လံာ်တၢ်ဂံၢ် 22:1 - Sgaw Karen Common Bible

¹ ပှၤအံၣ်စရ့လးဖိတဖၣ်သုးကဒီးအသးဆူညါဒီးသူၣ်ထီၣ်အဒဲ လၢထံကျိယၢ်ဒ့ၣ်အမုၢ်ထီၣ်တခီလၢကီၢ်မိၤအးအမုၢ်ထီၣ်တၢ်ပျီ ပူၤဖဲဝ့ၢ်ယရံၤဃိအမဲာ်ညါန့ၣ်လီၤ.

လံာ်တၢ်ဂံၢ် 22:1 Iomraidhean Croise

လံာ်ယံးရမံယၤ 40:11

ဖဲန့ၣ်အခါ, ပှၤအံၣ်စရ့လးဖိခဲလၢာ်လၢအအိၣ်ဆိးလၢကီၢ်မိၤ အး, ကီၢ်ဧၣ်မိၣ်, ကီၢ်အဒိၣ်, ဒီးကီၢ်အဂၤတဖၣ်အပူၤန့ၣ်, နၢ်ဟူဝဲလၢကီၢ်ဘၤဘူၤလိၣ်အစီၤပၤပျဲပှၤအံၣ်စရ့လးဖိတနီၤ ကအိၣ်ဒံးဝဲလၢကီၢ်ယူဒၤဒီးအဝဲပာ်ထီၣ်စီၤကဒါလယၤလၢကီၢ် အပဒိၣ်ဖးဒိၣ်န့ၣ်လီၤ.

လံာ်တၢ်ဂံၢ် 21:20

ဒီးလၢဘၤမိးန့ၣ်ဆူကစၢၢ်ကဆူးအိၣ်လၢပှၤမိၤအးဖိတဖၣ်အလီၢ် ကဝီၤပူၤဖဲကစၢၢ်ပံးစကၤအခိၣ်ထိးဖီလာ်, လၢအကွၢ်လီၤတၢ်ဆူပှၢ်မုၢ်ကနၢအဖီခိၣ်န့ၣ်လီၤ.

လံာ်တၢ်ဂံၢ် 26:3

စီၤမိၤၡ့ဒီးစီၤအလၤဧစၢ်စူၢ်တၢ်ဒီးကိးဖှိၣ်ပှၤပိာ်ခွါလၢအသးအိၣ်ထဲန့ၣ် တဖၣ်လီၤ. အဝဲသ့ၣ်ပာ်ဖှိၣ်ထီၣ်အသးလၢထံကျိယၢ်ဒ့ၣ်အဘးခီ, ဖဲကီၢ်မိၤအးအတၢ်ပျီပူၤ, ဝ့ၢ်ယရံၤဃိအမဲာ်ညါန့ၣ်လီၤ.

လံာ်တၢ်ဂံၢ် 31:12

ဒီးလဲၤစိာ်ဝဲဆူစီၤမိၤၡ့ဒီးစီၤအလၤဧစၢ်အအိၣ်ဒီးဆူကီၢ် အံၣ်စရ့လးအပှၤဂီၢ်မုၢ်အတၢ်အိၣ်မူကရူၢ်အမဲာ်ညါ, လၢအအိၣ်ဝဲဖဲသူၣ်ဒဲ လီၢ်လၢကီၢ်မိၤအးအပျီတဖၣ်အပူၤ, လၢအအိၣ်သဃီၤဒီးဝ့ၢ်ယရံၤဃိ လၢထံကျိယၢ်ဒ့ၣ်အဘးခီန့ၣ်လီၤ.

လံာ်တၢ်ဂံၢ် 32:19

ပတဟံးစ့ၢ်ကီးတၢ်စုလီၢ်ခီၣ်ခိၣ်အတၢ်န့ၢ်သါလၢအဝဲသ့ၣ်အကျါ လၢထံကျိယၢ်ဒ့ၣ်အဘးခီတကပၤန့ၣ်နီတမံၤဘၣ်. အဂ့ၢ်ဒ်အံၤ, ပဒိးန့ၢ်တ့ၢ်လံတၢ်နီၤဖးလၢပဂီၢ်ဖဲအံၤလၢယၢ် ဒ့ၣ်အမုၢ်ထီၣ်တခီလံန့ၣ်လီၤ.”

