လံာ်တၢ်ဂံၢ် 21:5 - Sgaw Karen Common Bible

⁵ ဒီးကတိၤတၢ်ထီဒါကစၢ်ယွၤဒီးစီၤမိၤၡ့န့ၣ်လီၤ. အဝဲသ့ၣ်ကဒူးကဒ့ၣ်တၢ်စံးဝဲ, “နထုးထီၣ်ပှၤလၢကီၢ်အဲၤကူပတူးဒ်သိးပကသံလၢပှၢ်မုၢ်ကနၢ အပူၤအံၤဖဲတၢ်အီၣ်တအိၣ်ထံတအိၣ်န့ၣ်ဘၣ်မနုၤလဲၣ်. တၢ်အီၣ်တဂိာ်တသီၣ်အံၤ, ပအီၣ်တကဲလၢၤဘၣ်.”

လံာ်တၢ်ဂံၢ် 21:5 Iomraidhean Croise

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

စံးထီၣ်ပတြၢၤ 78:19

အဝဲသ့ၣ်ကတိၤတၢ်ထီဒါကစၢ်ယွၤ, ဒီးစံးဝဲ, “ကစၢ်ယွၤကတဲာ်ကတီၤစီၢ်နီၤခိၣ်လၢ ပှၢ်မုၢ်ကနၢဘၣ်ကသ့ဧါ,

လံာ်တၢ်ဟးထီၣ်ကွံာ် 14:11

ဒီးအဝဲသ့ၣ်စံးဘၣ်စီၤမိၤၡ့, “လၢကီၢ်အဲၤကူပတူးအပူၤ န့ၣ်မ့ၢ်တၢ်သွၣ်ခိၣ်တအိၣ်ဘၣ်အဃိနဟဲကိးပှၤဆူပှၢ်မုၢ်ကနၣ်အပူၤအံၤလၢပကသံအဂီၢ်ဧါ. ဘၣ်မနုၤလၢနမၤပှၤလၢတၢ်အံၤလၢနထုးထီၣ်ပှၤလၢကီၢ်အဲၤကူပတူးအပူၤန့ၣ်လဲၣ်.

လံာ်တၢ်ဟးထီၣ်ကွံာ် 15:24

ပှၤဂီၢ်မုၢ်ကဒူးကဒ့ၣ်တၢ်ဆူစီၤမိၤၡ့အအိၣ်ဒီးသံကွၢ်ဝဲ, “ပကဘၣ်အီတၢ်မနုၤလဲၣ်.”

လံာ်တၢ်ဟးထီၣ်ကွံာ် 16:15

ဒီးဖဲပှၤအံၣ်စရ့လးဖိတဖၣ်ထံၣ်ဘၣ်တၢ်န့ၣ်ဒီးအဝဲသ့ၣ်တသ့ၣ် ညါဝဲလၢအမ့ၢ်တၢ်မနုၤလဲၣ်ဘၣ်အဃိသံကွၢ်လိာ်အသး, “တၢ်အံၤမ့ၢ်တၢ်မနုၤလဲၣ်.” န့ၣ်လီၤ. စီၤမိၤၡ့စံးဘၣ်အဝဲသ့ၣ်, “တၢ်အံၤမ့ၢ်တၢ်အီၣ်လၢယွၤဟ့ၣ်လီၤသုလၢသုကအီၣ်အဂီၢ်လီၤ.

လံာ်တၢ်ဟးထီၣ်ကွံာ် 16:31

ပှၤအံၣ်စရ့လးဖိတဖၣ်ကိးဝဲတၢ်အီၣ်န့ၣ်လၢမၤနၤလီၤ. တၢ်န့ၣ်မၤသးဒ်တၢ်အချံဝါဝါဆံးဆံးဖိဒီးဝံၣ်ဝဲဒ်ကိၣ်ဘ့ၣ် ဘၣ်ဘူတလါဖိတဖၣ်လၢအဘၣ်တၢ်မၤအီၤဃုာ်ဒီးကနဲစီန့ၣ်လီၤ.

တၢ်ကတိၤဒိ. 27:7

ဖဲနဘျဲးအီၣ်တၢ်န့ၣ်, နကဂ့ၢ်လိာ်ဒၣ်လဲာ်ကနဲစီလီၤ. ဘၣ်ဆၣ်ဒီးဖဲတၢ်သၣ်ဝံၤနသးန့ၣ်, တၢ်အီၣ်လၢအခၣ်ဒၣ်လဲာ်ဆၢဝဲလီၤ.

လံာ်ယဃ့းစက့လး 20:21

ဘၣ်ဆၣ်ပှၤတစိၤန့ၣ်ခီၣ်ဆၢစ့ၢ်ကီးယၤန့ၣ်လီၤ. အဝဲသ့ၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါတဖၣ်ဒီးတတိၢ်န့ၢ်ဖံးဃာ် ယတၢ်မၤလိာ်တဖၣ်လၢအဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤ အအိၣ်န့ၣ်ဘၣ်. အဝဲသ့ၣ်မၤတရီတပါမုၢ်အိၣ်ဘှံးနံၤန့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်တၢ်ဂံၢ် 11:20

မ့မ့ၢ်ကမ့ၢ်လၢဒီလါညါအဂီၢ်တုၤအဟဲဖျိးထီၣ်လၢသုနၢ်ပူၤ, တုၤသုသးကလဲၤအီၤတစုန့ၣ်လီၤ. တၢ်အံၤကမၤအသးမ့ၢ်လၢသုညိကွံာ်ယွၤလၢအအိၣ်ဖဲအံၤလၢသု ကျါဒီးကဒူးကဒ့ၣ်တၢ်ဆူအအိၣ်လၢတကြၢးသုဟးထီၣ်ကွံာ်ဘၣ်နီ တစုလၢကီၢ်အဲၤကူပတူးအဂ့ၢ်အဃိန့ၣ်လီၤ.”

လံာ်တၢ်ဂံၢ် 16:41

မုၢ်ဆ့ၣ်ထီၣ်တနံၤန့ၣ်ပှၤဂီၢ်မုၢ်ဒီကရူၢ်ညါကဒူးကဒ့ၣ်တၢ်ထီ ဒါစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုမၤသံတ့ၢ်ယွၤအပှၤဂီၢ်မုၢ်တနီၤလီၤ.”

လံာ်တၢ်ဂံၢ် 17:12

ကီၢ်အံၣ်စရ့လးအပှၤဂီၢ်မုၢ်စံးဘၣ်စီၤမိၤၡ့, “မ့မ့ၢ်ဒ်န့ၣ်ဒီးတၢ်န့ၣ်မ့ၢ်တၢ်လၢအမၤကတၢၢ်ပှၤန့ၣ်ဧါ.”

1 ကရံၣ်သူး 10:9

ပတဘၣ်လ့ပစီကစၢ် ဒ်အဝဲသ့ၣ်တနီၤမၤဝဲအသိးန့ၣ် ဘၣ်. ဒီးအဝဲသ့ၣ်ဘၣ်တၢ်မၤသံအီၤလၢဂုၢ်သ့ၣ်လီၤ.