လံာ်တၢ်ဂံၢ် 24:18 - Sgaw Karen Common Bible

¹⁸ အဝဲကမၤနၢၤကွံာ်အဒုၣ်အဒါတဖၣ်လၢကီၢ်အဒိၣ်အပူၤ, ဒီးဒုးကဲထီၣ်အဝဲသ့ၣ်အကီၢ်လၢအတၢ်ဖဲကီၢ်အံၣ်စရ့လးမၤနၢၤ ထွဲဒံးတၢ်ဆူညါအခါန့ၣ်လီၤ.

လံာ်တၢ်ဂံၢ် 24:18 Iomraidhean Croise

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်တၢ်ကဲထီၣ်အခီၣ်ထံး 27:40

နကအိၣ်မူခီဖျိနနးလီၤ. ဘၣ်ဆၣ်ဒီးနကမ့ၢ်နပုၢ်အကုၢ်အပှၤလီၤ. ဒီးတုၤနပူထီၣ်အီၤဒီးနကပူၤဖျဲးလၢအတၢ်ပၢနၤလီၤ.”

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:14

လၢတၢ်န့ၣ်အဃိယွၤထိၣ်ဂဲၤထီၣ်ကီၢ်အဒိၣ်အစီၤပၤအဒူၣ်ဖိ ထၢဖိစီၤဟၤဒးအသးလၢကထီဒါကွံာ်စီၤၡလိၤမိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:15

တချုးဒံးဘၣ်လၢတၢ်အံၤမၤအသးအါနံၣ်အါလါ, ဖဲစီၤဒၤဝံးမၤနၢၤကွံာ်ကီၢ်အဒိၣ်န့ၣ်, အဝဲအသုးမုၢ်အသုး ခိၣ်ကျၢၢ်စီၤယိၤအာ်လဲၤတ့ၢ်ဖဲန့ၣ်လၢကခူၣ်လီၤကွံာ်ပှၤသံ တဖၣ်အဂီၢ်န့ၣ်လီၤ.

စံးထီၣ်ပတြၢၤ 60:1

ကစၢ်ယွၤဧၢ, နညိကွံာ်တ့ၢ်လံပှၤလံ. နမၤလီၤမုၢ်လီၤဖးလံပှၤလံ. နသးထီၣ်တ့ၢ်လံ. ဘၣ်ဆၣ်ခဲအံၤ ဃၣ်က့ၤနသးဆူပအိၣ်တက့ၢ်.

လံာ်ယၡါယၤ 34:5

ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်ဧၤမိၣ် 9:12

မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်ကမၤနၢၤက့ၤတၢ်အိၣ်လီၤ တဲာ်လၢကီၢ်အဒိၣ်အပူၤဒီးကယဲၢ်ပှၤကလုာ်ခဲလၢာ်လၢ တဘျီမ့ၢ်တ့ၢ်ယတၢ်န့ၣ်လီၤ. ယွၤလၢကမၤတၢ်တဖၣ်အံၤစံးဝဲဒၣ်လီၤ.

လံာ်ဧိၤဘါဒယၤ 1:2

ဒီးယွၤစံးဘၣ်ကီၢ်အဒိၣ်, “ကွၢ်ကွၢ်, ယကမၤစၢ်လီၤနဂံၢ်နဘါ ဒီးပှၤကိးဂၤဒဲးကကွၢ်တလီၤနၤလီၤ.

လံာ်တၢ်ဂံၢ် 20:18

ဘၣ်ဆၣ်ဒီး, ပှၤကီၢ်အဒိၣ်ဖိတဖၣ်စံးဆၢဝဲ, “ပဂ့ၢ်လိာ်ပျဲသုလၢသုကလဲၤတၢ်ခီဖျိပထံပကီၢ်န့ၣ်လီၤ. သုမ့ၢ်ကျဲးစၢးဒီးပကလဲၤထီၣ်ဒီးဒုးတၢ်ထီဒါသုန့ၣ်လီၤ.”

လံာ်တၢ်ဂံၢ် 24:19

ကီၢ်အံၣ်စရ့လးအပှၤကလုာ်ကယီၢ်တံၢ်လီၤကွံာ် အဝဲသ့ၣ်, ဒီးမၤပျီကွံာ်ပှၤအိၣ်မူတ့ၢ်ဒံးလၢခံတဖၣ်န့ၣ်လီၤ.”