လံာ်တၢ်ဂံၢ် 22:17 - Sgaw Karen Common Bible

¹⁷ ယကမၤဘျုးနၤထူးထူးတီၤတီၤဒီးမၤဒ်ကယဲၢ်နစံးနဲ အသိးန့ၣ်လီၤ. ဝံသးစူၤဟဲဒီးဆိၣ်အၢပှၤဂီၢ်မုၢ်အံၤလၢ ယဂီၢ်တက့ၢ်.”

လံာ်တၢ်ဂံၢ် 22:17 Iomraidhean Croise

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်နီၢ်အ့ၤစတၢ် 7:9

တုၤနုၤတစု, အဝဲသ့ၣ်အကျါတဂၤ, လၢအမံၤမ့ၢ်ဝဲစီၤဃၤရဘိစံးဝဲဒၣ်, “စီၤဟၤမၣ်မၤတ့ၢ်ဒၣ်လဲာ်ပှၤပျၤထီသံတၢ်အသ့ၣ်တကျီၣ်လၢအ ဟံၣ်, ဒ်သိးကဘျးထီၣ်စီၤမၢ်ဒကဲၤ, ပှၤလၢအမၤပူၤဖျဲးတ့ၢ်ကစၢ်စီၤပၤအသးသမူလီၤ. ဒီးသ့ၣ်ကျီၣ်န့ၣ်, ထီဝဲဒၣ်အပျၢ်ယဲၢ်ဆံလီၤ.” စီၤပၤဟ့ၣ်လီၤအကလုၢ်, “ဘျးထီၣ်စီၤဟၤမၣ်လၢအလိၤတက့ၢ်.”

လံာ်တၢ်ဂံၢ် 22:16

အဝဲသ့ၣ်လဲၤဆူစီၤဘံးလၣ်အအိၣ်ဒီးဟ့ၣ်လီၤအီၤတၢ်ကစီၣ်အံၤ လၢစီၤပၤဘၤလးအအိၣ်န့ၣ်လီၤ. “ဝံသးစူၤပျဲတၢ်တြီမၤတံာ်တာ်နၤနီတမံၤလၢနကဟဲဆူယအိၣ် အဂီၢ်န့ၣ်တဂ့ၤ.

လံာ်တၢ်ဂံၢ် 22:37

စီၤဘၤလးသံကွၢ်အီၤ, “အခီၣ်ထံးတဘျီဖဲယမၢလီၤပှၤလဲၤကိး နၤန့ၣ်ဘၣ်မနုၤနတဟဲလဲၣ်. မ့ၢ်နဆိကမိၣ်လၢယမၤဘျုးနၤတန့ၢ်လၢလၢပှဲၤပှဲၤဘၣ်အဃိဧါ.”

လံာ်တၢ်ဂံၢ် 22:6

အဝဲသ့ၣ်အနီၣ်ဂံၢ်အါန့ၢ်ဒံးပှၤအဃိ, ဝံသးစူၤဟဲဒီးဆိၣ်အၢ အဝဲသ့ၣ်လၢယဂီၢ်တက့ၢ်. အန့ၣ်ဒီးဘၣ်သ့ၣ်သ့ၣ်ပမၤနၢၤကွံာ်အဝဲသ့ၣ်ကသ့ဒီးနီၣ်ဟးထီၣ် ကွံာ်အီၤလၢပထံပကီၢ်အပူၤကန့ၢ်န့ၣ်လီၤ. ယသ့ၣ်ညါလၢဖဲနယၢၤထီၣ်တၢ်ဆိၣ်ဂ့ၤတထံၣ်န့ၣ်ပှၤဂီၢ်မုၢ်ဘၣ်ဆိၣ် ဂ့ၤဝဲဒီးဖဲနယၢၤထီၣ်တၢ်ဆိၣ်အၢတထံၣ်န့ၣ်အဝဲသ့ၣ်တုၤလၢတၢ် ဆိၣ်အၢအပူၤန့ၣ်လီၤ

လံာ်တၢ်ဂံၢ် 24:11

ခဲအံၤ, က့ၤဆူဟံၣ်တက့ၢ်. ယအၢၣ်လီၤအီၤလီၤတ့ၢ်နၤလၢယကဟ့ၣ် နၤတၢ်ဘျုးတၢ်ဖှိၣ်, ဘၣ်ဆၣ်ဒီး, ယွၤတြီကွံာ်နၤလၢနကဒိးန့ၢ်တၢ်ဆိၣ်ဂ့ၤအဂီၢ်န့ၣ်လီၤ.”

လံာ်မးသဲ 14:7

တုၤဒၣ်လဲာ်အအၢၣ်လီၤအီလီၤအီၤ, အိၣ်ဒီးတၢ်ဆိၣ်လီၤအသးလၢ အကဟ့ၣ်အီၤတၢ်တမံၤလၢ်လၢ်လၢအကဃ့ဝဲန့ၣ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်သိၣ်လီၤသီလီၤတၢ် 16:9

ဂံၢ်နွံနွံစးထီၣ်လၢသုစးထီၣ်ကူးဘုဧိၤဟုဧိၤ, ဝံၤဒီးမၤတၢ်ကူးက့ၤဝံၤအကတီၢ်အဘူၣ်လၢတၢ်မၤလၤကပီၤယွၤသု ကစၢ်ယွၤအဂီၢ်ခီဖျိတၢ်ဟဲစိာ်န့ၢ်အီၤတၢ်သးအိၣ်အတၢ်မၤဘူၣ်, ကၢကီၣ်သဃီၤဒီးတၢ်ဆိၣ်ဂ့ၤလၢအဟ့ၣ်တ့ၢ်သုန့ၣ်တက့ၢ်.