လံာ်တၢ်ဂံၢ် 20:28 - Sgaw Karen Common Bible

²⁸ ဒီးစီၤမိၤၡ့ဘ့ၣ်လီၤကွံာ်ပှၤလုၢ်တၢ်အခိၣ်, အကူအသိးတဖၣ်လၢစီၤအၤဟရိၣ်အလိၤဒီးပာ်ထီၣ်အီၤလၢ စီၤအလၤဧစၢ်အလိၤန့ၣ်လီၤ. ဖဲန့ၣ်လၢကစၢၢ်ဃိၢ်အဒီခိၣ်န့ၣ်စီၤအၤဟရိၣ်သံဝဲဒီးစီၤမိၤၡ့ဒီး စီၤအလၤဧစၢ်ဟဲက့ၤလီၤဝဲလီၤ.

လံာ်တၢ်ဂံၢ် 20:28 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 22:17

စီၤဒၤဝံးဟ့ၣ်လီၤတ့ၢ်အကလုၢ်ဆူအံၣ်စရ့လးအပှၤခိၣ်ပှၤနၢ်တဖၣ် ဒ်သိးကမၤစၢၤစီၤၡလိၤမိၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 29:28

တၢ်န့ၣ်မ့ၢ်ယတၢ်ပာ်လီၤသးလၢအတဆီတလဲအသးဘၣ်, လၢဖဲယပှၤဂီၢ်မုၢ်မၤအတၢ်လုၢ်မၤဃူမၤဖိးတဖၣ်န့ၣ်ဆၣ်ဖိကီၢ် ဖိအသးနါပှၢ်ဒီးအကံၣ်ဒုၣ်တဖၣ်အံၤဘၣ်ဃးဒီးပှၤလုၢ်တၢ်အခိၣ်တဖၣ်န့ၣ်လီၤ. အအံၤမ့ၢ်ပှၤဂီၢ်မုၢ်အတၢ်ဟ့ၣ်ဆူယၤ, ယွၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 6:23

ဒီးစီၤအၤဟရိၣ်ဟံးန့ၢ်အမါလၢစီၤအမံၤနဒးအဖိမုၣ်ဒီးစီၤ နးၡိၣ်အဒီပုၢ်ဝဲၢ်မုၣ်နီၢ်အ့းလံၤစါဘ့းလီၤ. ဒီးအဝဲဒၣ်ဆံးစၢ်န့ၢ်အီၤလၢစီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်လီၤ.

လံာ်တၢ်ဂံၢ် 20:1

လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်တၢ်ဂံၢ် 20:26

ဒီးဖဲန့ၣ်ဘ့ၣ်လီၤကွံာ်စီၤအၤဟရိၣ်အပှၤလုၢ်တၢ်အခိၣ်အကူ အသိးတဖၣ်ဒီးပာ်ထီၣ်အီၤလၢစီၤအလၤဧစၢ်အလိၤတက့ၢ်. စီၤအၤဟရိၣ်န့ၣ်ကသံဝဲဖဲန့ၣ်လီၤ.”

လံာ်တၢ်ဂံၢ် 20:27

စီၤမိၤၡ့မၤကယဲၢ်တၢ်လၢယွၤမၤလိာ်တ့ၢ်ဝဲတဖၣ်န့ၣ်လီၤ. အဝဲသ့ၣ်လဲၤထီၣ်ဆူကစၢၢ်ဃိၢ်အလိၤလၢပှၤဂီၢ်မုၢ်ဒီဒူၣ်ဒီထၢ အမဲာ်ညါ

လံာ်တၢ်ဂံၢ် 27:13

တုၤနထံၣ်ဘၣ်အီၤဝံၤလံဒီး, နကသံနဲ, ဒ်နဒီပုၢ်ဝဲၢ်စီၤအၤ ဟရိၣ်အသိး,

လံာ်သိၣ်လီၤသီလီၤတၢ် 10:6

(ပှၤအံၣ်စရ့လးဖိတဖၣ်ဟးထီၣ်လၢတၢ်လီၢ်ဖဲထံပူၤတဖၣ်လၢအဘၣ် ဃးဒီးပှၤဝ့ၢ်ယၤကၣ်ဖိအိၣ်ဝဲဒီးလဲၤဝဲဆူဝ့ၢ်မိၤစ့ရၤန့ၣ် လီၤ. ဖဲန့ၣ်စီၤအၤဟရိၣ်သံဝဲဒီးဘၣ်တၢ်ခူၣ်လီၤကွံာ်အီၤဒီးအဝဲ အဖိခွါစီၤအလၤဧါစၢ်ကဲထီၣ်ပှၤလုၢ်တၢ်အခိၣ်လၢအဝဲအလီၢ်န့ၣ် လီၤ.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

လံာ်စီၤယိၤၡူ 24:33

စီၤအၤဟရိၣ်အဖိခွါစီၤအလၤဧစၢ်သံဝဲဒီးဘၣ်တၢ်ခူၣ်လီၤအီၤဖဲ ဝ့ၢ်ကံဘဧၤလၢအအိၣ်လၢအ့ဖရဲၣ်အကစၢၢ်အလိၤလၢအဘၣ် တၢ်ဟ့ၣ်လီၤတ့ၢ်ဝဲလၢအဖိခွါစီၤဖံၤနဃၣ်အအိၣ်န့ၣ်လီၤ.

၂ ပ့းတရူး 1:15

လၢတၢ်န့ၣ်အဃိ, ယကဂုာ်ကျဲးစၢးအဂ့ၤကတၢၢ်ဒ်သိးသု ကသ့ၣ်နီၣ်ထီၣ်တၢ်သ့ၣ်တဖၣ်အံၤကိးဆၢကတီၢ်ဒဲးဖဲ ယသံဝံၤအလီၢ်ခံန့ၣ်လီၤ.