လံာ်တၢ်ဂံၢ် 21:25 - Sgaw Karen Common Bible

²⁵ မၤသးဒ်န့ၣ်ဒီး, ကီၢ်အံၣ်စရ့လးအပှၤဂီၢ်မုၢ်မၤန့ၢ်ကယဲၢ်ပှၤ အမိၢ်ဖိအဝ့ၢ်ခဲလၢာ်ဃုာ်ဒီးဝ့ၢ်ဃ့ၡဘိၣ်ဒီးကယဲၢ်ခူဧိၤဝ့ၢ်ဧိၤအိၣ် လၢအခိၣ်အဃၢၤဒီးသူၣ်လီၤဆီလီၤအသးလၢအပူၤန့ၣ်လီၤ.

လံာ်တၢ်ဂံၢ် 21:25 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 7:4

နကိာ်လီၤဂာ်ဒ်ကဆီမဲအတၢးထီခၢၣ်သနၢၣ်တဖျၢၣ် အသိး, နမဲာ်ချံတဖၣ်လီၤဂာ်ဒ်နိၣ်တဖၣ်လၢကီၢ်ဃ့ၡဘိၣ် အဝ့ၢ်ပူၤ, အိၣ်ဘူးဒီးဝ့ၢ်ဖးဒိၣ်န့ၣ်အတြဲၤလီၤ. နနါစ့ၤလီၤအဲၣ်လီၤကွံဒ်လဘၤနိၣ်အတၢးထီခၢၣ်သနၢၣ် လၢအဆၢထၢၣ်ဒီသဒၢဝ့ၢ်ဒၤမ့းစ့းအသိးန့ၣ်လီၤ.

လံာ်ယၡါယၤ 15:4

ပှၤဂီၢ်မုၢ်လၢဝ့ၢ်ဃ့ၡဘိၣ်ဒီးဝ့ၢ်အ့လဧၤလ့ၤတဖၣ်ကိးပသူထီၣ်ဝဲ, ဒီးအဝဲသ့ၣ်အတၢ်ကိးထီၣ်ဟူတုၤလၢဝ့ၢ်ယါဟးလီၤ. သုးဖိတဖၣ်ဒၣ်လဲာ်ကနိးကစုာ်ဝဲဒီးအတၢ်သူၣ်ဒူသးဒူလၢာ်ကွံာ် ဝဲလီၤ.

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်ယံးရမံယၤ 48:34

ပှၤဂီၢ်မုၢ်လၢဝ့ၢ်ဃ့ၡဘိၣ်ဒီး ဝ့ၢ်အ့လဧၤလ့ၤကိးထီၣ်ဝဲဒီး အဝဲသ့ၣ် အတၢ်ကိးထီၣ်န့ၣ်ဘၣ်တၢ်နၢ်ဟူအီၤသ့ဝဲတုၤလၢ ဝ့ၢ်ယၤစ့ၢ်န့ၣ်လီၤ. တၢ်န့ၣ်ဘၣ်တၢ်နၢ်ဟူစ့ၢ်ကီးအီၤလၢ ပှၤဂီၢ်မုၢ်လၢဝ့ၢ်စိဧၢ်, ဒီးတၢ်န့ၣ်ဘၣ်တၢ်နၢ်ဟူအီၤယံၤဝဲ တုၤလၢ ဝ့ၢ်ဃိရနဲၣ်, ဒီးအဲကလးၡလ့ၡၤန့ၣ်လီၤ. ဝ့ၢ်နံးမရံအထံကျိတဖၣ်ဒၣ်လဲာ်လီၤသံးဝဲလီၤ.

လံာ်ယံးရမံယၤ 48:45

ပှၤဃ့ၢ်ပူၤဖျဲးအသးလၢအမၤစၢၤလီၤအသးတသ့တဖၣ် ကျဲးစၢးဃုထံၣ်န့ၢ်တၢ်အိၣ်ပှိၤမၤစၢၤလၢဝ့ၢ်ဃ့ၡဘိၣ်အပူၤ, ဝ့ၢ်တဝ့ၢ်လၢ တဘျီစီၤပၤစံဃိၣ်ပၢတ့ၢ်ဝဲအပူၤ, ဘၣ်ဆၣ် ဝ့ၢ်န့ၣ်မ့ၣ်အူကဲၤထီၣ်အီၣ်ကွံာ်အီၤလံ. မ့ၣ်အူအီၣ်ကွံာ်ကီၢ် မိၤအးအပှၤဂီၢ်မုၢ်လၢ အအဲၣ်ဒုးတၢ်တဖၣ် အထံဆၢကီၢ်ဆၢဒီး အကစၢၢ်ကလိအထီၣ်ထီတဖၣ်လံ.

လံာ်ယဃ့းစက့လး 16:46

နဝဲၢ်မုၣ်မ့ၢ်ၡၤမရံဒီးအဒူအသဝီတဖၣ်လၢကလံၤစိးတခီန့ၣ် လီၤ. နပုၢ်မုၣ်ဃုာ်ဒီးအဒူသဝီတဖၣ်မ့ၢ်ဝဲဝ့ၢ်စဒိၣ်လၢကလံၤထံး န့ၣ်လီၤ.