လံာ်တၢ်ဂံၢ် 34:15

လၢထံကျိယၢ်ဒ့ၣ်အမုၢ်ထီၣ်တကပၤသဃီၤဒီးဝ့ၢ်ယရံၤဃိန့ၣ်လီၤ.”

လံာ်တၢ်ဂံၢ် 35:1

ယွၤကတိၤတၢ်ဒီးစီၤမိၤၡ့လၢကီၢ်မိၤအးအတၢ်ပျီပူၤတဖၣ်, လၢအအိၣ်သဃီၤဒီးဝ့ၢ်ယရံၤဃိလၢထံကျိယၢ်ဒ့ၣ်အဘးခီစံးဝဲ,

လံာ်တၢ်ဂံၢ် 36:13

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်လၢ ယွၤဟ့ၣ်လီၤပှၤအံၣ်စရ့လးဖိတဖၣ်ခီဖျိစီၤမိၤၡ့လၢကီၢ်မိၤအး အတၢ်ပျီပူၤတဖၣ်လၢအအိၣ်သဃီၤဒီးဝ့ၢ်ယရံၤဃိလၢထံ ကျိယၢ်ဒ့ၣ်အဘးခီန့ၣ်လီၤ.

လံာ်သိၣ်လီၤသီလီၤတၢ် 1:5

စီၤမိၤၡ့စးထီၣ်တဲနၢ်ပၢၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးတၢ်သိၣ်လိတဖၣ်, ဖဲတၢ်ဆၢကတီၢ်လၢပှၤဂီၢ်မုၢ်အိၣ်ဝဲလၢထံကျိယၢ်ဒ့ၣ်အမုၢ်ထီၣ် လၢကီၢ်မိၤအးအလီၢ်ကဝီၤပူၤအခါန့ၣ်လီၤ.

လံာ်သိၣ်လီၤသီလီၤတၢ် 3:8

အကတီၢ်ဖဲန့ၣ်, ပဟံးန့ၢ်ကွံာ်တၢ်လီၢ်အံၤလၢ ထံကျိယၢ်ဒ့ၣ်အမုၢ်ထီၣ်တကပၤ, စးထီၣ်လၢထံကျိအၢ်နိၣ်တုၤဆူကစၢၢ်ဃ့ရမိၣ်လၢပှၤဧၣ်မိၣ်ဖိ အစီၤပၤခံဂၤအံၤအအိၣ်န့ၣ်လီၤ.

လံာ်သိၣ်လီၤသီလီၤတၢ် 34:1

စီၤမိၤၡ့လဲၤထီၣ်လၢကီၢ်မိၤအးအတၢ်ပၢၤခိၣ်ဆူကစၢၢ်နဘိ အလိၤလၢကစၢၢ်ပံးစကၤအဒီခိၣ်, လၢဝ့ၢ်ယရံၤဃိအမုၢ်ထီၣ်, ဒီးဖဲန့ၣ်ယွၤဒုးနဲၣ်ဃီၤအီၤလၢကီၢ်ဒီတဘ့ၣ်ညါန့ၣ်လီၤ. ကီၢ်ကံးလဧးအလီၢ်ကဝီၤလၢအလဲၤယံၤဝဲလၢကလံၤစိးတကပၤတုၤ ဆူဝ့ၢ်ဒၣ်,

လံာ်သိၣ်လီၤသီလီၤတၢ် 34:8

ကီၢ်အံၣ်စရ့လးအပှၤဂီၢ်မုၢ်ဟီၣ်ဝဲယၢၤဝဲလၢအဝဲအဃိလၢအသီ သၢဆံအတီၢ်ပူၤလၢကီၢ်မိၤအးအတၢ်ပၢၤခိၣ်တတီၤအပူၤန့ၣ်လီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.