လံာ်တၢ်ဂံၢ် 21:7 - Sgaw Karen Common Bible

⁷ ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.

လံာ်တၢ်ဂံၢ် 21:7 Iomraidhean Croise

လံာ်တၢ်ကဲထီၣ်အခီၣ်ထံး 20:17

မ့ၢ်လၢတၢ်မၤတ့ၢ်အသးဒီးစီၤအၤဘြၤဟၣ်အမါ, နီၢ်စၤရါအဃိဒီး, ယွၤမၤတ့ၢ်ဝဲဒ်သိးပိာ်မုၣ်တဂၤလၢ်လၢ်လၢ စီၤအဘံၤမ့လ့းအနူၢ်ပူၤစီၤပူၤန့ၣ်အိၣ်ဒံၣ်အိၣ်ဖိသုတသ့ တဂ့ၤန့ၣ်လီၤ. လၢတၢ်န့ၣ်အဃိစီၤအၤဘြၤဟၣ်ဘါထုကဖၣ်တ့ၢ်တၢ်လၢစီၤအဘံၤမ့လ့းအဂီၢ်, ဒီးကစၢ်ယွၤမၤဘျါအီၤလီၤ. အဝဲမၤဘျါစ့ၢ်ကီးစီၤအဘံၤမ့လ့းအမါ, ဒီးအကုၢ်ပိာ်မုၣ်တဖၣ်ဒ်သိးအိၣ်ဒံၣ်အိၣ်ဖိကသ့အဂီၢ်လီၤ.

လံာ်တၢ်ကဲထီၣ်အခီၣ်ထံး 20:7

မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:4

ဒီးစီၤယဟိအါဃးဘါထုကဖၣ်တၢ်ဆူယွၤအအိၣ်, ဒီးယွၤထံၣ်ဘၣ်ဝဲကီၢ်စူၤရံအစီၤပၤမၤအၢမၤနးပှၤအံၣ်စရ့ လးဖိနးထဲလဲၣ်ထဲလဲၣ်အဃိ, စံးဆၢဝဲအတၢ်ထုကဖၣ်န့ၣ်လီၤ.

လံာ်စီၤယိၤဘး 42:10

တုၤစီၤယိၤဘးဘါထုကဖၣ်တၢ်လၢအတံၤသကိးသၢဂၤ အဂီၢ်ဝံၤအလီၢ်ခံန့ၣ်, ယွၤမၤဘီၣ်ထီၣ်ညီထီၣ်ကဒါက့ၤကဒီး အီၤ, ဒီးဟ့ၣ်အီၤတၢ်လၢအအိၣ်တ့ၢ်ဒီးအီၤလၢညါခံစးန့ၣ်လီၤ.

လံာ်စီၤယိၤဘး 42:8

ဒီးခဲကနံၣ်အံၤ, ဟံးန့ၢ်ဂီၤဖံးဖါနွံဒုဒီးသိဖါနွံဒုဒီးလဲၤဆူယခ့ ယပှၤစီၤယိၤဘးအအိၣ်ဒီးလုၢ်ထီၣ်တၢ်လုၢ်မ့ၣ်အူလၢသုဂီၢ် တက့ၢ်. စီၤယိၤဘးကဘါထုကဖၣ်တၢ်လၢသုဂီၢ်ဒီးယကစံး ဆၢအတၢ်ထုကဖၣ်လီၤ. ဒီးယတမၤတရီတပါသုဒ်သုကြၢး ဒိးန့ၢ်ဝဲအသိးန့ၣ်ဘၣ်. သုတစံးတၢ်လၢယဂ့ၢ်ယကျိၤလၢ အတီအလိၤဒ်အစံးတ့ၢ်ဝဲအသိးန့ၣ်ဘၣ်.

စံးထီၣ်ပတြၢၤ 106:23

ဖဲကစၢ်ယွၤစံးလၢ ကမၤဟးဂီၤကွံာ် အပှၤဂီၢ်မုၢ်န့ၣ်, အခ့အပှၤလၢအဃုထၢဝဲစီၤမိၤၡ့ ဂဲၤဆၢထၢၣ်ထီဒါကစၢ်ယွၤ, ဒီးတြီဃာ်အတၢ်သးထီၣ်လၢ ကမၤဟးဂီၤအဝဲသ့ၣ်န့ၣ်လီၤ.

စံးထီၣ်ပတြၢၤ 78:34

တုၤယွၤမၤသံအဝဲသ့ၣ်တနီၤဒီးအဝဲသ့ၣ်ဃုအီၤ, ဒီးပီၢ်ယၢ်လီၤက့ၤအသးဒီးဃုယွၤလၢ တၢ်သူၣ်ဆူၣ်သးဆူၣ်အပူၤလီၤ.

လံာ်တၢ်ဟးထီၣ်ကွံာ် 10:17

ဒီးခဲကနံၣ်အံၤပျၢ်လၢ်ယတၢ်ဒဲးဘးအအံၤတစုဒီးဃ့ကညးယွၤ, သုကစၢ်ယွၤဒ်သိးကဟံးထီၣ်ကွံာ်တၢ်စံၣ်ညီၣ်လၢအမၤသံတၢ်သ့ အံၤလၢယၤတက့ၢ်.”

