လံာ်တၢ်ဂံၢ် 21:26 - Sgaw Karen Common Bible

²⁶ ဝ့ၢ်ဃ့ၡဘိၣ်မ့ၢ်ဝဲပှၤအမိၢ်ဖိအစီၤပၤစံဃိၣ်အဝ့ၢ်ခိၣ်, စီၤပၤစံဃိၣ်လၢအဒုးတ့ၢ်တၢ်ထီဒါကီၢ်မိၤအးအစီၤပၤလၢညါ ဒီးမၤန့ၢ်ကယဲၢ်အကီၢ်ခဲလၢာ်ယံၤတုၤဒၣ်လဲာ်လၢထံကျိအၢ်နိၣ်, န့ၣ်လီၤ.

လံာ်တၢ်ဂံၢ် 21:26 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 7:4

နကိာ်လီၤဂာ်ဒ်ကဆီမဲအတၢးထီခၢၣ်သနၢၣ်တဖျၢၣ် အသိး, နမဲာ်ချံတဖၣ်လီၤဂာ်ဒ်နိၣ်တဖၣ်လၢကီၢ်ဃ့ၡဘိၣ် အဝ့ၢ်ပူၤ, အိၣ်ဘူးဒီးဝ့ၢ်ဖးဒိၣ်န့ၣ်အတြဲၤလီၤ. နနါစ့ၤလီၤအဲၣ်လီၤကွံဒ်လဘၤနိၣ်အတၢးထီခၢၣ်သနၢၣ် လၢအဆၢထၢၣ်ဒီသဒၢဝ့ၢ်ဒၤမ့းစ့းအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:5

နခိၣ်အိၣ်ထီၣ်ထီဒ်ကစၢၢ်ကၢ်မ့ၤလးအသိးန့ၣ်လီၤ. နခိၣ်သူသံၣ်အသး, ကပီၤဒ်သတိၢ်အဂ့ၤကတၢၢ်အသိး, အတၢ်ဃံတၢ်လၤဖီၣ်န့ၢ်စီၤပၤအသးသ့ဝဲန့ၣ်လီၤ.

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်ယံးရမံယၤ 48:20

အဝဲသ့ၣ်ကစံးဆၢဝဲ, ‘ကီၢ်မိၤအးလီၤပှီၢ်လံ. ဟီၣ်တၢ်ယၢၤတၢ်လၢအဃိတက့ၢ်. ဘၣ်တၢ်မၤမဲာ်ဆှးအီၤလံ. ဘိးဘၣ်သ့ၣ်ညါလၢ ထံကျိအၢ်နိၢ်ဒီဘိညါ လၢကီၢ်မိၤအးဘၣ်တၢ်မၤဟးဂီၤကွံာ်အီၤ လံန့ၣ်တက့ၢ်.’

လံာ်ယံးရမံယၤ 48:45

ပှၤဃ့ၢ်ပူၤဖျဲးအသးလၢအမၤစၢၤလီၤအသးတသ့တဖၣ် ကျဲးစၢးဃုထံၣ်န့ၢ်တၢ်အိၣ်ပှိၤမၤစၢၤလၢဝ့ၢ်ဃ့ၡဘိၣ်အပူၤ, ဝ့ၢ်တဝ့ၢ်လၢ တဘျီစီၤပၤစံဃိၣ်ပၢတ့ၢ်ဝဲအပူၤ, ဘၣ်ဆၣ် ဝ့ၢ်န့ၣ်မ့ၣ်အူကဲၤထီၣ်အီၣ်ကွံာ်အီၤလံ. မ့ၣ်အူအီၣ်ကွံာ်ကီၢ် မိၤအးအပှၤဂီၢ်မုၢ်လၢ အအဲၣ်ဒုးတၢ်တဖၣ် အထံဆၢကီၢ်ဆၢဒီး အကစၢၢ်ကလိအထီၣ်ထီတဖၣ်လံ.

လံာ်တၢ်ဂံၢ် 21:25

မၤသးဒ်န့ၣ်ဒီး, ကီၢ်အံၣ်စရ့လးအပှၤဂီၢ်မုၢ်မၤန့ၢ်ကယဲၢ်ပှၤ အမိၢ်ဖိအဝ့ၢ်ခဲလၢာ်ဃုာ်ဒီးဝ့ၢ်ဃ့ၡဘိၣ်ဒီးကယဲၢ်ခူဧိၤဝ့ၢ်ဧိၤအိၣ် လၢအခိၣ်အဃၢၤဒီးသူၣ်လီၤဆီလီၤအသးလၢအပူၤန့ၣ်လီၤ.

လံာ်တၢ်ဂံၢ် 21:27

လၢတၢ်န့ၣ်အဃိဒီးပှၤကွဲးထါတဖၣ်သးဝံၣ်တၢ်စံးဝဲ, “ဟဲဆူဝ့ၢ်ဃ့ၡဘိၣ်, ဆူစီၤပၤစံဃိၣ်အဝ့ၢ်တက့ၢ်. ပအဲၣ်ဒိးထံၣ်ဘၣ်တၢ်ဘှီထီၣ်ကဒါက့ၤအီၤဒီး တၢ်မၤအိၣ်ထီၣ်က့ၤအီၤန့ၣ်လီၤ.

လံာ်သိၣ်လီၤသီလီၤတၢ် 1:4

တၢ်အံၤမ့ၢ်ဖဲယွၤမၤနၢၤကွံာ်ပှၤဧၣ်မိၣ်ဖိတဖၣ်အစီၤပၤစံဃိၣ် လၢအပၢတၢ်လၢဝ့ၢ်ဃ့ၡဘိၣ်, ဒီးကီၢ်ဘၤၡၣ်အစီၤပၤစီၤဧိာ်လၢအပၢတၢ်လၢဝ့ၢ်ဧၤၡတြိးဒီး ဝ့ၢ်အ့ဒြၤတဖၣ်, အလီၢ်ခံန့ၣ်လီၤ.

လံာ်စီၤယိၤၡူ 13:16

အဝဲသ့ၣ်အထံအကီၢ်လဲၤတုၤလၢဧရိၤဧ့ၢ် (လၢအၢ်နိၣ်အတၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်အဝဲန့ၣ်အခၢၣ်သးဒီး ပၣ်ဃုာ်ဒီးတၢ်ပၢၤခိၣ်ထီၣ်ထီဝးတရံးမ့ဒဘၤလီၤ.

လံာ်စီၤယိၤၡူ 13:17

ပၣ်ဃုာ်ဒီးဝ့ၢ်ဃ့ၡဘိၣ်ဒီးတၢ်ပၢၤခိၣ်ထီၣ်ထီလၢအမ့ၢ်ဝဲဒံၤဘိၣ်, ဘၤမိးဘဧၤလး, ဘ့ၤသဘဧၤလးမဧိၣ်,

လံာ်စီၤယိၤၡူ 13:25

အတၢ်လီၢ်ပၣ်ဃုာ်ဒီးဝ့ၢ်ယၤစ့ၢ်ဒီးကီၢ်ကံးလဧးအဝ့ၢ်ခဲလၢာ်, ဧၣ်မိၣ်အကီၢ်တဝာ်ပၢၢ်တုၤလၢဝ့ၢ်ဧရိၤဧ့ၢ်လၢအအိၣ်လၢ ဝ့ၢ်ရးဘးအမုၢ်ထီၣ်လီၤ.

လံာ်စီၤယိၤၡူ 21:39

ဃ့ၡဘိၣ်, ဒီးယၤစ့ၢ်, ဃုာ်ဒီးအတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:26

ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.