လံာ်တၢ်ဂံၢ် 21:34 - Sgaw Karen Common Bible

³⁴ ယွၤစံးဘၣ်စီၤမိၤၡ့, “ပျံၤအီၤတဂ့ၤ. ယကဟ့ၣ်နၤတၢ်မၤနၢၤလၢအဝဲ, ကယဲၢ်အပှၤဂီၢ်မုၢ်, ဒီးအထံအကီၢ်အဖီခိၣ်န့ၣ်လီၤ. မၤအီၤဒ်နမၤပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်, စီၤစံဃိၣ်အသိးန့ၣ်တက့ၢ်.”

လံာ်တၢ်ဂံၢ် 21:34 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:13

အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:18

ဒီးစီၤအလံၤၡါစံးအါထီၣ်ဝဲ, “ဘၣ်ဆၣ်တၢ်အံၤမ့ၢ်တၢ်အညီ ကဒၣ်တမံၤလၢယွၤအဂီၢ်လၢကမၤဝဲန့ၣ်လီၤ. အဝဲကဟ့ၣ်လီၤစ့ၢ်ကီးသုတၢ်မၤနၢၤလၢပှၤမိၤအးဖိအဖီခိၣ်န့ၣ်လီၤ.

လံာ်ယၡါယၤ 41:13

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်တၢ်ဂံၢ် 14:9

ပူထီၣ်ထီဒါယွၤတဂ့ၤ. ဒီးပျံၤပှၤအိၣ်ဖဲန့ၣ်တဖၣ်တဂ့ၤ. ပကမၤနၢၤအဝဲသ့ၣ်ညီကဒၣ်လီၤ. ယွၤအိၣ်ဒီးပှၤဒီးမၤနၢၤလံကစၢ်တဖၣ်လၢအအိၣ်ပှိၤတ့ၢ်အဝဲ သ့ၣ်န့ၣ်လီၤ.

လံာ်တၢ်ဂံၢ် 32:4

လီၢ်ကဝီၤအံၤလၢယွၤမၤစၢၤတ့ၢ်ပှၤအံၣ်စရ့လးဖိလၢကမၤန့ၢ် ဝဲန့ၣ်, မ့ၢ်တၢ်လီၢ်ဂ့ၤဝဲလၢဂီၤဘုၣ်ဂီၤဖံးအဂီၢ်, ဒီးပအိၣ်ဒီးဂီၤဘုၣ်ဂီၤဖံးအါအါဂီၢ်ဂီၢ်လီၤ.

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

လံာ်သိၣ်လီၤသီလီၤတၢ် 20:3

ကီၢ်အံၣ်စရ့လးအပှၤသ့ၣ်ဧၢ, ဒိကနၣ်တၢ်တက့ၢ်. တနံၤအံၤသုကလဲၤဆူတၢ်ဒုးတၢ်ယၤအပူၤလီၤ. ပျံၤဘၣ်သုဒုၣ်သုဒါတဖၣ်မ့ၢ်ဂ့ၤ, မၤဟါမၢ်ကွံာ်သုတၢ်သးခူ တလ့ၢ်မ့ၢ်ဂ့ၤ, ပျံၤတၢ်ကလီကလီလၢအဂ့ၢ်တအိၣ်ကျိၤတအိၣ်မ့ၢ်ဂ့ၤ န့ၣ်တဂ့ၤ.

လံာ်သိၣ်လီၤသီလီၤတၢ် 3:1

မၤကဒီးတစု, ပလဲၤဆူကလံၤစိးလိၤလိၤဆူဘၤၡၣ်အလီၢ်ကဝီၤ ဒီးစီၤပၤဧိာ်ဟဲထီၣ်ဒီးကယဲၢ်အပှၤတဖၣ်လၢကဒုးပှၤအဂီၢ်ဖဲ တၢ်လီၢ်ဘူးဒီးဝ့ၢ်အ့ဒြံၤန့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်သိၣ်လီၤသီလီၤတၢ် 31:6

ပာ်လီၤသုသးလီၤတံၢ်လီၤဆဲးသပှၢ်တၢၢ်ဒီးအိၣ်ဒီးတၢ်နာ်အဂၢၢ် အကျၢၤတက့ၢ်. ပျံၤဘၣ်အဝဲသ့ၣ်တဂ့ၤ, ယွၤ, သုကစၢ်ယွၤအနီၢ်ကစၢ်ဒၣ်ဝဲကအိၣ်ဒီးသုလီၤ. အဝဲတလီၤတိၢ်ကွံာ်ဘၣ်လၢသုဂီၢ်မ့ၢ်ဂ့ၤ, ပာ်လီၤတဲာ်တ့ၢ်ကွံာ် သုမ့ၢ်ဂ့ၤန့ၣ်ဘၣ်.”

လံာ်သိၣ်လီၤသီလီၤတၢ် 7:17

တဲလီၤသုသးလၢပှၤတဖၣ်အံၤအနီၣ်ဂံၢ်အါန့ၢ်ဒံးသုဒီးသုနီၣ် ထီၣ်ကွံာ်အီၤတန့ၢ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 7:18

ပျံၤဘၣ်အဝဲသ့ၣ်တဂ့ၤ. သ့ၣ်နီၣ်ထီၣ်တၢ်လၢယွၤ, သုကစၢ်ယွၤမၤတ့ၢ်ဘၣ်ကီၢ်အဲၤကူပတူးအစီၤပၤဒီးအပှၤဂီၢ်မုၢ် ခဲလၢာ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

လံာ်သိၣ်လီၤသီလီၤတၢ် 7:24

အဝဲကဟ့ၣ်လီၤကွံာ်အဝဲသ့ၣ်အစီၤပၤတဖၣ်ဆူသုစုပူၤန့ၣ်လီၤ. သုကမၤသံကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်သးပ့ၤနီၣ်ကွံာ် အီၤန့ၣ်လီၤ. ပှၤမၤတံာ်တာ်သုတသ့ဘၣ်နီတဂၤဘၣ်. သုကမၤဟးဂီၤကွံာ်ပှၤကိးဂၤဒဲးန့ၣ်လီၤ.

လံာ်စီၤယိၤၡူ 10:25

ဝံၤဒီးစီၤယိၤၡူစံးဘၣ်အသုးခိၣ်တဖၣ်, “တဘၣ်ပျံၤတၢ်တဂ့ၤဒီးတဘၣ်တ့ၢ်စၢ်လီၤသုဂံၢ်သုဘါတဂ့ၤ. ပာ်ဆူၣ်သုသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, ယွၤကမၤတၢ်ဒ်သိးအံၤဒီးသုဒုၣ်သုဒါခဲလၢာ်န့ၣ်လီၤ.”

လံာ်စီၤယိၤၡူ 10:8

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. ယဟ့ၣ်လီၤတ့ၢ်နၤတၢ်မၤနၢၤလံ. ပှၤလၢအဆၢထၢၣ်ထီဒါနၤသ့တအိၣ်နီတဂၤဘၣ်.”

လံာ်စီၤယိၤၡူ 8:7

အန့ၣ်ဒီး, သုကဟဲထီၣ်လၢသုအိၣ်ခူသူၣ်အလီၢ် ဒီးဒုးန့ၢ်ဝ့ၢ်န့ၣ်လီၤ. ယွၤသုကစၢ်ယွၤကဟ့ၣ်လီၤအီၤလၢသုစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:30

ဒီးစီၤယံးဖသၤအၢၣ်လီၤယွၤ, “နမ့ၢ်ဒုးမၤနၢၤယၤလၢပှၤဧၣ် မိၣ်ဖိတဖၣ်န့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 23:4

မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”