လံာ်တၢ်ဂံၢ် 21:17 - Sgaw Karen Common Bible

¹⁷ အကတီၢ်ဖဲန့ၣ်ကီၢ်အံၣ်စရ့လးအပှၤဂီၢ်မုၢ်သးဝံၣ်တၢ်သးဝံၣ်အံၤ လီၤ. “ထံပူၤတဖၣ်ဧၢ, ဟ့ၣ်ထီၣ်သုထံဒီးပကသဂၢၢ်အီၤလၢတၢ်သးဝံၣ် တယုၢ်,

လံာ်တၢ်ဂံၢ် 21:17 Iomraidhean Croise

စံးထီၣ်ပတြၢၤ 105:2

သးဝံၣ်ထီၣ်အီၤ, သးဝံၣ်စံးထီၣ်ပတြၢၤအီၤတက့ၢ်. တဲဖျါထီၣ်ကယဲၢ်အတၢ်မၤလီၤလး ခဲလၢာ်န့ၣ်တက့ၢ်.

စံးထီၣ်ပတြၢၤ 106:12

တုၤနုၤတစု, အပှၤဂီၢ်မုၢ်နာ်က့ၤ အတၢ်အၢၣ်လီၤအီလီၤတဖၣ် ဒီးသးဝံၣ်စံးထီၣ်ပတြၢၤအီၤလီၤ.

လံာ်ယၡါယၤ 12:5

သးဝံၣ်ထီၣ်ယွၤလၢအမၤတ့ၢ်တၢ်အဒိၣ်တဖၣ်အဃိန့ၣ်တက့ၢ်. ပျဲဟီၣ်ခိၣ်ဒီဘ့ၣ်နၢ်ဟူတၢ်ကစီၣ်တက့ၢ်.

လံာ်တၢ်ဂံၢ် 21:18

ထံပူၤလၢဘၣ်တၢ်ခူၣ်အီၤလၢပဒိၣ်တဖၣ်ဒီးပှၤဂီၢ်မုၢ်အခိၣ်အနၢ် တဖၣ်, တၢ်ခူၣ်အီၤလၢစီၤလိၣ်စီၤပၤအနီၣ်ထိးဒီးလၢအဝဲသ့ၣ်အနီၣ် ထိးဘိတဖၣ်လီၤ.”

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.

လံာ်ပှၤစံၣ်ညီၣ်ကွီၢ် 5:1

ဒီးလၢမုၢ်တနံၤန့ၣ်နီၢ်ဒဘိရၤဒီးစီၤအဘံနိၣ်အဖိခွါစီၤဘါရး သးဝံၣ်တၢ်သးဝံၣ်အံၤန့ၣ်လီၤ.