လံာ်တၢ်ဂံၢ် 23:13 - Sgaw Karen Common Bible

¹³ တုၤနုၤတစုစီၤဘၤလးစံးဘၣ်စီၤဘံးလၣ်, “ဟဲပိာ်ယခံဆူတၢ်လီၢ်အဂၤတတီၤ, တၢ်လီၢ်ဖဲနကထံၣ်ဘၣ်ဒၣ်ထဲ ပှၤအံၣ်စရ့လးဖိတနီၤဧိၤန့ၣ်တက့ၢ်. ဆိၣ်အၢအဝဲသ့ၣ်လၢယဂီၢ်ဖဲန့ၣ်တက့ၢ်.”

လံာ်တၢ်ဂံၢ် 23:13 Iomraidhean Croise

လံာ်စီၤပၤအခီၣ်ထံးတဘ့ၣ် 20:23

စီၤပၤဘ့ၣ်ဟဒးအပဒိၣ်ပပှၢ်တဖၣ်စံးဘၣ်အီၤ, “ကီၢ်အံၣ်စရ့လးအကစၢ်တဖၣ်မ့ၢ်ကစၢၢ်ကလိအကစၢ်တဖၣ်, ဒီးလၢတၢ်န့ၣ်အဃိပှၤအံၣ်စရ့လးဖိတဖၣ်မၤနၢၤပှၤန့ၣ်လီၤ. ဘၣ်ဆၣ်ပမ့ၢ်ဒုးအဝဲသ့ၣ်လၢတၢ်ပၢၤခိၣ်တဖၣ်န့ၣ်, ပကနၢၤအဝဲသ့ၣ်သပှၢ်ကတၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

စံးထီၣ်ပတြၢၤ 109:17

အဝဲဘၣ်အသးလၢကဆိၣ်အၢတၢ်လီၤ. မ်တၢ်ဆိၣ်အၢဘၣ်ကဒါက့ၤအီၤတက့ၢ်. အဝဲတဘၣ်သူၣ်ဘၣ်သးတၢ်ဆိၣ်ဂ့ၤဘၣ်. မ်တၢ်ဆိၣ်ဂ့ၤအိၣ်ယံၤဒီးအီၤတက့ၢ်.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 22:41

မုၢ်ဆ့ၣ်ထီၣ်တနံၤန့ၣ်စီၤဘၤလးလဲၤကိးထီၣ်စီၤဘံးလၣ်ဆူ ဘဧၤလးဘၤမိး, တၢ်လီၢ်ဖဲစီၤဘံးလၣ်ထံၣ်ဘၣ်ကီၢ်အံၣ်စရ့လး အပှၤဂီၢ်မုၢ်တနီၤ, ကသ့ဝဲအဂီၢ်န့ၣ်လီၤ.

လံာ်တၢ်ဂံၢ် 22:6

အဝဲသ့ၣ်အနီၣ်ဂံၢ်အါန့ၢ်ဒံးပှၤအဃိ, ဝံသးစူၤဟဲဒီးဆိၣ်အၢ အဝဲသ့ၣ်လၢယဂီၢ်တက့ၢ်. အန့ၣ်ဒီးဘၣ်သ့ၣ်သ့ၣ်ပမၤနၢၤကွံာ်အဝဲသ့ၣ်ကသ့ဒီးနီၣ်ဟးထီၣ် ကွံာ်အီၤလၢပထံပကီၢ်အပူၤကန့ၢ်န့ၣ်လီၤ. ယသ့ၣ်ညါလၢဖဲနယၢၤထီၣ်တၢ်ဆိၣ်ဂ့ၤတထံၣ်န့ၣ်ပှၤဂီၢ်မုၢ်ဘၣ်ဆိၣ် ဂ့ၤဝဲဒီးဖဲနယၢၤထီၣ်တၢ်ဆိၣ်အၢတထံၣ်န့ၣ်အဝဲသ့ၣ်တုၤလၢတၢ် ဆိၣ်အၢအပူၤန့ၣ်လီၤ

လံာ်တၢ်ဂံၢ် 23:12

အဝဲစံးဆၢဝဲဒၣ်, “ယစံးယဲသ့ဒၣ်ထဲတၢ်လၢယွၤမၢယစံးဧိၤ န့ၣ်လီၤ.”

လံာ်တၢ်ဂံၢ် 23:14

အဝဲလဲၤကိးအီၤဆူစိဖံၣ်အပျီပူၤလၢအအိၣ်လၢကစၢၢ်ပံးစကၤ အဒီခိၣ်န့ၣ်လီၤ. ဖဲန့ၣ်အဝဲမၤထီၣ်စ့ၢ်ကီးတၢ်လုၢ်လီၢ်နွံခါဒီးလုၢ်ထီၣ်ဝဲ ကျီၢ်ဖါတဒုဒီးသိဖါတဒုစုာ်စုာ်လၢတၢ်လုၢ်လီၢ်တခါစုာ်စုာ်အဖီခိၣ်န့ၣ်လီၤ.

လံာ်စီၤယိၤၡူ 24:9

ဝံၤဒီး, မိၤအးအစီၤပၤ, စီၤဘၤလးလၢအမ့ၢ်စီၤစံးပိၢ်အ ဖိခွါဒုးတၢ်ဒီးသုန့ၣ်လီၤ. အဝဲမၢလီၤပှၤလဲၤကိးန့ၢ်စီၤ ဘဧိၢ်အဖိခွါစီၤဘံးလၣ်လၢကဆိၣ်အၢသုအဂီၢ်န့ၣ်လီၤ.