လံာ်တၢ်ဂံၢ် 23:20 - Sgaw Karen Common Bible

²⁰ ယဘၣ်တၢ်သိၣ်လိနဲၣ်ယုၤတ့ၢ်ယၤလၢယကဆိၣ်ဂ့ၤတၢ်အဂီၢ်လီၤ. ဒီးဖဲကစၢ်ယွၤဆိၣ်ဂ့ၤတၢ်အခါန့ၣ်ယထုးက့ၤအီၤတန့ၢ်ဘၣ်.

လံာ်တၢ်ဂံၢ် 23:20 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 27:33

စီၤအံၤစဲးဖုးသံပျီၢ်ဂီၤဒီးကနိးကစုာ်ထီၣ်ဒီဂၤညါဒီး သံကွၢ်ဝဲ, “ပှၤလၢအမၤသံဆၣ်ဖိကီၢ်ဖိဒီးဟဲစိာ်ဆူယအိၣ်န့ၣ်မ့ၢ်မတၤ တဂၤလဲၣ်. ယအီၣ်တ့ၢ်လံတချုးနဟဲန့ၣ်လီၤ. ယဟ့ၣ်လံအီၤယတၢ်ဆိၣ်ဂ့ၤလၢခံကတၢၢ်ဒီးမ့ၢ်အတၢ်လီၤစိၤလီၤ ထီန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:27

ယဃ့နၤလၢနကဆိၣ်ဂ့ၤယစၢၤယသွဲၣ်တဖၣ်, ဒ်သိးအဝဲသ့ၣ်ကသးခုထွဲဘၣ်လၢနတၢ်ကွၢ်မဲာ်အပူၤန့ၣ်လီၤ. နၤ, ယွၤဧၢ, နဆိၣ်ဂ့ၤတ့ၢ်အဝဲသ့ၣ်ဒီးနတၢ်ဆိၣ်ဂ့ၤကအိၣ်ဒီး အဝဲသ့ၣ်လီၤစိၤလီၤထီန့ၣ်လီၤ.”

လံာ်ယၡါယၤ 43:13

ယမ့ၢ်ကစၢ်ယွၤဒီးကမ့ၢ်ယဲထီဘိလီၤ. ပှၤဃ့ၢ်ပူၤဖျဲးလၢယစိကမီၤအဖီလာ်တသ့နီတဂၤဘၣ်. တၢ်လၢယမၤအီၤန့ၣ်ပှၤလဲလိာ်ကွံာ်အီၤ, တသ့နီတဂၤဘၣ်.”

လံာ်တၢ်ဂံၢ် 22:12

ကစၢ်ယွၤစံးဘၣ်စီၤဘံးလၣ်, “လဲၤဃုာ်တၢ်ဒီးပှၤတဖၣ်အံၤတ ဂ့ၤ. ဒီးပာ်တၢ်ဆိၣ်အၢတမံၤလၢကီၢ်အံၣ်စရ့လးအပှၤဂီၢ်မုၢ်အလိၤန့ၣ် တဂ့ၤ. အဂ့ၢ်ဒ်အံၤ, အဝဲသ့ၣ်အိၣ်ဒီးယတၢ်ဆိၣ်ဂ့ၤလီၤ.”

လံာ်တၢ်ဂံၢ် 22:18

ဘၣ်ဆၣ်ဒီးစီၤဘံးလၣ်စံးဆၢဝဲဒၣ်, “စီၤဘၤလးမ့ၢ်ဟ့ၣ်ယၤ လၢကယဲၢ်အစ့ဒီးထူအိၣ်လၢအနူၢ်ပူၤစီၤပူၤခဲလၢာ်ဒၣ်လဲာ် န့ၣ်, ယလဲၤသဒၣ်ယွၤ, ယကစၢ်ယွၤအတၢ်မၤလိာ်လၢတၢ်ဂ့ၢ်အဆံးကတၢၢ်ဖိ တမံၤအပူၤဒၣ်လဲာ်န့ၣ်တသ့ဘၣ်ဝဲဘၣ်.

လံာ်တၢ်ဂံၢ် 22:38

စီၤဘံးလၣ်စံးဆၢအီၤ, “ယဟဲလံ, တမ့ၢ်ဘၣ်ဧါ. ဘၣ်ဆၣ်ဒီးခဲအံၤယအိၣ်ဒီးတၢ်စိကမီၤမနုၤန့ၣ်လဲၣ်. ယတဲကသ့ဒၣ်ထဲတၢ်လၢကစၢ်ယွၤမၢယစံးဧိၤလီၤ.”

လံာ်တၢ်ဂံၢ် 6:27

ဒီးယွၤစံးဝဲဒၣ်, “အဝဲသ့ၣ်မ့ၢ်ကိးထီၣ်ယမံၤဒ်တၢ်ဆိၣ်ဂ့ၤ တမံၤအသိးလၢကီၢ်အံၣ်စရ့လးအပှၤဂီၢ်မုၢ်အဂီၢ်ဒီးယကဆိၣ်ဂ့ၤ အဝဲသ့ၣ်န့ၣ်လီၤ.”

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.