လံာ်တၢ်ဂံၢ် 24:17 - Sgaw Karen Common Bible

¹⁷ ယကွၢ်တၢ်ဆူခါဆူညါအပူၤ, ဒီးယထံၣ်အံၣ်စရ့လးအပှၤကလုာ်, စီၤပၤတဂၤ, လီၤဂာ်ဒီးဆၣ်လၢအကပီၤတဖျၢၣ်ကဟဲထီၣ်လၢပှၤကလုာ် န့ၣ်အပူၤလီၤ. ဒ်ဆၣ်မဲၢ်ထီၣ်တဖျၢၣ်အသိးန့ၣ်အဝဲကဟဲထီၣ်လၢကီၢ်အံၣ်စရ့လး အပူၤလီၤ. အဝဲကတီၢ်ကီၢ်မိၤအးအခိၣ်အနၢ်တဖၣ်, ဒီးဒိလီၤပှီၢ်ကယဲၢ်စ့ဧၢ်အပှၤဂီၢ်မုၢ်န့ၣ်လီၤ.

လံာ်တၢ်ဂံၢ် 24:17 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:5

ဘၣ်ဆၣ်တုၤကီၢ်အံၣ်စရ့လးအစီၤပၤစီၤအၤဃာ်သံဝဲန့ၣ်စီၤမ့ ၡၤပူထီၣ်တၢ်ထီဒါကီၢ်အံၣ်စရ့လးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:2

အဝဲမၤနၢၤကွံာ်စ့ၢ်ကီးပှၤမိၤအးဖိတဖၣ်လၢအကဲထီၣ်ပှၤတဖၣ် လၢအပၢဘၣ်ဝဲ, ဒီးအဝဲသ့ၣ်ဘၣ်ဟ့ၣ်အီၤတၢ်ခိတၢ်သွဲတဖၣ်န့ၣ်လီၤ.

စံးထီၣ်ပတြၢၤ 110:2

ယွၤကမၤလဲၢ်ထီၣ်နစီၤပၤအစိကမီၤ စးထီၣ်လၢစံယိၣ်န့ၣ်လီၤ. အဝဲစံးဝဲ, “ပၢတၢ်လၢနဒုၣ်နဒါတဖၣ်အဖီခိၣ်တက့ၢ်.”

စံးထီၣ်ပတြၢၤ 45:6

ဘီမုၢ်လၢကစၢ်ယွၤဟ့ၣ်တ့ၢ်နၤအံၤ ကအိၣ်ဝဲအစိၤစိၤအဃၣ်ဃၣ်န့ၣ်လီၤ. နပၢနပှၤဂီၢ်မုၢ်လၢတၢ်တီတၢ်လိၤအပူၤ,

လံာ်ယၡါယၤ 15:1

အအံၤမ့ၢ်တၢ်ကစီၣ်ဘၣ်ဃးမိၤအးအကီၢ်လီၤ. ဝ့ၢ်ဧၢ်ဒီးဝ့ၢ်ကံၢ်တဖၣ်ဘၣ်တၢ်မၤဟးဂီၤ အီၤလၢတနၤဃီအတီၢ်ပူၤဒီးတၢ်ဘှ့ၣ် တၢ်ဘှီၣ်လုၣ်ဘၢကီၢ်မိၤအးဒီဘ့ၣ်န့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 48:1

အအံၤမ့ၢ်တၢ်လၢ ယွၤသ့တၢ်လၢာ် စံးကတိၤတၢ်ဘၣ်ဃး ကီၢ်မိၤအးအဂ့ၢ် န့ၣ်လီၤ. “သးကညီၤဘၣ် ဝ့ၢ်နဘိအပှၤဂီၢ်မုၢ်တက့ၢ်. အဝဲသ့ၣ်အဝ့ၢ်ဘၣ် တၢ်မၤဟးဂီၤကွံာ်အီၤလံ. ဝ့ၢ်ကံးရယးသံၣ်ဘၣ် တၢ်ဒုးန့ၢ်ကွံာ်အီၤလံ. အတိာ်ဖးဒိၣ်ဘၣ်တၢ်မၤလီၤပှီၢ်အီၤ ဒီးအပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ.