လံာ်တၢ်ဟးထီၣ်ကွံာ် 32:11

ဘၣ်ဆၣ်ဒီး, စီၤမိၤၡ့ဃ့ကညးဝဲယွၤ, အကစၢ်ယွၤဒီးစံး, “ယွၤဧၢ, ဘၣ်မနုၤလၢနဘၣ်သးထီၣ်ဘၣ်နပှၤဂီၢ်မုၢ်လၢနအုၣ်က့ၤ ခီၣ်က့ၤအီၤလၢကီၢ်အဲၤကူပတူးအပူၤလၢတၢ်ဂံၢ်တၢ်ဘါဒီးတၢ် စိကမီၤဖးဒိၣ်န့ၣ်အပူၤလဲၣ်.

လံာ်တၢ်ဟးထီၣ်ကွံာ် 32:30

လၢခံတနံၤန့ၣ်စီၤမိၤၡ့စံးဘၣ်ပှၤဂီၢ်မုၢ်, “သုမၤတ့ၢ်တၢ်ဒဲးဘးအၢအၢသီသီတမံၤလီၤ. ဘၣ်ဆၣ်ဒီးခဲအံၤယကလဲၤထီၣ်ကဒီးဆူကစၢၢ်ဒီခိၣ်ဆူယွၤအအိၣ်လီၤ. ဘၣ်သ့ၣ်သ့ၣ်ယမၤန့ၢ်တၢ်ပျၢ်တၢ်ဒဲးဘးလၢသုဂီၢ်ကသ့ဝဲလီၤ.”

လံာ်တၢ်ဟးထီၣ်ကွံာ် 8:28

စီၤပၤစံးဝဲဒၣ်, “ယကပျၢ်သုဒ်သိးသုကလဲၤလုၢ်တၢ်ပာ်တၢ်ဆူ ယွၤသုကစၢ်ယွၤအအိၣ်လၢပှၢ်မုၢ်ကနၢဘၣ်ဆၣ်သုတဘၣ်လဲၤယံၤယံၤ ကလဲာ်ဘၣ်. ဒီးဃ့ဘါထုကဖၣ်တၢ်လၢယဂီၢ်တက့ၢ်.”

လံာ်တၢ်ဟးထီၣ်ကွံာ် 8:4

အဝဲသ့ၣ်ကစံၣ်ထီၣ်လၢနလိၤ, နပှၤဂီၢ်မုၢ်ဒီးနပဒိၣ်ပပှၢ်တဖၣ်အ လိၤန့ၣ်လီၤ.”

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်တၢ်ဂံၢ် 11:2

ပှၤဂီၢ်မုၢ်ကိးပသူထီၣ်ဆူစီၤမိၤၡ့အအိၣ်လၢတၢ်မၤစၢၤအဂီၢ် လီၤ. စီၤမိၤၡ့ဘါထုကဖၣ်တၢ်ဆူယွၤအအိၣ်ဒီးမ့ၣ်အူလီၤပံာ် ကွံာ်ဝဲန့ၣ်လီၤ.

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

မၤတၢ် 8:24

စီၤၡံမိၣ်စံးဆၢက့ၤစီၤပ့းတရူးဒီးစီၤယိၤဟၣ်, “ဝံသးစူၤဃ့ထုကဖၣ်ကစၢ်လၢယဂီၢ်, ဒ်သိးတၢ်လၢသုစံးတ့ၢ်တဖၣ်အသုတဟဲဘၣ်ယၤနီတမံၤတဂ့ၤန့ၣ် တက့ၢ်.”

ရိမ့ၤ 10:1

ယဒီပုၢ်ဝဲၢ်သ့ၣ်ဧၢ, ယသးအတၢ်ဆၢန့ၢ်ဘၣ်လၢယသးဒီဖျၢၣ်ညါဒီး ယတၢ်ဃ့ထုကဖၣ်ကစၢ်ယွၤလၢယပှၤကလုာ်ဒၣ်ယဲအဂီၢ်, မ့ၢ်ဒၣ်ဒ်သိးအဝဲသ့ၣ်ကတုၤလၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:20

ယွၤအသးဒိၣ်ထီၣ်ဘၣ်စ့ၢ်ကီးစီၤအၤဟရိၣ်နးမးတုၤလၢအက မၤသံအီၤလီၤ. လၢတၢ်န့ၣ်အဃိယဘါထုကဖၣ်တၢ်လၢစီၤအၤဟရိၣ်အ ဂီၢ်, လၢတၢ်တကတီၢ်ဃီန့ၣ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:24

စီၤစီလူးစံးဆၢဝဲ, “မ့ၢ်လီၤ. ယမၤတ့ၢ်တၢ်ဒဲးဘးလီၤ. ယတစူၢ်တ့ၢ်ယွၤအတၢ်မၤလိာ်ဒီးနတၢ်သိၣ်နဲၣ်ယုၤတဖၣ်န့ၣ်ဘၣ်. ယပျံၤတ့ၢ်ယပှၤတဖၣ်ဒီးမၤတၢ်လၢအဝဲသ့ၣ်အဲၣ်ဒိးဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:30

“ယမၤတ့ၢ်တၢ်ဒဲးဘးလီၤ,” စီၤစီလူးစံးဝဲဒၣ်, “ဘၣ်ဆၣ်ဒီးအစှၤကတၢၢ်န့ၣ်ပာ်ဖျါထီၣ်နတၢ်ပာ်ကဲယၤလၢယပှၤ ဂီၢ်မုၢ်အခိၣ်အနၢ်တဖၣ်ဒီးကယဲၢ်အံၣ်စရ့လးဒီကီၢ်အမဲာ်ညါတ က့ၢ်. က့ၤကဒါက့ၤဒီးယၤဒ်သိးယဘူၣ်ထီၣ်ဘါထီၣ်ယွၤ, နကစၢ်ယွၤကသ့အဂီၢ်တက့ၢ်.”