမံယၤ 17:18

ပှၤတဖၣ်လၢအမၤအၢမၤနးယၤန့ၣ်, မၤမဲာ်ဆှးအီၤတက့ၢ်. ဘၣ်ဆၣ်ဒီးယွၤဧၢ, ဒုးပူၤဒုးဖျဲးယၤတက့ၢ်. မၤပှဲၤအဝဲသ့ၣ်ဒီး တၢ်ပျံၤတၢ်ဖုး, ဘၣ်ဆၣ်ဒီးမၤပျံၤမၤဖုးယၤတဂ့ၤ. ဒုးဘၣ်အဝဲသ့ၣ်လၢတၢ်တတၢးတနါဒီးမၤလီၤကလဲကွံာ်အဝဲသ့ၣ်ဆူ အက့က့အခီခီန့ၣ်တက့ၢ်.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယဃ့းစက့လး 47:12

လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်တၢ်ဂံၢ် 24:5

ပှၤအံၣ်စရ့လးဖိအဒဲတဖၣ်ဃံလၤဝဲ,