လံာ်တၢ်ဂံၢ် 22:6 - Sgaw Karen Common Bible

⁶ အဝဲသ့ၣ်အနီၣ်ဂံၢ်အါန့ၢ်ဒံးပှၤအဃိ, ဝံသးစူၤဟဲဒီးဆိၣ်အၢ အဝဲသ့ၣ်လၢယဂီၢ်တက့ၢ်. အန့ၣ်ဒီးဘၣ်သ့ၣ်သ့ၣ်ပမၤနၢၤကွံာ်အဝဲသ့ၣ်ကသ့ဒီးနီၣ်ဟးထီၣ် ကွံာ်အီၤလၢပထံပကီၢ်အပူၤကန့ၢ်န့ၣ်လီၤ. ယသ့ၣ်ညါလၢဖဲနယၢၤထီၣ်တၢ်ဆိၣ်ဂ့ၤတထံၣ်န့ၣ်ပှၤဂီၢ်မုၢ်ဘၣ်ဆိၣ် ဂ့ၤဝဲဒီးဖဲနယၢၤထီၣ်တၢ်ဆိၣ်အၢတထံၣ်န့ၣ်အဝဲသ့ၣ်တုၤလၢတၢ် ဆိၣ်အၢအပူၤန့ၣ်လီၤ

လံာ်တၢ်ဂံၢ် 22:6 Iomraidhean Croise

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်စီၤပၤအခီၣ်ထံးတဘ့ၣ် 22:13

အကတီၢ်ဖဲန့ၣ်ပဒိၣ်လၢအလဲၤကိးန့ၢ်စီၤမံၤကါယၤစံးဘၣ်အီၤ, “ကယဲၢ်ဝံအဂၤတဖၣ်ခဲလၢာ်ကတိၤဆိပာ်ဝဲလၢစီၤပၤကမၤနၢၤ တၢ်, ဒီးနဲဒၣ်စ့ၢ်ကီးနကြၢးတဲတၢ်တမံၤဃီန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်စီၤနဃ့မယၤ 13:2

တၢ်အံၤမ့ၢ်လၢပှၤဧၣ်မိၣ်ဖိဒီးပှၤမိၤအးဖိတဖၣ်အံၤတဟ့ၣ်ဘၣ် ပှၤအံၣ်စရ့လးဖိတဖၣ်လၢထံဒီးကိၣ်ဖဲအဝဲသ့ၣ်ဟးထီၣ်လၢကီၢ် အဲၤကူပတူးပူၤအခါအဃိန့ၣ်လီၤ. အခိၣ်တလိာ်အဝဲသ့ၣ်ဟ့ၣ်တိၢ်စ့ဆူစီၤဘံးလၣ်ဒ်သိးအကဆိၣ်အၢပှၤ အံၣ်စရ့လးဖိတဖၣ်, ဘၣ်ဆၣ်ပကစၢ်ယွၤလဲလိာ်ကွံာ်တၢ်ဆိၣ်အၢန့ၣ်ဆူတၢ်ဆိၣ်ဂ့ၤတမံၤလီၤ.

စံးထီၣ်ပတြၢၤ 109:28

အဝဲသ့ၣ်ကဆိၣ်အၢယၤ, ဘၣ်ဆၣ်နကဆိၣ်ဂ့ၤယၤလီၤ. မ်ပှၤမၤအၢမၤနးယၤတဖၣ် ဘၣ်တၢ်မၤနၢၤအီၤတက့ၢ်. ဒီးမ်ယၤ, နခ့နပှၤသးခုဘၣ်န့ၣ်တက့ၢ်.

တၢ်ကတိၤဒိ. 26:2

နမ့ၢ်တကြၢးဒိးဘၣ်အီၤဒီး, တၢ်ဆိၣ်အၢတဖၣ်မၤဘၣ်ဒိဘၣ်ထံးနၤ တသ့ဘၣ်. တၢ်တဖၣ်န့ၣ်လီၤဂာ်ဒ်ထိၣ်တဖၣ်လၢအယူၤပူၤကွံာ်ဝဲဒီး တစီၢ်လီၤနီတဘျီဘၣ်အသိးန့ၣ်လီၤ.

