လံာ်တၢ်ဂံၢ် 20:20 - Sgaw Karen Common Bible

²⁰ ပှၤကီၢ်အဒိၣ်ဖိတဖၣ်စံးကဒီးဝဲ, “ပဂ့ၢ်လိာ်ပဝဲလီၤ.” ဒီးအဝဲသ့ၣ်ဟဲထီၣ်ဃုာ်ဒီးသုးမုၢ်အဂံၢ်ဆူၣ်ဘါဆူၣ်တဖုလၢ အကဒုးထီဒါကီၢ်အံၣ်စရ့လးအပှၤဂီၢ်မုၢ်န့ၣ်လီၤ.

လံာ်တၢ်ဂံၢ် 20:20 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 32:6

ဖဲပှၤစိာ်တၢ်ကစီၣ်တဖၣ်ဟဲက့ၤတုၤဆူစီၤယၤကိာ်အအိၣ်န့ၣ်, အဝဲသ့ၣ်စံး, “ပလဲၤဆူနဝဲၢ်စီၤဧ့ၡီၤအအိၣ်, ဒီးအဝဲဟဲ ထီၣ်လံဝဲဒ်သိးအကဟဲသဂၢၢ်နၤလီၤ. အဝဲအိၣ်ဒီးအပှၤအဂၤလွံၢ်ကယၤလီၤ.”

စံးထီၣ်ပတြၢၤ 120:7

ဖဲယကတိၤတၢ်ဃူတၢ်ဖိးအဂ့ၢ်န့ၣ် အဝဲသ့ၣ်တဖၣ် အဲၣ်ဒိးတၢ်ဒုးတၢ်ယၤလီၤ.

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်တၢ်ဂံၢ် 20:18

ဘၣ်ဆၣ်ဒီး, ပှၤကီၢ်အဒိၣ်ဖိတဖၣ်စံးဆၢဝဲ, “ပဂ့ၢ်လိာ်ပျဲသုလၢသုကလဲၤတၢ်ခီဖျိပထံပကီၢ်န့ၣ်လီၤ. သုမ့ၢ်ကျဲးစၢးဒီးပကလဲၤထီၣ်ဒီးဒုးတၢ်ထီဒါသုန့ၣ်လီၤ.”

လံာ်တၢ်ဂံၢ် 20:21

မ့ၢ်လၢပှၤကီၢ်အဒိၣ်ဖိတဖၣ်တပျဲပှၤအံၣ်စရ့လးဖိတဖၣ်လဲၤတၢ် ခီဖျိအဝဲသ့ၣ်အလီၢ်ကဝီၤဘၣ်အဃိဒီး, ပှၤအံၣ်စရ့လးဖိတဖၣ်ဃၣ်ကွံာ်အသးဒီးလဲၤတၢ်လၢကျဲအဂၤ တဘိန့ၣ်လီၤ.

လံာ်ပှၤစံၣ်ညီၣ်ကွီၢ် 11:17

တုၤနုၤတစု, အဝဲသ့ၣ်ဆှၢလီၤကလူးတဖၣ်ဆူကီၢ်အဒိၣ်အစီၤပၤ အအိၣ်ဒ်သိးကဃ့တၢ်ပျဲလၢကလဲၤခီဂာ်ဘၣ် အထံအကီၢ်န့ၣ်လီၤ. ဘၣ်ဆၣ်ဒီးကီၢ်အဒိၣ်အစီၤပၤတပျဲအဝဲသ့ၣ်ဘၣ်. အဝဲသ့ၣ်ဃ့စ့ၢ်ကီးတၢ်ပျဲလၢကီၢ်မိၤအးအစီၤပၤန့ၣ်လီၤ. အဝဲစ့ၢ်ကီးတဟ့ၣ်တၢ်ပျဲလၢအဝဲသ့ၣ်ကလဲၤခီဂာ်အထံအကီၢ်ဘၣ်. မၤသးဒ်န့ၣ်ဒီးပှၤအံၣ်စရ့လးဖိတဖၣ်အိၣ်ကတီၢ်ဖဲကၤဒ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:20

ဘၣ်ဆၣ်ဒီးစီၤပၤစံဃိၣ်တပျဲပှၤအံၣ်စရ့လးဖိတဖၣ်မၤဒ်န့ၣ်ဘၣ်. အဝဲပာ်ဖှိၣ်အသုးမုၢ်ဒီဖုဒီးသူၣ်အဒဲဖဲဝ့ၢ်ယါစၤဒီးဒုး ပှၤအံၣ်စရ့လးဖိတဖၣ်န့ၣ်လီၤ.