လံာ်တၢ်ဂံၢ် 22:22 - Sgaw Karen Common Bible

²² စီၤဘံးလၣ်လဲၤတၢ်အဃိဒီးကစၢ်ယွၤသးဒိၣ်ဝဲ, ဒီးဖဲစီၤဘံးလၣ်လဲၤဒိးအကသ့ၣ်ယီၤဒီကျဲညါန့ၣ်အကုၢ်ခံဂၤ လဲၤပိာ်အခံ, ဒီးယွၤအကလူးတဂၤဆၢထၢၣ်လၢကျဲမုၢ်အပူၤဒ်သိး ကတြီအကျဲန့ၣ်လီၤ.

လံာ်တၢ်ဂံၢ် 22:22 Iomraidhean Croise

လံာ်စီၤပၤခံဘ့ၣ်တဘ့ၣ် 10:20

ဝံၤဒီးစီၤယ့ၤဟူဟ့ၣ်လီၤအကလုၢ်စံးဝဲ, “ဒုးဟူထီၣ်သါ လီၤတၢ်ဘူၣ်တၢ်ဘါအမုၢ်တနံၤလၢတၢ်မၤလၤကပီၤဘဧၤလးအဂီၢ်န့ၣ် တက့ၢ်.” တၢ်ဒုးဟူထီသါလီၤန့ၣ်ဘၣ်တၢ်မၤအီၤ,

လံာ်တၢ်ဟးထီၣ်ကွံာ် 23:20

ယကဆှၢလီၤကလူးတဂၤလၢကလဲၤတၢ်လၢသုမဲာ်ညါလၢယကကဟု ကယာ်သုဒီးဆှၢသုဆူတၢ်အလီၢ်တပူၤလၢယကတဲာ်ကတီၤတ့ၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 4:24

ဒီးလၢအတၢ်လဲၤကျဲဖဲတၢ်အိၣ်ဘှံးအလီၢ်တတီၤန့ၣ်ယွၤထံၣ် စီၤမိၤၡ့ဒီးအဲၣ်ဒိးမၤသံအီၤလီၤ.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

လံာ်တၢ်ဂံၢ် 22:23

ဖဲကသ့ၣ်ယီၤထံၣ်ကလူးန့ၣ်ဆၢထၢၣ်ဝဲစိာ်ဝဲဒီးနးတဘ့ၣ်န့ၣ်, အဝဲဃၣ်ကွံာ်အသးလၢကျဲပူၤဒီးလဲၤလီၤဆူပျီပူၤန့ၣ်လီၤ. စီၤဘံးလၣ်တီၢ်ကသ့ၣ်ယီၤဒီးမၢအက့ၤထီၣ်ဆူကျဲမုၢ်ခိၣ်န့ၣ် လီၤ.

လံာ်တၢ်ဂံၢ် 22:32

ကလူးန့ၣ်သံကွၢ်ဆူၣ်အီၤ, “ဘၣ်မနုၤနတီၢ်နကသ့ၣ်ယီၤဒ်အံၤ အသိးသၢစုညါန့ၣ်လဲၣ်. ယဟဲဒ်သိးယကတြီတံာ်တာ်နကျဲ, မ့ၢ်လၢနတကြၢးလဲၤတၢ်လဲၤအံၤဘၣ်အဃိန့ၣ်လီၤ.

လံာ်တၢ်ဂံၢ် 22:35

ဘၣ်ဆၣ်ကလူးစံးဘၣ်အီၤ, “လဲၤဆူညါဃုာ်ဒီးပှၤတဖၣ်အံၤ, ဘၣ်ဆၣ်ဒီးတဲဘၣ်တၢ်ထဲလၢယမၢနတဲဧိၤန့ၣ်တက့ၢ်.” မၤသးဒ်န့ၣ်ဒီးစီၤဘံးလၣ်လဲၤဆူညါဃုာ်ဒီးအဝဲသ့ၣ်လီၤ.