လံာ်တၢ်ဂံၢ် 23:5 - Sgaw Karen Common Bible

⁵ ယွၤတဲဘၣ်စီၤဘံးလၣ်တၢ်လၢကဘၣ်တဲဝဲ, ဒီးဆှၢလီၤကဒါက့ၤ အီၤဆူစီၤဘၤလးအအိၣ်လၢကဟ့ၣ်လီၤအီၤအဝဲအတၢ်ကစီၣ်န့ၣ်လီၤ.

လံာ်တၢ်ဂံၢ် 23:5 Iomraidhean Croise

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

တၢ်ကတိၤဒိ. 16:1

ပကအိၣ်ဒီးပတၢ်ကူၣ်တၢ်တိာ်တဖၣ်လီၤ. ဘၣ်ဆၣ်ဒီးတၢ်စံၣ်ညီၣ်တဲာ်အိၣ်ဒီးကစၢ်ယွၤလီၤ.

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်တၢ်ဂံၢ် 22:20

မုၢ်နၤအဝဲန့ၣ်ကစၢ်ယွၤဟဲဆူစီၤဘံးလၣ်အအိၣ်ဒီးစံးဝဲ, “ပှၤတဖုအံၤမ့ၢ်ဟဲဃ့ဝဲလၢနကလဲၤပိာ်အခံန့ၣ်ကတဲာ် ကတီၤထီၣ်နသးလၢနကလဲၤဃုာ်တၢ်ဒီးအဝဲသ့ၣ်တက့ၢ်. ဘၣ်ဆၣ်ဒီးမၤဒၣ်တၢ်ထဲလၢယစံးတ့ၢ်နၤဧိၤန့ၣ်တက့ၢ်.”

လံာ်တၢ်ဂံၢ် 22:35

ဘၣ်ဆၣ်ကလူးစံးဘၣ်အီၤ, “လဲၤဆူညါဃုာ်ဒီးပှၤတဖၣ်အံၤ, ဘၣ်ဆၣ်ဒီးတဲဘၣ်တၢ်ထဲလၢယမၢနတဲဧိၤန့ၣ်တက့ၢ်.” မၤသးဒ်န့ၣ်ဒီးစီၤဘံးလၣ်လဲၤဆူညါဃုာ်ဒီးအဝဲသ့ၣ်လီၤ.

လံာ်တၢ်ဂံၢ် 23:16

ယွၤထံၣ်လိာ်ဒီးစီၤဘံးလၣ်ဒီးတဲဘၣ်အီၤတၢ်လၢအဝဲကဘၣ်စံး ဝဲဒီးမၢအက့ၤကဒါက့ၤဆူစီၤဘၤလးအိၣ်ဒီးဟ့ၣ်လီၤအီၤလၢ အတၢ်ကစီၣ်န့ၣ်လီၤ.

လံာ်တၢ်ဂံၢ် 23:4

ဒီးကစၢ်ယွၤသဂၢၢ်အီၤလီၤ. စီၤဘံးလၣ်စံးဘၣ်အီၤ, “ယဘှီထီၣ်တၢ်လုၢ်လီၢ်နွံခါဒီးယလုၢ်ထီၣ်ကျီၢ်ဖါတဒု, သိဖါတဒုလၢတၢ်လုၢ်လီၢ်တခါစုာ်စုာ်အဖီခိၣ်လံ.”

လံာ်တၢ်ဂံၢ် 23:6

မၤသးဒ်န့ၣ်ဒီး, အဝဲက့ၤကဒါက့ၤဒီးထံၣ်ဘၣ်စီၤဘၤလးဆၢထၢၣ် ဒံးဒၣ်ဖဲအတၢ်လုၢ်မ့ၣ်အူအကပၤဃုာ်ဒီးကယဲၢ်ကီၢ်မိၤအးအပှၤ ခိၣ်ပှၤနၢ်ခဲလၢာ်န့ၣ်လီၤ.

လံာ်လူၤကၣ် 12:12

အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”

လံာ်ယိၤဟၣ် 11:51

ဘၣ်ဆၣ်ဒီးတၢ်အံၤတမ့ၢ်စီၤကၤယါဖၤအတၢ်ကတိၤဒၣ်ဝဲဘၣ်. မ့ၢ်လၢအဝဲမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢနံၣ်အဝဲန့ၣ် အဂီၢ်အဃိ, အဝဲကတိၤဆိပာ်တၢ်ဒ်ဝံတဂၤအသိး လၢယ့ၣ်ၡူးကသံလၢပှၤယူဒၤဖိအဂီၢ်,

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.