လံာ်ယဃ့းစက့လး 16:49

အဝဲဒီးအဖိမုၣ်တဖၣ်ပာ်ထီၣ်ထီအသးမ့ၢ်လၢအဝဲသ့ၣ်အိၣ်ဒီး တၢ်လၢကအီၣ်ဝဲအါအါဂီၢ်ဂီၢ်, ဒီးအိၣ်ဆိးဝဲလၢတၢ်ဃူတၢ်ဖိးဒီးတၢ်ဘှ့ၣ်တၢ်ဘှီၣ်အပူၤအဃိ, ဘၣ်ဆၣ်ဒီးအဝဲသ့ၣ်တကဟု ကယာ်ပှၤဖှီၣ်ဖိယာ်ဖိပှၤအစုတတုၤလီၤအခီၣ်တတုၤလီၤတဖၣ်န့ၣ်ဘၣ်.

လံာ်ယဃ့းစက့လး 16:53

ယွၤစံးဘၣ်ဝ့ၢ်ယရူၤၡလ့ၣ်, “ယကဒုးဘီၣ်ထီၣ်ညီထီၣ်က့ၤကဒီး ဝ့ၢ်စဒိၣ်ဒီးအဒူသဝီတဖၣ်, ဒီးဝ့ၢ်ၡၤမရံဒီးအဒူသဝီတဖၣ်လီၤ. မ့ၢ်လီၤ. ယကဒုးဘီၣ်ထီၣ်ညီထီၣ်နၤစ့ၢ်ကီးလီၤ.

လံာ်ဧၤမိၣ် 2:10

ယထုးထီၣ်သုလၢကီၢ်အဲၤကူပတူးအပူၤ, ဒီးဆှၢတ့ၢ်သုလၢပှၢ် မုၢ်ကနၢအနံၣ်လွံၢ်ဆံဒီးဟ့ၣ်လီၤတ့ၢ်သုလၢပှၤအမိၢ် ဖိအကီၢ်လၢကကဲထီၣ်သုကီၢ်န့ၣ်လီၤ.

လံာ်တၢ်ဂံၢ် 21:26

ဝ့ၢ်ဃ့ၡဘိၣ်မ့ၢ်ဝဲပှၤအမိၢ်ဖိအစီၤပၤစံဃိၣ်အဝ့ၢ်ခိၣ်, စီၤပၤစံဃိၣ်လၢအဒုးတ့ၢ်တၢ်ထီဒါကီၢ်မိၤအးအစီၤပၤလၢညါ ဒီးမၤန့ၢ်ကယဲၢ်အကီၢ်ခဲလၢာ်ယံၤတုၤဒၣ်လဲာ်လၢထံကျိအၢ်နိၣ်, န့ၣ်လီၤ.

လံာ်တၢ်ဂံၢ် 21:31

မၤသးဒ်န့ၣ်ဒီး, ကီၢ်အံၣ်စရ့လးအပှၤဂီၢ်မုၢ်သူၣ်လီၤဆီလီၤ အသးဖဲပှၤအမိၢ်အဖိအလီၢ်ကဝီၤပူၤ,

လံာ်တၢ်ဂံၢ် 32:3

“ဝ့ၢ်တဖၣ်လၢအမ့ၢ်, ဧးတၤရိး, ဒံၤဘိၣ်, ယၤစ့ၢ်, နံးမရၤ, ဃ့ၡဘိၣ်, အ့လဧၤလ့ၤ, စဘၣ်, နဘိ, ဒီးဘဧိၣ်,

လံာ်သိၣ်လီၤသီလီၤတၢ် 2:12

ပှၤဃိရံၤဖိတဖၣ်ညီနုၢ်အိၣ်ဆိးဝဲလၢကီၢ်အဒိၣ်အပူၤလီၤ. ဘၣ်ဆၣ်ဒီးစီၤဧ့ၡီၤအစၢၤအသွဲၣ်တဖၣ်နီၣ်ဟးထီၣ်ကွံာ်အဝဲသ့ၣ်, မၤဟးဂီၤကွံာ်အဝဲသ့ၣ်အပှၤကလုာ်ဒီးနုာ်လီၤအိၣ်ဆိးဒၣ်အတၢ် ဖဲန့ၣ်, ဒ်သိးဒၣ်ပှၤအံၣ်စရ့လးဖိတဖၣ်လၢ, လၢခံနီၣ်ထီၣ်ကွံာ်အ ဒုၣ်အဒါတဖၣ်လၢကီၢ်ပူၤလၢယွၤဟ့ၣ်တ့ၢ်အဝဲသ့ၣ်န့ၣ်လီၤ.)

လံာ်စီၤယိၤၡူ 24:8

အန့ၣ်ဝံၤဒီး, ယဒုးဟဲသုဆူပှၤအမိၢ်ဖိအကီၢ်, ပှၤလၢအအိၣ်လၢထံကျိယၢ်ဒ့ၣ်အမုၢ်ထီၣ်န့ၣ်လီၤ. အဝဲသ့ၣ်ဒုးတၢ်ဒီးသုဘၣ်ဆၣ်ယဟ့ၣ်သုတၢ်မၤနၢၤ အဝဲသ့ၣ်န့ၣ်လီၤ. သုမၤန့ၢ်အဝဲသ့ၣ်အကီၢ်ဒီးယမၤဟးဂီၤ အဝဲသ့ၣ်လၢသုမဲာ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 11:26

ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.