လံာ်တၢ်ဂံၢ် 22:18 - Sgaw Karen Common Bible

¹⁸ ဘၣ်ဆၣ်ဒီးစီၤဘံးလၣ်စံးဆၢဝဲဒၣ်, “စီၤဘၤလးမ့ၢ်ဟ့ၣ်ယၤ လၢကယဲၢ်အစ့ဒီးထူအိၣ်လၢအနူၢ်ပူၤစီၤပူၤခဲလၢာ်ဒၣ်လဲာ် န့ၣ်, ယလဲၤသဒၣ်ယွၤ, ယကစၢ်ယွၤအတၢ်မၤလိာ်လၢတၢ်ဂ့ၢ်အဆံးကတၢၢ်ဖိ တမံၤအပူၤဒၣ်လဲာ်န့ၣ်တသ့ဘၣ်ဝဲဘၣ်.

လံာ်တၢ်ဂံၢ် 22:18 Iomraidhean Croise

လံာ်စီၤပၤအခီၣ်ထံးတဘ့ၣ် 13:8

ဝံစံးဆၢအီၤ, “နမ့ၢ်ဟ့ၣ်ယၤလၢနတၢ်ထူးတၢ်တီၤတဝာ်ဒၣ်လဲာ် န့ၣ်, ယတလဲၤဃုာ်ဒီးနၤမ့ၢ်ဂ့ၤ, အီၣ်ဃုာ်တၢ်ဒီး, အီဃုာ်တၢ်ဒီးနၤနီတမံၤမ့ၢ်ဂ့ၤဘၣ်.

လံာ်စီၤပၤအခီၣ်ထံးတဘ့ၣ် 22:14

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်ယအၢၣ်လီၤလၢယကစံးတၢ်လၢအမၢယတဲန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:13

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်, ယကစံးတၢ်လၢယကစၢ်ယွၤမၢယတဲန့ၣ်လီၤ.”

လံာ်စီၤယိၤဘး 3:15

အန့ၣ်ဒီးယကမံယဲဒ်စီၤပၤအဖိတဖၣ်လၢအမၤပှဲၤအဟံၣ်လၢ ထူဧိၤစ့ဧိၤ,

လံာ်ဒၤနံးယ့လး 5:17

ဒီးစီၤဒၤနံးယ့လးစံးဆၢတၢ်လၢစီၤပၤအမဲာ်ညါ, “ပာ်နတၢ်ဟ့ၣ်တဖၣ်လၢနဂီၢ်ဒၣ်နဲမ့တမ့ၢ်ဒီးဟ့ၣ်အီၤဆူပှၤအဂၤ တဂၤအအိၣ်တက့ၢ်. ယကဖးန့ၢ်နဲဒၣ်စီၤပၤလၢတၢ်ကွဲးတ့ၢ် အသးဒီးတဲဘၣ်နၤလၢအခီပညီတဖၣ်န့ၣ်လီၤ.

လံာ်တၢ်ဂံၢ် 22:19

ဘၣ်ဆၣ်ဒီး, ဝံသးစူၤမံသကိးတ့ၢ်ဖဲအံၤဒ်ပှၤအဂၤတဖၣ်မၤဝဲ အသိးန့ၣ်ဒ်သိးယကသ့ၣ်ညါဘၣ်လၢမ့ၢ်ယွၤအိၣ်ဒီးတၢ်အဂၤတမံၤ မံၤလၢကစံးဘၣ်တဲဘၣ်ယၤအဂီၢ်ဧါန့ၣ်တက့ၢ်.”

လံာ်တၢ်ဂံၢ် 22:38

စီၤဘံးလၣ်စံးဆၢအီၤ, “ယဟဲလံ, တမ့ၢ်ဘၣ်ဧါ. ဘၣ်ဆၣ်ဒီးခဲအံၤယအိၣ်ဒီးတၢ်စိကမီၤမနုၤန့ၣ်လဲၣ်. ယတဲကသ့ဒၣ်ထဲတၢ်လၢကစၢ်ယွၤမၢယစံးဧိၤလီၤ.”

လံာ်တၢ်ဂံၢ် 22:8

စီၤဘံးလၣ်စံးဘၣ်အဝဲသ့ၣ်, “မံဖဲအံၤတနၤတက့ၢ်. ဒီးမုၢ်ဆ့ၣ်ထီၣ်န့ၣ်ယကတဲဘၣ်သုတၢ်တမံၤလၢ်လၢ်လၢယွၤစံးဘၣ် ယၤန့ၣ်လီၤ.” မၤသးဒ်န့ၣ်ဒီး, ပှၤမိၤအးဖိအခိၣ်အနၢ်တဖၣ်အိၣ်သကိးဒီးစီၤ ဘံးလၣ်န့ၣ်လီၤ.

လံာ်တၢ်ဂံၢ် 23:26

စီၤဘံးလၣ်စံးဆၢဝဲ, “တၢ်လၢယွၤတဲဘၣ်ယၤန့ၣ်, ယဘၣ်မၤအီၤခဲလၢာ်လီၤန့ၣ်, ယတဲဘၣ်နၤတမ့ၢ်ဘၣ်ဧါ.”

လံာ်တၢ်ဂံၢ် 24:12

စီၤဘံးလၣ်စံးဆၢဝဲ, “ယတဲဘၣ်တ့ၢ်ပှၤစိာ်တၢ်ကစီၣ်တဖၣ်လၢ နဆှၢလီၤတ့ၢ်အီၤန့ၣ်လၢ,

လံာ်တၢ်ဂံၢ် 24:13

နမ့ၢ်ဟ့ၣ်ယၤကယဲၢ်စ့ဒီးထူအိၣ်လၢနနူၢ်ပူၤစီၤပူၤခဲလၢာ်ဒၣ် လဲာ်န့ၣ်, ယဂ့ၢ်လိာ်စူၢ်ယွၤအတၢ်မၤလိာ်ခီဖျိမၤတၢ်တမံၤလၢ်လၢ်ဖဲ ယသးတသ့ဘၣ်လီၤ. ယကစံးဒၣ်တၢ်လၢယွၤတဲဝဲလၢ ယကဘၣ်စံးဧိၤန့ၣ်လီၤ.”

မၤတၢ် 8:20

စီၤပ့းတရူးစံးဆၢက့ၤအီၤ, “မ့ၢ်လၢနဆိကမိၣ်နဲလၢကစၢ်ယွၤ အတၢ်ဟ့ၣ်န့ၣ်နပှ့ၤအီၤလၢစ့ကန့ၢ်အဃိ, မ်နၤဒီးနစ့ကလီၤဒၣ်ဝဲဆူလရာ်ပူၤန့ၣ်တက့ၢ်.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

လံာ်စီၤယိၤၡူ 24:10

ဘၣ်ဆၣ်ဒီးယတကနၣ်စီၤဘံးလၣ်အကလုၢ်ဘၣ်အဃိ, အဝဲဆိၣ်ဂ့ၤသုဒီးလၢကျဲဒ်အံၤန့ၣ်ယမၤပူၤဖျဲးသုလၢစီၤ ဘၤလးအစုပူၤန့ၣ်လီၤ.