လံာ်တၢ်ဂံၢ် 22:12 - Sgaw Karen Common Bible

¹² ကစၢ်ယွၤစံးဘၣ်စီၤဘံးလၣ်, “လဲၤဃုာ်တၢ်ဒီးပှၤတဖၣ်အံၤတ ဂ့ၤ. ဒီးပာ်တၢ်ဆိၣ်အၢတမံၤလၢကီၢ်အံၣ်စရ့လးအပှၤဂီၢ်မုၢ်အလိၤန့ၣ် တဂ့ၤ. အဂ့ၢ်ဒ်အံၤ, အဝဲသ့ၣ်အိၣ်ဒီးယတၢ်ဆိၣ်ဂ့ၤလီၤ.”

လံာ်တၢ်ဂံၢ် 22:12 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:10

ဒီးပှၤလုၢ်တၢ်အခိၣ်အဒိၣ်ကတၢၢ်စီၤဧစၤရယၤ, ပှၤဟဲလီၤစၢၤလီၤသွဲၣ်လၢစီၤစၤဒိးတဂၤ, စံးဘၣ်အီၤ, “စးထီၣ်လၢပှၤဂီၢ်မုၢ်ဟဲစိာ်အတၢ်ဟ့ၣ်တဖၣ်ဆူ ယွၤအတၢ်လုၢ်ဟံၣ်န့ၣ်, တၢ်အီၣ်တၢ်အီလၢပကအီၣ်အိၣ်ဝဲလၢလၢလီၣ်လီၣ်ဒီးလၢန့ၣ်အမဲာ် ညါတၢ်အိၣ်ဘျဲၣ်အိၣ်စဲၢ်အိၣ်အါမးန့ၣ်လီၤ. ပအိၣ်ဒီးကယဲၢ်တၢ်ခဲလၢာ်အံၤမ့ၢ်လၢယွၤဆိၣ်ဂ့ၤတ့ၢ်အပှၤဂီၢ် မုၢ်အဃိန့ၣ်လီၤ.”

စံးထီၣ်ပတြၢၤ 144:15

ပှၤကလုာ်လၢတၢ်အံၤမ့ၢ်ဝဲတီဝဲလၢ အဂီၢ်န့ၣ်ဘၣ်ဆိၣ်ဂ့ၤဝဲလီၤ. ပှၤဂီၢ်မုၢ်လၢ ကစၢ်ယွၤမ့ၢ် အယွၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 146:5

ပှၤလၢစီၤယၤကိာ်အကစၢ်ယွၤမ့ၢ်အတၢ်မၤစၢၤအီၤ, ပှၤလၢအမုၢ်လၢ်တၢ်လၢယွၤ, အကစၢ်ယွၤန့ၣ် ဘၣ်ဆိၣ်ဂ့ၤဝဲလီၤ.

လံာ်ယၡါယၤ 61:9

အဝဲသ့ၣ်အမံၤကဟူသၣ်ကဖျါလၢ ပှၤကလုာ်တဖၣ်အကျါ, ပှၤတဂၤလၢ်လၢ်လၢအထံၣ်အဝဲသ့ၣ်န့ၣ် ကသ့ၣ်ညါဝဲလၢ အဝဲသ့ၣ်မ့ၢ်ပှၤဂီၢ်မုၢ်တဖုလၢ ယဆိၣ်ဂ့ၤတ့ၢ်လံအီၤန့ၣ်လီၤ.”

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 22:11

ဒ်သိးအကတဲဘၣ်ယၤလၢပှၤဂီၢ်မုၢ်တဖုလၢအဟဲလၢကီၢ် အဲၤကူပတူးန့ၣ်ရၤလီၤအသးလၢကီၢ်ဒီဘ့ၣ်ညါလီၤ. အဝဲအဲၣ်ဒိးလၢယကဆိၣ်အၢအီၤလၢအဂီၢ်, ဒ်သိးအဝဲဒုးတၢ်ဒီးနီၣ်ထီၣ်ကွံာ်အဝဲသ့ၣ်ကန့ၢ်အဂီၢ်န့ၣ်လီၤ.

လံာ်တၢ်ဂံၢ် 22:13

မုၢ်ဆ့ၣ်ထီၣ်တနံၤန့ၣ်, စီၤဘံးလၣ်လဲၤဆူစီၤဘၤလးအပှၤစိာ်တၢ် ကစီၣ်တဖၣ်အအိၣ်ဒီးစံးဝဲဒၣ်, “က့ၤက့ၤဆူသုဟံၣ်တက့ၢ်. ယွၤဂ့ၢ်လိာ်ဝဲလၢယကလဲၤပိာ်သုခံန့ၣ်လီၤ.”

