လံာ်တၢ်ဂံၢ် 23:22 - Sgaw Karen Common Bible

²² ကစၢ်ယွၤထုးထီၣ်တ့ၢ်အဝဲသ့ၣ်လၢကီၢ်အဲၤကူပတူးအပူၤလီၤ. အဝဲဒုးတၢ်လၢအဝဲသ့ၣ်အဂီၢ်ဒ်ကျီၢ်ဖါအမံၤတဒုအသိးန့ၣ်လီၤ.

လံာ်တၢ်ဂံၢ် 23:22 Iomraidhean Croise

စံးထီၣ်ပတြၢၤ 22:21

မၤပူၤဖျဲးယၤလၢခ့ယုၢ်သ့ၣ်တဖၣ်အံၤ, လၢဂီၤဖံးဖါအအၢသ့ၣ်တဖၣ်အံၤအမဲာ်ညါန့ၣ်, ပှၤလၢအမၤစၢၤယၤတအိၣ်ဘၣ်.

စံးထီၣ်ပတြၢၤ 68:35

ကစၢ်ယွၤဧၢ, နမ့ၢ်တၢ်လီၤပျံၤအလီၢ်လၢ နလီၢ်စီဆှံအပူၤလီၤ. အံၣ်စရ့လးကစၢ်ယွၤ, မ့ၢ်ပှၤလၢ အဟ့ၣ်အပှၤဂီၢ်မုၢ်လၢတၢ်စိတၢ်ကမီၤဒီး တၢ်ဂံၢ်တၢ်ဘါန့ၣ်လီၤ. စံးထီၣ်ပတြၢၤကစၢ်ယွၤတက့ၢ်.

စံးထီၣ်ပတြၢၤ 92:10

နဒုးဂံၢ်ဆူၣ်ဘါဆူၣ်ယၤထဲသိးတၤဖးရံၣ်တဒု နဆိၣ်ဂ့ၤယၤဒီးတၢ်သူၣ်ဖှံသးညီလီၤ.

လံာ်တၢ်ဟးထီၣ်ကွံာ် 12:41

မုၢ်တနံၤဖဲအနံၣ်လွံၢ်ကယၤသၢဆံကတၢၢ်ဝဲန့ၣ်, ယွၤအပှၤဂီၢ်မုၢ်လၢဒူၣ်ကိးဒူၣ်ဒဲးအပူၤဟးထီၣ်ကွံာ်လၢကီၢ် အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 12:51

ဒီးလၢမုၢ်နံၤအဝဲန့ၣ်, ယွၤထုးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 14:18

ဖဲယမၤနၢၤအဝဲသ့ၣ်န့ၣ်ပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 9:16

ဘၣ်ဆၣ်ယပာ်မူနၤဒ်သိးယကဒုးနဲၣ်နၤလၢယစိယကမီၤဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယၡါယၤ 34:7

ပှၤဂီၢ်မုၢ်တဖၣ်ကလီၤဃံၤသံဝဲဒ်ကျီၢ်ဖါမံၤတဖၣ်ဒီးဂီၤဖံးဖါဖိ တဖၣ်အသိး, ဒီးဟီၣ်ခိၣ်ကဂီၤဝဲဒီးတၢ်သွံၣ်ဒီးဘၣ်အၢပှဲၤဒီး တၢ်အသိလီၤ.

လံာ်တၢ်ဂံၢ် 22:5

မၤသးဒ်န့ၣ်ဒီးစီၤပၤဘၤလးဆှၢလီၤပှၤစိာ်တၢ်ကစီၣ်ဖိတဖၣ်လၢ ကဟဲက့ၤကိးစီၤဘဧိၢ်အဖိခွါစီၤဘံးလၣ်, လၢအအိၣ်ဝဲဖဲ ဝ့ၢ်ပသူၣ်လၢထံကျိဖရၤသးအကပၤလၢကီၢ်အမိၢ်အပူၤန့ၣ်လီၤ. အဝဲသ့ၣ်လဲၤစိာ်န့ၢ်အီၤစီၤဘၤလးအတၢ်ကစီၣ်လၢအစံးဝဲ, “ယအဲၣ်ဒိး, နသ့ၣ်ညါလၢပှၤဒီတကလုာ်ဟဲဟးထီၣ်လၢကီၢ်အဲၤကူပတူးလီၤ. အပှၤဂီၢ်မုၢ်ရၤလီၤအသးသကုၤတၢ်လီၢ်ကိးပူၤဒဲးဒီးမၤပျံၤ မၤဖုးတၢ်လၢကဟံးန့ၢ်ပကီၢ်န့ၣ်လီၤ.

လံာ်တၢ်ဂံၢ် 24:8

ကစၢ်ယွၤထုးထီၣ်တ့ၢ်အဝဲသ့ၣ်လၢကီၢ်အဲၤကူပတူးဒီးအဝဲဒုး တၢ်လၢအဂီၢ်ဒ်ကျီၢ်ဖါတံၢ်အမံၤတဒုအသိးန့ၣ်လီၤ. အဝဲသ့ၣ်အ့ၣ်ဖှီကွံာ်အဒုၣ်အဒါတဖၣ်, မၤကၢ်ကွံာ်အဃံအကွဲ တဖၣ်, ဒီးတီၢ်သဘှံးအပျၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”

လံာ်စီၤယိၤၡူ 2:10

ပနၢ်ဟူတ့ၢ်လၢဖဲသုဟးထီၣ်လၢကီၢ်အဲၤကူပတူးအခါန့ၣ်, ယွၤမၤလီၤသံးကွံာ်ပီၣ်လဲၣ်ဂီၤလၢသုမဲာ်ညါန့ၣ်လီၤ. ပနၢ်ဟူစ့ၢ်ကီးလၢသုမၤသံပှၤအမိၢ်ဖိအစီၤပၤ ခံဂၤစီၤစံဃိၣ်ဒီးစီၤဧိာ်လၢအအိၣ်လၢထံကျိယၢ်ဒ့ၣ်အမုၢ် ထီၣ်တကပၤဒ်လဲၣ်အဂ့ၢ်န့ၣ်လီၤ.