လံာ်တၢ်ဂံၢ် 23:23 - Sgaw Karen Common Bible

²³ တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

လံာ်တၢ်ဂံၢ် 23:23 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

စံးထီၣ်ပတြၢၤ 64:9

အန့ၣ်ဒီး ပှၤခဲလၢာ်ကပျံၤတၢ်လီၤ. အဝဲသ့ၣ်က ဆိကမိၣ်ဝဲတၢ်လၢယွၤမၤတ့ၢ်ဝဲဒီး တဲဖျါထီၣ်ကစၢ်ယွၤအတၢ်မၤတဖၣ်န့ၣ်လီၤ.

လံာ်ယၡါယၤ 41:4

ပှၤလၢအဒုးကဲထီၣ်တၢ်အံၤမ့ၢ်မတၤတဂၤလဲၣ်. တၢ်စံၣ်စိၤတဲစိၤအကျိၤအကျဲန့ၣ်မ့ၢ်မတၤတဂၤနီၤဖးစံၣ်ညီၣ် တဲာ်အီၤလဲၣ်. ယၤ, ယွၤအံၤ, တၢ်မၤအသးအခီၣ်ထံးန့ၣ်ယ အိၣ်ဖဲန့ၣ် ဒီးယၤ, ယွၤအံၤ, လၢတၢ်မၤအသးအကတၢၢ်န့ၣ်ယကအိၣ်ဖဲန့ၣ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယဃ့းစက့လး 21:21

ကီၢ်ဘၤဘူၤလိၣ်အစီၤပၤဆၢထၢၣ်ဝဲလၢတၢ်ပနီၣ်အထူၣ်ကပၤလၢကျဲ ဖးဒ့န့ၣ်လီၤ. ဒ်သိးကသ့ၣ်ညါကျဲလၢကဘၣ်ပိာ်ဝဲအဂီၢ်န့ၣ်, အဝဲတရူၤထီၣ်အပျၢ်တဖၣ်န့ၣ်လီၤ. အဝဲဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. အဝဲသမံသမိးကွၢ်ဆၣ်ဖိကီၢ်ဖိတဒုလၢအဘၣ်တၢ်လုၢ်ထီၣ်အီၤ အသူၣ်န့ၣ်လီၤ.

လံာ်ဒၤနံးယ့လး 9:15

အိယွၤ, ပကစၢ်ယွၤဧၢ, နဒုးနဲၣ်တ့ၢ်နစိကမီၤလၢတၢ်ထုးထီၣ် နပှၤဂီၢ်မုၢ်လၢကီၢ်အဲၤကူပတူးအပူၤ, ဒီးနစိကမီၤအံၤပသ့ၣ် နီၣ်ဒံးအီၤလီၤ. ပမၤတ့ၢ်တၢ်ဒဲးဘး, ပမၤကမၣ်တ့ၢ်တၢ်လီၤ.

လံာ်မံကၤ 7:15

ယွၤဧၢ, မၤတၢ်လီၤလးတဖၣ်လၢပဂီၢ်ဒ်နမၤတ့ၢ်နဲဖဲမုၢ်နံၤတဖၣ် လၢနထုးထီၣ်ကွံာ်ပှၤလၢကီၢ်အဲၤကူပတူးအပူၤအသိးန့ၣ်တက့ၢ်.

လံာ်တၢ်ဂံၢ် 24:1

စးထီၣ်ခဲအံၤ, စီၤဘံးလၣ်သ့ၣ်ညါဝဲလၢယွၤအဲၣ်ဒိးအီၤလၢ အကဆိၣ်ဂ့ၤကီၢ်အံၣ်စရ့လးအပှၤဂီၢ်မုၢ်လီၤ. အဃိအဝဲဒၣ်တလဲၤဃုထံၣ်ပှၤအူတၢ်သမူတၢ်တဖၣ်ဒ် အညီနုၢ်မၤန့ၢ်ဝဲလၢညါအသိးလၢၤဘၣ်.

လံာ်မးသဲ 12:25

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံးဘၣ်အဝဲသ့ၣ်, “ထံကီၢ်တဘ့ၣ်လၢအမၤလီၤဖးလီၤအသးဒီးအ့ၣ်လိာ်ဆိးက့လိာ်အသးန့ၣ်, အိၣ်ဂၢၢ်ဆိးကျၢၤယံာ်ယံာ်တသ့ဘၣ်. ခူဝ့ၢ်မ့ၢ်ဂ့ၤ, ဒူၣ်ဖိထၢဖိမ့ၢ်ဂ့ၤ, လၢအမၤလီၤဖးလီၤအသးန့ၣ်ကလီၤပှီၢ်ကွံာ်ဝဲလီၤ.