လံာ်တၢ်ဂံၢ် 22:6

အဝဲသ့ၣ်အနီၣ်ဂံၢ်အါန့ၢ်ဒံးပှၤအဃိ, ဝံသးစူၤဟဲဒီးဆိၣ်အၢ အဝဲသ့ၣ်လၢယဂီၢ်တက့ၢ်. အန့ၣ်ဒီးဘၣ်သ့ၣ်သ့ၣ်ပမၤနၢၤကွံာ်အဝဲသ့ၣ်ကသ့ဒီးနီၣ်ဟးထီၣ် ကွံာ်အီၤလၢပထံပကီၢ်အပူၤကန့ၢ်န့ၣ်လီၤ. ယသ့ၣ်ညါလၢဖဲနယၢၤထီၣ်တၢ်ဆိၣ်ဂ့ၤတထံၣ်န့ၣ်ပှၤဂီၢ်မုၢ်ဘၣ်ဆိၣ် ဂ့ၤဝဲဒီးဖဲနယၢၤထီၣ်တၢ်ဆိၣ်အၢတထံၣ်န့ၣ်အဝဲသ့ၣ်တုၤလၢတၢ် ဆိၣ်အၢအပူၤန့ၣ်လီၤ

လံာ်တၢ်ဂံၢ် 23:23

တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

လံာ်တၢ်ဂံၢ် 23:3

အန့ၣ်ဝံၤဒီးစီၤဘံးလၣ်စံးဘၣ်စီၤဘၤလး, “ဆၢထၢၣ်ဖဲအံၤလၢနတၢ်လုၢ်မ့ၣ်အူအကပၤဖဲယလဲၤဒ်သိးယကကွၢ် တၢ်လၢမ့ၢ်ယွၤကဟဲသဂၢၢ်ယၤမ့တမ့ၢ်တသဂၢၢ်ယၤဘၣ်လဲၣ်အခါန့ၣ်တ က့ၢ်. ယကတဲဘၣ်နၤတၢ်ကိးမံၤဒဲးလၢအဝဲလီၣ်ဖျါဝဲဆူယအိၣ်န့ၣ် လီၤ.” မၤသးဒ်န့ၣ်ဒီး, အဝဲလဲၤထီၣ်ဆူတၢ်လူၢ်ဒီခိၣ်ထဲတဂၤဧိၤ,

လံာ်တၢ်ဂံၢ် 23:8

ပှၤလၢကစၢ်ယွၤတဆိၣ်အၢတ့ၢ်အီၤန့ၣ် ယကဆိၣ်အၢအီၤဒ်လဲၣ်. ဒီးပှၤလၢယွၤတဆိၣ်ဃီၣ်အီၤန့ၣ်ယကဆိၣ်ဃီၣ်အီၤ ဒ်လဲၣ်.

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 23:5

ဘၣ်ဆၣ်ဒီးယွၤသုကစၢ်ယွၤတဒိကနၣ်ဘၣ်စီၤဘံးလၣ်ဘၣ်. အခိၣ်တလိာ်အဝဲလဲလိာ်ကွံာ်တၢ်ဆိၣ်အၢတမံၤဆူတၢ်ဆိၣ်ဂ့ၤတမံၤ မ့ၢ်လၢအဝဲအဲၣ်သုအဃိန့ၣ်လီၤ.

လံာ်သိၣ်လီၤသီလီၤတၢ် 28:6

ယွၤကဆိၣ်ဂ့ၤတၢ်ကိးမံၤဒဲးလၢသုမၤအီၤန့ၣ်လီၤ.

လံာ်သိၣ်လီၤသီလီၤတၢ် 33:29

အံၣ်စရ့လးဧၢ, နဘၣ်ဆိၣ်ဂ့ၤနဲဆံးဒိၣ်လဲၣ်. ပှၤဒ်သိးသု, ပှၤတကလုာ်လၢအဘၣ်တၢ်အုၣ်က့ၤခီၣ်က့ၤအီၤလၢယွၤ န့ၣ်, တအိၣ်ဝဲဒၣ်ဘၣ်. ယွၤအနီၢ်ကစၢ်ဒၣ်ဝဲမ့ၢ်သုကတီၤဒီးသုနးလၢအကဒီသဒၢသုဒီး ဟ့ၣ်သုတၢ်မၤနၢၤန့ၣ်လီၤ. သုဒုၣ်သုဒါတဖၣ်ကဟဲဃ့ကညးသုလၢတၢ်မၤစၢၤအဂီၢ် ဒီးသုကယီၢ်တံၢ်လီၤကွံာ်အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 7:14

ပှၤဂီၢ်မုၢ်လၢဟီၣ်ခိၣ်ချၢလၢကဘၣ်တၢ်ဆိၣ်ဂ့ၤထူးထူးတီၤတီၤ ထဲသိးဒီးသုတအိၣ်ဘၣ်နီတကလုာ်ဘၣ်. ပိာ်ခွါမ့တမ့ၢ်ပိာ်မုၣ်လၢသုကျါမ့ၢ်ဂ့ၤ, သုဆၣ်ဖိကီၢ်ဖိလၢသုဘုၣ်အီၤအဖါမ့တမ့ၢ်အမိၢ်မ့ၢ်ဂ့ၤန့ၣ်, အတူာ်ဖိတအိၣ်ဘၣ်.