လံာ်တၢ်ဂံၢ် 22:41 - Sgaw Karen Common Bible

⁴¹ မုၢ်ဆ့ၣ်ထီၣ်တနံၤန့ၣ်စီၤဘၤလးလဲၤကိးထီၣ်စီၤဘံးလၣ်ဆူ ဘဧၤလးဘၤမိး, တၢ်လီၢ်ဖဲစီၤဘံးလၣ်ထံၣ်ဘၣ်ကီၢ်အံၣ်စရ့လး အပှၤဂီၢ်မုၢ်တနီၤ, ကသ့ဝဲအဂီၢ်န့ၣ်လီၤ.

လံာ်တၢ်ဂံၢ် 22:41 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 11:15

စီၤယၤရၤဘၣ်ဃုထၢပာ်လီၤအကစၢ်ဒၣ်ဝဲအပှၤလုၢ်တၢ်အခိၣ်တဖၣ်လၢ ကမၤတၢ်ဖဲလၢပှၤဘါတၢ်ဂီၤတၢ်ဖီၣ်တဖၣ်ဘါတၢ်အလီၢ်, ဒီးလၢကဘူၣ်ထီၣ်ဘါထီၣ်တၢ်ဝံတၢ်နါတဖၣ်ဒီးတၢ်ဂီၤတၢ်ဖီၣ်တဖၣ် လၢအဝဲသိဝဲ, ဒ်ဂီၤဖံးဖါအဂီၤတဖၣ်န့ၣ်လီၤ.

လံာ်ယံးရမံယၤ 19:5

ဒီးအဝဲသ့ၣ်သူၣ်ထီၣ်တ့ၢ်တၢ်လုၢ်လီၢ်တဖၣ်လၢဘဧၤလးအဂီၢ် ဒ်သိးကဆိၣ်ကဲၤထီၣ်အဖိတဖၣ်လၢမ့ၣ်အူအပူၤဒ်တၢ်လုၢ်တၢ်ပာ် တဖၣ်အသိးန့ၣ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤ နီတစုဘၣ်. တၢ်အံၤတဟဲနုာ်ဒၣ်လဲာ်လၢယတၢ်ဆိကမိၣ်အပူၤ နီတစုဘၣ်.

လံာ်ယံးရမံယၤ 48:35

ယကဆိကတီၢ်ကွံာ်ကီၢ်မိၤအးအပှၤဂီၢ်မုၢ်လၢ အတၢ်ကလုၢ် ထီၣ်တၢ်လုၢ်မ့ၣ်အူလၢ အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး လၢတၢ်လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်တဖၣ်အအိၣ် န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်တၢ်ဂံၢ် 21:28

တဘျီလၢဝ့ၢ်ဃ့ၡဘိၣ်အံၤအပူၤန့ၣ်, စီၤပၤစံဃိၣ်အသုးမုၢ်ဟး ထီၣ်ဝဲဒ်မ့ၣ်အူအသိးလီၤ. သုးမုၢ်န့ၣ်မၤဟးဂီၤတ့ၢ်ကီၢ်မိၤအးအဝ့ၢ်ဧၢ်, ဒီးမၤလီၤကလဲ ကွံာ်တၢ်လုၢ်လီၢ်တဖၣ်လၢဝ့ၢ်အၤနိၣ်အထးခီန့ၣ်လီၤ.

လံာ်တၢ်ဂံၢ် 22:40

တၢ်လီၢ်ဖဲစီၤဘၤလးမၤသံဂီၤဘုၣ်ဂီၤဖံးဒီးသိတဖၣ်ဒီးဟ့ၣ် လီၤစီၤဘံးလၣ်ဒီးခိၣ်နၢ်တဖၣ်လၢအအိၣ်ဒီးအီၤလၢတၢ်ညၣ် တနီၤန့ၣ်လီၤ.

လံာ်တၢ်ဂံၢ် 23:1

အဝဲစံးဘၣ်စီၤဘၤလး, “ဘှီထီၣ်တၢ်လုၢ်လီၢ်နွံခါလၢယဂီၢ် ဖဲအံၤ, ဒီးဟဲစိာ်န့ၢ်ယၤကျီၢ်ဖါနွံဒုဒီးသိဖါနွံဒုတက့ၢ်.”

လံာ်တၢ်ဂံၢ် 23:13

တုၤနုၤတစုစီၤဘၤလးစံးဘၣ်စီၤဘံးလၣ်, “ဟဲပိာ်ယခံဆူတၢ်လီၢ်အဂၤတတီၤ, တၢ်လီၢ်ဖဲနကထံၣ်ဘၣ်ဒၣ်ထဲ ပှၤအံၣ်စရ့လးဖိတနီၤဧိၤန့ၣ်တက့ၢ်. ဆိၣ်အၢအဝဲသ့ၣ်လၢယဂီၢ်ဖဲန့ၣ်တက့ၢ်.”

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.