လံာ်တၢ်ဂံၢ် 22:11 - Sgaw Karen Common Bible

¹¹ ဒ်သိးအကတဲဘၣ်ယၤလၢပှၤဂီၢ်မုၢ်တဖုလၢအဟဲလၢကီၢ် အဲၤကူပတူးန့ၣ်ရၤလီၤအသးလၢကီၢ်ဒီဘ့ၣ်ညါလီၤ. အဝဲအဲၣ်ဒိးလၢယကဆိၣ်အၢအီၤလၢအဂီၢ်, ဒ်သိးအဝဲဒုးတၢ်ဒီးနီၣ်ထီၣ်ကွံာ်အဝဲသ့ၣ်ကန့ၢ်အဂီၢ်န့ၣ်လီၤ.

လံာ်တၢ်ဂံၢ် 22:11 Iomraidhean Croise

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်တၢ်ဂံၢ် 22:10

အဝဲဒၣ်စံးဆၢဝဲ, “ကီၢ်မိၤအးအစီၤပၤစီၤဘၤလးဆှၢလီၤ အဝဲသ့ၣ်ဆူယအိၣ်,

လံာ်တၢ်ဂံၢ် 22:12

ကစၢ်ယွၤစံးဘၣ်စီၤဘံးလၣ်, “လဲၤဃုာ်တၢ်ဒီးပှၤတဖၣ်အံၤတ ဂ့ၤ. ဒီးပာ်တၢ်ဆိၣ်အၢတမံၤလၢကီၢ်အံၣ်စရ့လးအပှၤဂီၢ်မုၢ်အလိၤန့ၣ် တဂ့ၤ. အဂ့ၢ်ဒ်အံၤ, အဝဲသ့ၣ်အိၣ်ဒီးယတၢ်ဆိၣ်ဂ့ၤလီၤ.”

လံာ်တၢ်ဂံၢ် 23:11

အန့ၣ်ဒီးစီၤဘၤလးစံးဘၣ်စီၤဘံးလၣ်, “နမၤယၤဒ်လဲၣ်ခီ လဲၣ်. ယဟဲကိးနၤဆူအံၤလၢနကဆိၣ်အၢယဒုၣ်ယဒါတဖၣ်လီၤ. ဘၣ်ဆၣ်ဒီးကယဲၢ်တၢ်လၢနမၤတ့ၢ်န့ၣ်မ့ၢ်တၢ်ဆိၣ်ဂ့ၤအဝဲသ့ၣ်န့ၣ် လီၤ.”

လံာ်တၢ်ဂံၢ် 23:7

စီၤဘံးလၣ်ထုထီၣ်အတၢ်ကတိၤလၢဝံအကျိာ်စံးဝဲ, “ကီၢ်မိၤအးအစီၤပၤဘၤလးဟဲကိးန့ၢ်ယၤလၢကီၢ်စူၤရံအပူၤ, လၢမုၢ်ထီၣ်ကစၢၢ်ခိၣ်တဖၣ်ဒီးစံးဝဲ, ဟဲဒီးကတိၤတၢ်လၢယဂီၢ်တက့ၢ်. ပာ်လီၤတၢ်ဆိၣ်အၢတမံၤလၢကီၢ်အံၣ်စရ့လး အပှၤဂီၢ်မုၢ်အဖီခိၣ်တက့ၢ်.

လံာ်တၢ်ဂံၢ် 24:10

စီၤဘၤလးစှီၤအစုခိၣ်တဖၣ်လၢတၢ်သးဒိၣ်အပူၤဒီးစံးဘၣ်စီၤ ဘံးလၣ်, “ယကိးတ့ၢ်နၤလၢနကဆိၣ်အၢယဒုၣ်ယဒါတဖၣ်အဂီၢ်လီၤ. မ့မ့ၢ်ခဲအံၤတခီနဆိၣ်ဂ့ၤအီၤဒၣ်လဲာ်သၢစုန့ၣ်လီၤ.

လံာ်စီၤယိၤၡူ 24:10

ဘၣ်ဆၣ်ဒီးယတကနၣ်စီၤဘံးလၣ်အကလုၢ်ဘၣ်အဃိ, အဝဲဆိၣ်ဂ့ၤသုဒီးလၢကျဲဒ်အံၤန့ၣ်ယမၤပူၤဖျဲးသုလၢစီၤ ဘၤလးအစုပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:43

အဝဲစံးဘၣ်စီၤဒၤဝံး, “နီၣ်က့တဘိန့ၣ်မ့ၢ်လၢမနုၤအဂီၢ်လဲၣ်. နဆိကမိၣ်ယမ့ၢ်ထွံၣ်တဒုဧါ.” ဒီးအဝဲဆိၣ်အၢစီၤဒၤဝံးလၢအဝဲအကစၢ်တဖၣ်အမံၤလီၤ.