လံာ်မးသဲ 12:27

သုမ့ၢ်စံးလၢယနီၣ်ထီၣ်ဟီထီၣ်ကွံာ်တၢ်နါတဖၣ်ခီဖျိတၢ်စိကမီၤလၢ ဘဧၤလးစဘူာ်ဟ့ၣ်ယၤဒီး, သုပှၤတဖၣ်ဟီထီၣ်ကွံာ်တၢ်နါခီဖျိမတၤလဲၣ်. မၤသးဒ်န့ၣ်ဒီး, အဝဲသ့ၣ်ကကဲထီၣ်ပှၤစံၣ်ညီၣ်သုလီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်ယိၤဟၣ် 11:47

အန့ၣ်သတးဒီး, ပှၤဖၤရံၤၡဲတဖၣ်ဒီးပှၤလုၢ်တၢ်အခိၣ်အဒိၣ် တဖၣ်ကိးကီၣ်ကးအတၢ်အိၣ်ဖှိၣ်ဒီးစံးဝဲ “ပကမၤဒ်လဲၣ်. အဂ့ၢ်ဒ်အံၤ, ပှၤတဂၤအံၤမၤတၢ်လီၤလးအါမးလီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 15:12

ပှၤဒီဖုညါအိၣ်ဘှ့ၣ်အိၣ်ဘှီၣ်ဒီးဒိကနၣ်စီၤဘၢ်နါဘၤဒီး စီၤပီလူးအတၢ်ကတိၤတဲဖျါတၢ်ပနီၣ်လီၤလးဒီးတၢ်လီၤလး တဖၣ်လၢကစၢ်ယွၤမၤတ့ၢ်ဝဲခီဖျိအဝဲသ့ၣ်လၢပှၤကလုာ်ဂၤတဖၣ် အသိးအကျါန့ၣ်လီၤ.

မၤတၢ် 4:16

ဒီးသံကွၢ်လိာ်အသးတဂၤဒီးတဂၤ, “ပကမၤဘၣ်ပှၤခံဂၤအံၤဒ်လဲၣ်. အဝဲသ့ၣ်မၤတ့ၢ်လံတၢ်လီၤလးဒိၣ်ဒိၣ်မုၢ်မုၢ်တခါအံၤဒီးပှၤဝ့ၢ် ယရူၤၡလ့ၣ်ဖိကိးဂၤဒဲးသ့ၣ်ညါဝဲသတးဒီးပကသမၢပဝဲဒီးစံးလၢ အဝဲသ့ၣ်တမၤဝဲဘၣ်န့ၣ်, ပစံးတသ့လ့ၤတက့ၤဘၣ်.

မၤတၢ် 5:12

ပှၤတၢ်မၢဖိတဖၣ်မၤတၢ်လီၤလးဒီးတၢ်ပနီၣ်လီၤလးအါမံၤလၢပှၤသ့ၣ် တဖၣ်အကျါလီၤ. ပှၤစူၢ်က့ၤနာ်က့ၤတၢ်တဖၣ်ညီနုၢ်အိၣ်ဖှိၣ်ရိဖှိၣ်သကိး တပူၤဃီဖဲစီၤၡလိၤမိၤအတၢ်ဒုးခိၣ်အဖီလာ်န့ၣ်လီၤ.

မၤတၢ် 5:14

ဘၣ်ဆၣ်ဒီး, ပှၤလၢအစူၢ်က့ၤနာ်က့ၤကစၢ်အနီၣ်ဂံၢ်မုၣ်မုၣ်ခွါခွါအါထီၣ်ဝဲဒၣ်ပှီၢ်ပှီၢ်န့ၣ်လီၤ.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

လံာ်စီၤယိၤၡူ 13:22

ပှၤလၢပှၤအံၣ်စရ့လးဖိတဖၣ်မၤသံအကျါ ပၣ်ဃုာ်ဒီးစီၤဘဧိၢ်အဖိခွါပှၤဖးတၢ်ဟဲဝံဟဲစိာ် စီၤဘံးလၣ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.