လံာ်တၢ်ဂံၢ် 21:28 - Sgaw Karen Common Bible

²⁸ တဘျီလၢဝ့ၢ်ဃ့ၡဘိၣ်အံၤအပူၤန့ၣ်, စီၤပၤစံဃိၣ်အသုးမုၢ်ဟး ထီၣ်ဝဲဒ်မ့ၣ်အူအသိးလီၤ. သုးမုၢ်န့ၣ်မၤဟးဂီၤတ့ၢ်ကီၢ်မိၤအးအဝ့ၢ်ဧၢ်, ဒီးမၤလီၤကလဲ ကွံာ်တၢ်လုၢ်လီၢ်တဖၣ်လၢဝ့ၢ်အၤနိၣ်အထးခီန့ၣ်လီၤ.

လံာ်တၢ်ဂံၢ် 21:28 Iomraidhean Croise

စံးထီၣ်ပတြၢၤ 78:63

ပှၤဖိၣ်သၣ်ခွါတဖၣ်ဘၣ်တၢ်မၤသံကွံာ်အီၤ လၢတၢ်ဒုးအပူၤ, ဒီးပိာ်မုၣ်သးစၢ်သ့ၣ်တဖၣ်ကဖျီအသးဒီး ပှၤတအိၣ်နီတဂၤလၢၤဘၣ်.

လံာ်ယၡါယၤ 10:16

ယွၤ, သ့တၢ်လၢာ်ကစၢ်ကမၢလီၤတၢ်ဆူးတၢ်ဆါလၢကစံၣ်ညီၣ် ပှၤတဖၣ်လၢအခဲအံၤအီၣ်ကုးအီပှဲၤန့ၣ်လီၤ. လၢအဝဲသ့ၣ်အနီၢ်ခိတဖၣ်အပူၤန့ၣ်, မ့ၣ်အူကအိၣ်ဝဲလၢအအီၣ် ဝံၤအီၣ်က့ၤတၢ်တနဲးနဲးလီၤ.

လံာ်ယၡါယၤ 15:4

ပှၤဂီၢ်မုၢ်လၢဝ့ၢ်ဃ့ၡဘိၣ်ဒီးဝ့ၢ်အ့လဧၤလ့ၤတဖၣ်ကိးပသူထီၣ်ဝဲ, ဒီးအဝဲသ့ၣ်အတၢ်ကိးထီၣ်ဟူတုၤလၢဝ့ၢ်ယါဟးလီၤ. သုးဖိတဖၣ်ဒၣ်လဲာ်ကနိးကစုာ်ဝဲဒီးအတၢ်သူၣ်ဒူသးဒူလၢာ်ကွံာ် ဝဲလီၤ.

လံာ်ယၡါယၤ 16:12

ပှၤမိၤအးဖိတဖၣ်မၤလီၤဘှံးလီၤတီၤအသးခီဖျိအတၢ်လဲၤ ဆူအတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤဒီးဆူ အတၢ်လုၢ်ဟံၣ်တဖၣ်လၢကဘါထုကဖၣ်တၢ်အဂီၢ်လီၤ. ဘၣ်ဆၣ်ဒီး, တၢ်သ့ၣ်တဖၣ်အံၤတမၤဂ့ၤအဝဲသ့ၣ်နီတမံၤဘၣ်.

လံာ်ဧၤမိၣ် 1:10

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ထါယၢၣ်အခိၣ် ဒူတဖၣ်အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်ဧၤမိၣ် 1:12

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်တ့ၤမၣ်ဒီးဒွဲၣ်အူကွံာ် အတိာ်ဧိၤတာ်ဧိၤလၢဘိးစရၤတဖၣ်န့ၣ်လီၤ.”

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 1:4

မၤသးဒ်န့ၣ်ဒီးယဆှၢလီၤမ့ၣ်အူဆူနီလၢအဘၣ်တၢ်ဘှီအီၤလၢ စီၤပၤဃစ့လးအဖီခိၣ်ဒီးယကဒွဲၣ်အူကွံာ်စီၤပၤဘ့ၣ်ဟဒး အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 1:7

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ဂါစၤအခိၣ်ဒူတဖၣ် အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

လံာ်ဧၤမိၣ် 2:5

မၤသးဒ်န့ၣ်ဒီးယကဆှၢလီၤမ့ၣ်အူဆူကီၢ်ယူဒၤအဖီခိၣ်ဒီးဒွဲၣ်အူ ကွံာ်ဝ့ၢ်ယရူၤရှလ့ၣ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်တၢ်ဂံၢ် 21:15

ဒီးတၢ်တြီၤတဖၣ်အတၢ်လီၤဘံသးလၢအယံၤဝဲတုၤလၢဝ့ၢ်ဧၢ်ဒီး လိၤလိၤကီၢ်မိၤအးအဆၢန့ၣ်လီၤ.”

လံာ်တၢ်ဂံၢ် 21:27

လၢတၢ်န့ၣ်အဃိဒီးပှၤကွဲးထါတဖၣ်သးဝံၣ်တၢ်စံးဝဲ, “ဟဲဆူဝ့ၢ်ဃ့ၡဘိၣ်, ဆူစီၤပၤစံဃိၣ်အဝ့ၢ်တက့ၢ်. ပအဲၣ်ဒိးထံၣ်ဘၣ်တၢ်ဘှီထီၣ်ကဒါက့ၤအီၤဒီး တၢ်မၤအိၣ်ထီၣ်က့ၤအီၤန့ၣ်လီၤ.

လံာ်တၢ်ဂံၢ် 22:41

မုၢ်ဆ့ၣ်ထီၣ်တနံၤန့ၣ်စီၤဘၤလးလဲၤကိးထီၣ်စီၤဘံးလၣ်ဆူ ဘဧၤလးဘၤမိး, တၢ်လီၢ်ဖဲစီၤဘံးလၣ်ထံၣ်ဘၣ်ကီၢ်အံၣ်စရ့လး အပှၤဂီၢ်မုၢ်တနီၤ, ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 2:9

ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.

လံာ်ပှၤစံၣ်ညီၣ်ကွီၢ် 9:15

ဒီးသ့ၣ်တၤဆှုၣ်စံးဆၢဝဲဒၣ်, သုမ့ၢ်သးအိၣ်သပှၢ်ကတၢၢ်လၢသုကဒုးကဲထီၣ်ယၤလၢသုစီၤပၤန့ၣ်, ဟဲဒီးအိၣ်ကဒုလၢယကဒုဖီလာ်တက့ၢ်. သုမ့ၢ်တဟဲဘၣ်ဒီးမ့ၣ်အူကဟးထီၣ်လၢယဒ့ယတြၢ်တဖၣ် အပူၤဒီးအီၣ်ကွံာ်လဘၤနိၣ်အသ့ၣ်ဆှိအ့ရ့းတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 9:20

မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူကဲၤကပျီၤထီၣ်လၢစီၤအဘံၤမ့လ့းအပူၤ ဒီးအီၣ်ကွံာ်ၡက့ၣ်ဒီးမံးလိၤအပှၤပိာ်ခွါတဖၣ်တက့ၢ်. ဒီးမ်မ့ၣ်အူကဲၤကပျီၤထီၣ်လၢၡက့ၣ်ဒီးမံးလိၤအပှၤပိာ်ခွါတဖၣ်အပူၤ ဒီးအီၣ်ကွံာ်စီၤအဘံၤမ့လ့းန့ၣ်တက့ၢ်.”