လံာ်ယံးရမံယၤ 48:45

ပှၤဃ့ၢ်ပူၤဖျဲးအသးလၢအမၤစၢၤလီၤအသးတသ့တဖၣ် ကျဲးစၢးဃုထံၣ်န့ၢ်တၢ်အိၣ်ပှိၤမၤစၢၤလၢဝ့ၢ်ဃ့ၡဘိၣ်အပူၤ, ဝ့ၢ်တဝ့ၢ်လၢ တဘျီစီၤပၤစံဃိၣ်ပၢတ့ၢ်ဝဲအပူၤ, ဘၣ်ဆၣ် ဝ့ၢ်န့ၣ်မ့ၣ်အူကဲၤထီၣ်အီၣ်ကွံာ်အီၤလံ. မ့ၣ်အူအီၣ်ကွံာ်ကီၢ် မိၤအးအပှၤဂီၢ်မုၢ်လၢ အအဲၣ်ဒုးတၢ်တဖၣ် အထံဆၢကီၢ်ဆၢဒီး အကစၢၢ်ကလိအထီၣ်ထီတဖၣ်လံ.

လံာ်စကၤရယၤ 10:4

လၢအဝဲသ့ၣ်အကျါန့ၣ်ပဒိၣ်ပပှၢ်တဖၣ်, ပှၤခိၣ်ပှၤနၢ်တဖၣ်, ဒီးသုးခိၣ်သုးနၢ်တဖၣ်ကအိၣ်ထီၣ်ဝဲလၢကပၢ ယပှၤဂီၢ်မုၢ်န့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်တၢ်ဂံၢ် 21:29

ကီၢ်မိၤအးအပှၤဂီၢ်မုၢ်ဧၢ, တၢ်လီၤပျံၤလၢနဂီၢ်ဒိၣ်မးလဲၣ်. သုဝဲ, ပှၤတဖၣ်လၢအဘါထီၣ်ကမိၣ်ဘၣ်တၢ်စိာ်ကွံာ်သုဆူတၢ်ဟးဂီၤ တဖၣ်အပူၤန့ၣ်လီၤ. သုကစၢ်ဒုးကဲထီၣ်ပှၤအါဂၤလၢပှၤဃ့ၢ်ပူၤဖျဲးအသးဆူတၢ်လီၢ် အဂၤတဖၣ်, ဒီးပိာ်မုၣ်တဖၣ်ကဲထီၣ်ပှၤဘၣ်တၢ်စိာ်မၢကဲကုၢ်အီၤတဖၣ်လၢပှၤ အမိၢ်ဖိအစီၤပၤလံ.

လံာ်တၢ်ဂံၢ် 24:16

မတၤနၢ်ဟူတၢ်လၢကစၢ်ယွၤစံးဝဲဒီးဒိးန့ၢ်တၢ်သ့ၣ်ညါလၢအဟဲ လၢတၢ်ထီကတၢၢ်တဂၤအအိၣ်သ့န့ၣ်လဲၣ် လၢမဲာ်ချံစီၣ်ဝဲၤကဲၤတဖၣ်အပူၤ, ယထံၣ်တၢ်လၢသးတမံၤ, တၢ်ထံၣ်လၢညါခီလၢအဟဲလၢသ့တၢ်လၢာ်ကစၢ်ယွၤအအိၣ်န့ၣ်လီၤ.

လံာ်လူၤကၣ် 1:78

ပကစၢ်ယွၤမ့ၢ်ပှၤလၢ အသူၣ်ကညီၤသးကညီၤတၢ်လီၤ. အဝဲဒၣ်ကပျဲတၢ်အုၣ်က့ၤခီၣ်က့ၤအမုၢ်ဆ့ၣ်ဟဲဝါထီၣ် လၢပဖီခိၣ်ကပြုၢ်ကပြီၤ,

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

ဧ့ၤဘြံၤ 7:14

ပှၤသ့ၣ်ညါလီၤတံၢ်လီၤဆဲးလၢပကစၢ်ဟဲလီၤစၢၤဝဲလၢ စီၤယူဒၤအဒူၣ်ဒီးဖဲအဘၣ်ဃးဒီးဒူၣ်အံၤအဂ့ၢ်န့ၣ်, စီၤမိၤၡ့တယၢၤထီၣ်ပှၤလုၢ်တၢ်အခိၣ်တဖၣ်အဂ့ၢ်နီတမံၤဘၣ်.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:38

တုၤနုၤတစု, စီၤစီလူးစံးဘၣ်ပှၤဂီၢ်မုၢ်အခိၣ်အနၢ်တဖၣ်, “ဟဲဆူအံၤဒီးဃုထံၣ်တၢ်ဒဲးဘးမနုၤဘၣ်တၢ်မၤတ့ၢ်အီၤလဲၣ် န့ၣ်တက့ၢ်.