လံာ်တၢ်ဂံၢ် 21:24 - Sgaw Karen Common Bible

²⁴ ဘၣ်ဆၣ်ဒီးပှၤအံၣ်စရ့လးဖိတဖၣ်မၤသံကွံာ်ဒုၣ်ဒါအါဂၤလၢတၢ် ဒုးပူၤဒီးမၤန့ၢ်အဝဲသ့ၣ်အကီၢ်စးထီၣ်လၢထံကျိအၢ်နိၣ်ကလံၤစိးတခီတုၤဆူယၢ်ဘိး, ဒ်ပစံးတၢ်အသိးတုၤဆူပှၤအမိၢ်ဖိတဖၣ်အအိၣ်, မ့ၢ်လၢပှၤအမိၢ်ဖိတဖၣ်အကီၢ်ဆၢန့ၣ်ဘၣ်တၢ်ဒီဒၣ်ဃးအီၤခၢၣ် တနၢၣ်အဃိန့ၣ်လီၤ.

လံာ်တၢ်ဂံၢ် 21:24 Iomraidhean Croise

လံာ်တၢ်ကဲထီၣ်အခီၣ်ထံး 32:22

ဒီးတနၤဃီန့ၣ်, စီၤယၤကိာ်ဂဲၤထၢၣ်ဒီးကိးထီၣ်အမါခံဂၤ, သံၣ်မါခံဂၤဒီးအဖိတဆံတဂၤဒီးခီဂာ်ထံကျိယးဘိးန့ၣ် လီၤ.

လံာ်စီၤနဃ့မယၤ 9:22

နဒုးမၤနၢၤကွံာ်အဝဲသ့ၣ်လၢပှၤကလုာ်တဖၣ်ဒီးထံကီၢ်တဖၣ်, ကီၢ်လၢအအိၣ်ဝးတရံးအဝဲသ့ၣ်အကီၢ်န့ၣ်လီၤ. အဝဲသ့ၣ်မၤနၢၤကွံာ်ကီၢ်ဃ့ၡဘိၣ်လၢစီၤစံဃိၣ်ပၢဝဲ, ဒီးကီၢ်ဘၤၡၣ်လၢစီၤပၤဧိာ်ပၢဝဲဒၣ်န့ၣ်လီၤ.

စံးထီၣ်ပတြၢၤ 136:19

မၤသံပှၤအမိၢ်ဖိအစီၤပၤစံဃိၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်တၢ်ဂံၢ် 21:13

ဝံၤဒီးအဝဲသ့ၣ်သုးကဒီးအသးဒီးသူၣ်ထီၣ်အဒဲလၢထံကျိအၢ် နိၣ်အကလံၤစိးတခီလၢပှၢ်မုၢ်ကနၢအပူၤ, တၢ်လီၢ်လၢအလဲၢ်ဝဲတုၤဆူပှၤအမိၢ်ဖိတဖၣ်အကီၢ်ဆၢန့ၣ်လီၤ. (ထံကျိအၢ်နိၣ်န့ၣ်မ့ၢ်ပှၤမိၤအးဖိဒီးပှၤအမိၢ်ဖိတဖၣ်အကီၢ် အဆၢန့ၣ်လီၤ.)

လံာ်သိၣ်လီၤသီလီၤတၢ် 1:4

တၢ်အံၤမ့ၢ်ဖဲယွၤမၤနၢၤကွံာ်ပှၤဧၣ်မိၣ်ဖိတဖၣ်အစီၤပၤစံဃိၣ် လၢအပၢတၢ်လၢဝ့ၢ်ဃ့ၡဘိၣ်, ဒီးကီၢ်ဘၤၡၣ်အစီၤပၤစီၤဧိာ်လၢအပၢတၢ်လၢဝ့ၢ်ဧၤၡတြိးဒီး ဝ့ၢ်အ့ဒြၤတဖၣ်, အလီၢ်ခံန့ၣ်လီၤ.

လံာ်သိၣ်လီၤသီလီၤတၢ် 29:7

ဒီးဖဲပဟဲတုၤဃီၤဆူတၢ်လီၢ်အံၤန့ၣ်, ကီၢ်ဃ့ၡဘိၣ်အစီၤပၤစံ ဃိၣ်ဒီးကီၢ်ဘၤၡၣ်အစီၤပၤဧိာ်ဟဲထီၣ်ဒ်သိးကဒုးတၢ်ထီဒါပှၤ န့ၣ်လီၤ. ဘၣ်ဆၣ်ပမၤနၢၤကွံာ်အဝဲသ့ၣ်,

လံာ်သိၣ်လီၤသီလီၤတၢ် 3:16

ဒီးလၢရူၤဘ့ၣ်အဒူၣ်ဒီးကးအဒူၣ်အဂီၢ်န့ၣ်ယဟ့ၣ်လီၤတၢ်လီၢ် ကဝီၤစးထီၣ်လၢကီၢ်ကံးလဧးအဆၢတုၤလၢထံကျိအၢ်နိၣ်န့ၣ်လီၤ. ထံကျိအၢ်နိၣ်အခၢၣ်သးန့ၣ်မ့ၢ်ဝဲအကီၢ်ဆၢလၢကလံၤထံး, ဒီးအဝဲသ့ၣ်အကလံၤစိးအကီၢ်ဆၢန့ၣ်မ့ၢ်ဝဲထံကျိယးဘိး, လၢအမ့ၢ်ဝဲပှၤဧၣ်မိၣ်ဖိတဖၣ်အကီၢ်ဆၢတနီၤန့ၣ်လီၤ.

