လံာ်တၢ်ဂံၢ် 21:2 - Sgaw Karen Common Bible

² တုၤနုၤတစု, ပှၤအံၣ်စရ့လးဖိမၤတၢ်ဆိၣ်တမံၤဒီးယွၤစံးဝဲ, “နမ့ၢ်ပျဲပမၤနၢၤကွံာ်ပှၤတဖၣ်အံၤဒီးပကလုၢ်ထီၣ်အဝဲသ့ၣ် ဒီးအဝ့ၢ်တဖၣ်ဆူနအိၣ်လၢတၢ်သူၣ်အိၣ်သးအိၣ်အပူၤဒီးမၤဟးဂီၤ ကွံာ်အဝဲသ့ၣ်န့ၣ်လီၤ.”

လံာ်တၢ်ဂံၢ် 21:2 Iomraidhean Croise

လံာ်တၢ်ကဲထီၣ်အခီၣ်ထံး 28:20

ဒီးစီၤယၤကိာ်မၤတၢ်ဆိၣ်တမံၤဒီးယွၤစံးဝဲ, “နမ့ၢ်အိၣ်ဒီးယၤဒီးဒီဒၣ်အိၣ်ပှိၤယၤလၢယတၢ်လဲၤတၢ်က့ၤ အပူၤဒီးဟ့ၣ်ယၤတၢ်အီၣ်တၢ်အီဒီးတၢ်ကူတၢ်သိး,

စံးထီၣ်ပတြၢၤ 116:18

ယကဟ့ၣ်ယတၢ်အၢၣ်လီၤအီလီၤတဖၣ် ဆူယွၤလၢအပှၤဂီၢ်မုၢ်ခဲလၢာ်အမဲာ်ညါ,

စံးထီၣ်ပတြၢၤ 132:2

ယွၤဧၢ, သ့ၣ်နီၣ်ထီၣ်က့ၤတၢ်လၢအဝဲအၢၣ်လီၤတ့ၢ်ဝဲ, တၢ်ဆိၣ်လၢအမၤတ့ၢ်ဝဲဒီးနၤ, စီၤယၤကိာ်အကစၢ်ယွၤလၢအဂံၢ်ဆူၣ်ဘါဆူၣ်,

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

လံာ်သိၣ်လီၤသီလီၤတၢ် 13:15

အန့ၣ်တစုမၤသံကွံာ်ပှၤခဲလၢာ်လၢအအိၣ်လၢဝ့ၢ်ပူၤဒီးအဆၣ်ဖိ ကီၢ်ဖိခဲလၢာ်စ့ၢ်ကီးတက့ၢ်. မၤဟးဂီၤကွံာ်ဝ့ၢ်န့ၣ်လၢလၢပှဲၤပှဲၤတက့ၢ်.

လံာ်သိၣ်လီၤသီလီၤတၢ် 13:16

ဟဲစိာ်ဃီၤပှၤဂီၢ်မုၢ်လၢအအိၣ်ဖဲန့ၣ်တဖၣ်အတၢ်ဖိတၢ်လံၤခဲလၢာ် ဒီးပာ်ဖှိၣ်ထီၣ်အီၤဖဲဝ့ၢ်န့ၣ်အတၢ်လီၤပျီတက့ၢ်. ဒီးဆူးထီၣ်ကွံာ်ဝ့ၢ်န့ၣ်ဒီးတၢ်ခဲလၢာ်လၢအအိၣ်လၢအပူၤဒ်တၢ် လုၢ်တမံၤအသိးဆူယွၤသုကစၢ်ယွၤအအိၣ်တက့ၢ်. ဝ့ၢ်န့ၣ်ကဘၣ်တၢ်ပာ်တီၢ်အီၤလၢတၢ်ဟးဂီၤအပူၤလီၤထူလီၤယိာ် ဒီးတၢ်တဘှီထီၣ်က့ၤကဒီးအီၤနီတစုလၢၤဘၣ်န့ၣ်လီၤ.

လံာ်သိၣ်လီၤသီလီၤတၢ် 20:16

မ့မ့ၢ်, တုၤသုမၤန့ၢ်ဝ့ၢ်တဖၣ်လၢအအိၣ်ဝဲလၢထံကီၢ်လၢယွၤ, သုကစၢ်ယွၤကဟ့ၣ်လီၤသုအပူၤန့ၣ်, မၤသံကွံာ်ပှၤခဲလၢာ်တက့ၢ်.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်စီၤယိၤၡူ 6:17

ဝ့ၢ်ဒီးကယဲၢ်မ့ၢ်တၢ်လၢအအိၣ်လၢအပူၤခဲလၢာ်ကဘၣ်တၢ်မၤဟးဂီၤ ကွံာ်အီၤဒ်အမ့ၢ်တၢ်လုၢ်မၤဘူၣ်လၢယွၤအဂီၢ်န့ၣ်လီၤ. ထဲဒၣ်ပှၤဃဲသဲမုၣ်နီၢ်ရၤဃးဒီးပှၤလၢအအိၣ်ဒီးအီၤခဲ လၢာ်လၢအဟံၣ်ပူၤကမူဝဲ, မ့ၢ်လၢအဝဲပာ် ခူသူၣ်ပပှၤကွၢ်ဟုၣ်ကွၢ်စုးတၢ်တဖၣ်လၢပမၢလီၤအီၤအဃိန့ၣ် လီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်ပှၤစံၣ်ညီၣ်ကွီၢ် 11:30

ဒီးစီၤယံးဖသၤအၢၣ်လီၤယွၤ, “နမ့ၢ်ဒုးမၤနၢၤယၤလၢပှၤဧၣ် မိၣ်ဖိတဖၣ်န့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”