လံာ်ယဃ့းစက့လး 13:6

အဝဲသ့ၣ်အတၢ်ထံၣ်လၢညါခီသ့ၣ်တဖၣ်န့ၣ်မ့ၢ်တၢ်လၢအတ တီဘၣ်ဒီးအတၢ်တဲဆိပာ်တၢ်တဖၣ်န့ၣ်မ့ၢ်တၢ်လီတၢ်ဝ့ၤတဖၣ်လီၤ. အဝဲသ့ၣ်စံးဝဲလၢအကတိၤယတၢ်ကစီၣ်, ဘၣ်ဆၣ်ယတမၢလီၤအဝဲသ့ၣ်ဘၣ်. အန့ၣ်ဒၣ်လဲာ်, အဝဲသ့ၣ်မုၢ်လၢ်ဝဲလၢအတၢ်ကတိၤတဖၣ်ကလၢထီၣ်ပှဲၤ ထီၣ်ဝဲန့ၣ်လီၤ.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 22:12

ကစၢ်ယွၤစံးဘၣ်စီၤဘံးလၣ်, “လဲၤဃုာ်တၢ်ဒီးပှၤတဖၣ်အံၤတ ဂ့ၤ. ဒီးပာ်တၢ်ဆိၣ်အၢတမံၤလၢကီၢ်အံၣ်စရ့လးအပှၤဂီၢ်မုၢ်အလိၤန့ၣ် တဂ့ၤ. အဂ့ၢ်ဒ်အံၤ, အဝဲသ့ၣ်အိၣ်ဒီးယတၢ်ဆိၣ်ဂ့ၤလီၤ.”

လံာ်တၢ်ဂံၢ် 22:17

ယကမၤဘျုးနၤထူးထူးတီၤတီၤဒီးမၤဒ်ကယဲၢ်နစံးနဲ အသိးန့ၣ်လီၤ. ဝံသးစူၤဟဲဒီးဆိၣ်အၢပှၤဂီၢ်မုၢ်အံၤလၢ ယဂီၢ်တက့ၢ်.”

လံာ်တၢ်ဂံၢ် 23:13

တုၤနုၤတစုစီၤဘၤလးစံးဘၣ်စီၤဘံးလၣ်, “ဟဲပိာ်ယခံဆူတၢ်လီၢ်အဂၤတတီၤ, တၢ်လီၢ်ဖဲနကထံၣ်ဘၣ်ဒၣ်ထဲ ပှၤအံၣ်စရ့လးဖိတနီၤဧိၤန့ၣ်တက့ၢ်. ဆိၣ်အၢအဝဲသ့ၣ်လၢယဂီၢ်ဖဲန့ၣ်တက့ၢ်.”

လံာ်တၢ်ဂံၢ် 23:27

စီၤဘၤလးစံးဝဲဒၣ်, “ဟဲဃုာ်ဒီးယၤ, ဒီးယကလဲၤကိးနၤဆူတၢ်လီၢ်အဂၤတတီၤလီၤ. ဘၣ်သ့ၣ်သ့ၣ်ကစၢ်ယွၤအဲၣ်ဒိးပျဲနကဆိၣ်အၢအဝဲသ့ၣ်လၢယဂီၢ်ဖဲ န့ၣ်လီၤ.

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

လံာ်သိၣ်လီၤသီလီၤတၢ် 23:4

အဂ့ၢ်ဒ်အံၤ, ဖဲသုဟးထီၣ်လၢကီၢ်အဲၤကူပတူးအပူၤန့ၣ်, အဝဲသ့ၣ်ဂ့ၢ်လိာ်လၢကဟ့ၣ်သုတၢ်အီၣ်ဒီးထံလၢကျဲန့ၣ်လီၤ. ဒီးအဝဲသ့ၣ်ဒိးလဲစီၤဘဧိၢ်အဖိခွါစီၤဘံးလၣ်, လၢအမ့ၢ်ကီၢ်မ့းစပတၤမံ, ပှၤဝ့ၢ်ပသူၢ်ဖိတဂၤဒ်သိးကဆိၣ်အၢသု န့ၣ်လီၤ.

လံာ်စီၤယိၤၡူ 24:9

ဝံၤဒီး, မိၤအးအစီၤပၤ, စီၤဘၤလးလၢအမ့ၢ်စီၤစံးပိၢ်အ ဖိခွါဒုးတၢ်ဒီးသုန့ၣ်လီၤ. အဝဲမၢလီၤပှၤလဲၤကိးန့ၢ်စီၤ ဘဧိၢ်အဖိခွါစီၤဘံးလၣ်လၢကဆိၣ်အၢသုအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:43

အဝဲစံးဘၣ်စီၤဒၤဝံး, “နီၣ်က့တဘိန့ၣ်မ့ၢ်လၢမနုၤအဂီၢ်လဲၣ်. နဆိကမိၣ်ယမ့ၢ်ထွံၣ်တဒုဧါ.” ဒီးအဝဲဆိၣ်အၢစီၤဒၤဝံးလၢအဝဲအကစၢ်တဖၣ်အမံၤလီၤ.