လံာ်တၢ်ဂံၢ် 21:20 - Sgaw Karen Common Bible

²⁰ ဒီးလၢဘၤမိးန့ၣ်ဆူကစၢၢ်ကဆူးအိၣ်လၢပှၤမိၤအးဖိတဖၣ်အလီၢ် ကဝီၤပူၤဖဲကစၢၢ်ပံးစကၤအခိၣ်ထိးဖီလာ်, လၢအကွၢ်လီၤတၢ်ဆူပှၢ်မုၢ်ကနၢအဖီခိၣ်န့ၣ်လီၤ.

လံာ်တၢ်ဂံၢ် 21:20 Iomraidhean Croise

လံာ်တၢ်ဂံၢ် 21:19

အဝဲသ့ၣ်သုးအလီၢ်လၢပှၢ်မုၢ်ကနၢဆူမံးတၤနၤ, ဒီးလၢတၢ်လီၢ်ဖဲန့ၣ်အဝဲသ့ၣ်လဲၤဆူညါဆူနၤဃလံၤအ့လး, ဒီးလၢနၤဃလံၤအ့လးန့ၣ်ဆူဘၤမိး,

လံာ်တၢ်ဂံၢ် 21:21

ဝံၤဒီးကီၢ်အံၣ်စရ့လးအပှၤဂီၢ်မုၢ်ဆှၢလီၤပှၤစိာ်တၢ်ကစီၣ် တဖၣ်ဆူပှၤအမိၢ်ဖိအစီၤပၤစံဃိၣ်အအိၣ်ဒ်သိးကစံးဘၣ်အီၤ,

လံာ်တၢ်ဂံၢ် 22:1

ပှၤအံၣ်စရ့လးဖိတဖၣ်သုးကဒီးအသးဆူညါဒီးသူၣ်ထီၣ်အဒဲ လၢထံကျိယၢ်ဒ့ၣ်အမုၢ်ထီၣ်တခီလၢကီၢ်မိၤအးအမုၢ်ထီၣ်တၢ်ပျီ ပူၤဖဲဝ့ၢ်ယရံၤဃိအမဲာ်ညါန့ၣ်လီၤ.

လံာ်တၢ်ဂံၢ် 23:14

အဝဲလဲၤကိးအီၤဆူစိဖံၣ်အပျီပူၤလၢအအိၣ်လၢကစၢၢ်ပံးစကၤ အဒီခိၣ်န့ၣ်လီၤ. ဖဲန့ၣ်အဝဲမၤထီၣ်စ့ၢ်ကီးတၢ်လုၢ်လီၢ်နွံခါဒီးလုၢ်ထီၣ်ဝဲ ကျီၢ်ဖါတဒုဒီးသိဖါတဒုစုာ်စုာ်လၢတၢ်လုၢ်လီၢ်တခါစုာ်စုာ်အဖီခိၣ်န့ၣ်လီၤ.

လံာ်တၢ်ဂံၢ် 23:28

မၤသးဒ်န့ၣ်ဒီး, အဝဲလဲၤကိးစီၤဘံးလၣ်ဆူကစၢၢ်ပဧိၢ်အဒီခိၣ် လၢအကွၢ်စိလီၤတၢ်ဆူမဲးမုၢ်ခိၣ်န့ၣ်လီၤ.

လံာ်တၢ်ဂံၢ် 26:63

ကယဲၢ်ဒူၣ်ထၢခဲလၢာ်အံၤဘၣ်တၢ်ကွဲးနီၣ်အီၤလၢစီၤမိၤၡ့ဒီး စီၤအလၤဧစၢ်ဖဲအဝဲသ့ၣ်ထၢဖှိၣ်ကွဲးနီၣ်ပှၤအံၣ်စရ့လးဖိတဖၣ် အနီၣ်ဂံၢ်လၢထံကျိယၢ်ဒ့ၣ်အဝၢ်ဘးခီ, ကီၢ်မိၤအးအပျီတဖၣ်အပူၤဖဲဝ့ၢ်ယရံၤဃိအမဲာ်ညါအခါန့ၣ် လီၤ.

လံာ်သိၣ်လီၤသီလီၤတၢ် 1:5

စီၤမိၤၡ့စးထီၣ်တဲနၢ်ပၢၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးတၢ်သိၣ်လိတဖၣ်, ဖဲတၢ်ဆၢကတီၢ်လၢပှၤဂီၢ်မုၢ်အိၣ်ဝဲလၢထံကျိယၢ်ဒ့ၣ်အမုၢ်ထီၣ် လၢကီၢ်မိၤအးအလီၢ်ကဝီၤပူၤအခါန့ၣ်လီၤ.

လံာ်သိၣ်လီၤသီလီၤတၢ် 3:27

လဲၤထီၣ်ဆူကစၢၢ်ပံးစကၤအခိၣ်ထိးဒီးကွၢ်ဃီၤတၢ်ဆူကလံၤစိး ဒီးဆူကလံၤထံး, ဆူမုၢ်ထီၣ်ဒီးဆူမုၢ်နုာ်န့ၣ်တက့ၢ်. ကွၢ်တၢ်လၢနထံၣ်ဘၣ်အီၤန့ၣ်လီၤတံၢ်လီၤဆဲးတက့ၢ်. အဂ့ၢ်ဒ်အံၤ, နတလဲၤခီဂာ်ဘၣ်ထံကျိယၢ်ဒ့ၣ်လ့ၤတက့ၤဘၣ်.

လံာ်သိၣ်လီၤသီလီၤတၢ် 34:1

စီၤမိၤၡ့လဲၤထီၣ်လၢကီၢ်မိၤအးအတၢ်ပၢၤခိၣ်ဆူကစၢၢ်နဘိ အလိၤလၢကစၢၢ်ပံးစကၤအဒီခိၣ်, လၢဝ့ၢ်ယရံၤဃိအမုၢ်ထီၣ်, ဒီးဖဲန့ၣ်ယွၤဒုးနဲၣ်ဃီၤအီၤလၢကီၢ်ဒီတဘ့ၣ်ညါန့ၣ်လီၤ. ကီၢ်ကံးလဧးအလီၢ်ကဝီၤလၢအလဲၤယံၤဝဲလၢကလံၤစိးတကပၤတုၤ ဆူဝ့ၢ်ဒၣ်,

လံာ်သိၣ်လီၤသီလီၤတၢ် 4:49

ကီၢ်န့ၣ်အိၣ်စ့ၢ်ကီးဒီးကယဲၢ်လီၢ်ကဝီၤလၢထံကျိယၢ်ဒ့ၣ် အမုၢ်ထီၣ်တခီ, ယံၤဝဲလၢကလံၤထံးတခီတုၤဆူပီၣ်လဲၣ်သံ, ဒီးလၢမုၢ်ထီၣ်တကပၤန့ၣ်တုၤဆူကစၢၢ်ပံးစကၤအခီၣ်ထံးန့ၣ်လီၤ.