လံာ်သိၣ်လီၤသီလီၤတၢ် 31:4

ယွၤကမၤဟးဂီၤကွံာ်ပှၤဂီၢ်မုၢ်တဖၣ်န့ၣ်, ဒ်သိးဒၣ်အဝဲမၤနၢၤ ကွံာ်ပှၤဧၣ်မိၣ်ဖိအစီၤပၤတဖၣ်လၢအမ့ၢ်, စီၤစံဃိၣ်ဒီးစီၤဧိာ်တဖၣ်, ဒီးမၤဟးဂီၤကွံာ်အဝဲသ့ၣ်အထံအကီၢ်အသိးန့ၣ်လီၤ.

လံာ်သိၣ်လီၤသီလီၤတၢ် 4:46

တၢ်လီၢ်အံၤအိၣ်ဝဲလၢပှၤဧၣ်မိၣ်ဖိတဖၣ်အစီၤပၤစီၤစံဃိၣ်လၢ အပၢတၢ်လၢဝ့ၢ်ဃ့ၡဘိၣ်, အလီၢ်ကဝီၤပူၤန့ၣ်လီၤ. စီၤမိၤၡ့ဒီးကီၢ်အံၣ်စရ့လးအပှၤဂီၢ်မုၢ်မၤနၢၤကွံာ်အီၤဖဲ အဝဲသ့ၣ်ဟးထီၣ်ကွံာ်လၢကီၢ်အဲၤကူပတူးပူၤအခါန့ၣ်လီၤ.

လံာ်စီၤယိၤၡူ 13:12

ပၣ်ဃုာ်ဒီးစီၤပၤဧိာ်အဘီမုၢ်, ပှၤနီၢ်ဒိၣ်ဖိလၢအအိၣ်လီၤတဲာ်လၢအပၢတၢ်ဖဲဝ့ၢ်ဧၤၡတြိးဒီး အ့ဒြံၤန့ၣ်လီၤ. စီၤမိၤၡ့မၤနၢၤတ့ၢ်ပှၤတဖၣ်အံၤဒီးဟီထီၣ်ကွံာ်လံအဝဲသ့ၣ် န့ၣ်လီၤ.

လံာ်စီၤယိၤၡူ 24:8

အန့ၣ်ဝံၤဒီး, ယဒုးဟဲသုဆူပှၤအမိၢ်ဖိအကီၢ်, ပှၤလၢအအိၣ်လၢထံကျိယၢ်ဒ့ၣ်အမုၢ်ထီၣ်န့ၣ်လီၤ. အဝဲသ့ၣ်ဒုးတၢ်ဒီးသုဘၣ်ဆၣ်ယဟ့ၣ်သုတၢ်မၤနၢၤ အဝဲသ့ၣ်န့ၣ်လီၤ. သုမၤန့ၢ်အဝဲသ့ၣ်အကီၢ်ဒီးယမၤဟးဂီၤ အဝဲသ့ၣ်လၢသုမဲာ်ညါန့ၣ်လီၤ.

လံာ်စီၤယိၤၡူ 9:10

ဒီးတၢ်လၢအမၤဘၣ်ပှၤအမိၢ်ဖိအစီၤ ပၤခံဂၤလၢထံကျိယၢ်ဒ့ၣ်အမုၢ်ထီၣ်ဃ့ၡဘိၣ်အစီၤပၤစံ ဃိၣ်, ဒီးဘၤၡၣ်အစီၤပၤဧိာ်လၢအအိၣ်ဝဲလၢဧၤၡၤတြိးန့ၣ်လီၤ.

လံာ်ပှၤစံၣ်ညီၣ်ကွီၢ် 10:11

ဒီးယွၤစံးဆၢအဝဲသ့ၣ်ဒ်အံၤ, “ပှၤအဲၤကူပတူးဖိ, ပှၤအမိၢ်ဖိ, ပှၤဧၣ်မိၣ်ဖိ, ပှၤဖလ့ၡသးဖိ,

လံာ်ပှၤစံၣ်ညီၣ်ကွီၢ် 11:13

ဒီးဧၣ်မိၣ်အစီၤပၤစံးဆၢစီၤယံးဖသၤအကလူးတဖၣ်, “ဖဲပှၤအံၣ်စရ့လးဖိတဖၣ်ဟးထီၣ်လၢကီၢ်အဲၤကူပတူးန့ၣ်အဝဲ သ့ၣ်ဂုာ်န့ၢ်ယထံယကီၢ်စးထီၣ်လၢ ထံကျိအၢ်နိၣ်တုၤလၢထံကျိယးဘိးဒီးထံကျိယၢ်ဒ့ၣ်လီၤ. ခဲအံၤနကဘၣ်ဟ့ၣ်က့ၤမုာ်မုာ်န့ၣ်လီၤ.”

လံာ်ပှၤစံၣ်ညီၣ်ကွီၢ် 21:8

ဖဲအဝဲသ့ၣ်သံကွၢ်ဝဲလၢမ့ၢ်ပှၤတဖုဖုလၢအံၣ်စရ့လးအဒူၣ် အကျါအိၣ်ဝဲလၢအတလဲၤဘၣ်ဆူတၢ်ပာ်ဖှိၣ်အလီၢ်ဖဲမံးစပၤဧါန့ၣ် အဝဲသ့ၣ်ထံၣ်ဝဲလၢပှၤအိၣ်လၢယၤဘ့ၣ်ဘၣ်ဃးဒီးကံးလဧးအပူၤ န့ၣ်လဲၤတတုၤဖဲန့ၣ်နီတဂၤဘၣ်.