လံာ်တၢ်ဂံၢ် 20:16 - Sgaw Karen Common Bible

¹⁶ ဒီးပကိးထီၣ်တ့ၢ်ဆူယွၤအအိၣ်လၢတၢ်မၤစၢၤအဂီၢ်လီၤ. အဝဲနၢ်ဟူဘၣ်ပတၢ်ကိးထီၣ်, ဒီးဆှၢလီၤတ့ၢ်ကလူးတဂၤပှၤလၢ အထုးထီၣ်ကွံာ်ပှၤလၢကီၢ်အဲၤကူပတူးအပူၤန့ၣ်လီၤ. ခဲအံၤပအိၣ်လၢကၤဒ့ၣ်, ဝ့ၢ်တဝ့ၢ်လၢအအိၣ်ဖဲနကီၢ်အဆၢန့ၣ် လီၤ.

လံာ်တၢ်ဂံၢ် 20:16 Iomraidhean Croise

လံာ်တၢ်ဟးထီၣ်ကွံာ် 14:10

ဖဲပှၤအံၣ်စရ့လးဖိတဖၣ်ထံၣ်ဘၣ်စီၤပၤဒီးအသုးမုၢ်ဟဲဘူး ထီၣ်ဒ်သိးကထီဒါအီၤန့ၣ်, အဝဲသ့ၣ်ပျံၤတၢ်နးနးကလဲာ်ဒီး ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 14:19

ဒီးကစၢ်ယွၤအကလူးလၢအအိၣ်တ့ၢ်လံလၢကီၢ်အံၣ်စရ့လးအသုးမုၢ် မဲာ်ညါန့ၣ်သုးအသးဒီးလဲၤဆူအဝဲသ့ၣ်အလီၢ်ခံတကပၤန့ၣ်လီၤ. တၢ်အၢၣ်အထူၣ်စ့ၢ်ကီးသုးအသးတုၤလၢပှၤအဲၤကူပတူးဖိတဖၣ်ဒီးပှၤအံၣ်စရ့လးဖိတဖၣ် အဘၢၣ်စၢၤန့ၣ်လီၤ.

လံာ်တၢ်ဟးထီၣ်ကွံာ် 23:20

ယကဆှၢလီၤကလူးတဂၤလၢကလဲၤတၢ်လၢသုမဲာ်ညါလၢယကကဟု ကယာ်သုဒီးဆှၢသုဆူတၢ်အလီၢ်တပူၤလၢယကတဲာ်ကတီၤတ့ၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 33:2

ယကဆှၢလီၤကလူးတဂၤလၢကပၢဆှၢသု, ဒီးယကနီၣ်ထီၣ်ကွံာ်ပှၤကနၤဧၣ်ဖိတဖၣ်, ပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်, ဒီးပှၤယဘူၣ်ဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 6:5

ဒီးခဲကနံၣ်အံၤယနၢ်ဟူပှၤအံၣ်စရ့လးဖိတဖၣ်အတၢ်ကအုကစွါ, ပှၤလၢပှၤအဲၤကူပတူးဖိမၢကဲကုၢ်အီၤ, ဒီးယသ့ၣ်နီၣ်ထီၣ်က့ၤ လံယတၢ်အၢၣ်လီၤအီလီၤန့ၣ်လံ.

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်တၢ်ဂံၢ် 20:15

ပမိၢ်ပၢ်ဖံဖုလၢပျၢၤတဖၣ်လဲၤနုာ်ဆူကီၢ်အဲၤကူပတူးဒ်လဲၣ်, တၢ်လီၢ်ဖဲပအိၣ်ဆိးတ့ၢ်လၢအါနံၣ်အါလါအတီၢ်ပူၤန့ၣ်လီၤ. ပှၤအဲၤကူပတူးဖိတဖၣ်မၤအၢမၤနးတ့ၢ်ပမိၢ်ပၢ်ဖံဖုတဖၣ်, ဒီးပဝဲဒၣ်

လံာ်တၢ်ဂံၢ် 21:22

“ပျဲပလဲၤခီဂာ်တၢ်လၢနကီၢ်ပူၤတက့ၢ်. ပဝဲဒီးပဂီၤဘုၣ်ဂီၤဖံးတဟးကွံာ်ဘၣ်လၢကျဲဘိအလိၤဒီးလဲၤ လီၤဆူသုပျီတဖၣ်အပူၤမ့ၢ်ဂ့ၤစပံးလီၢ်တဖၣ်မ့ၢ်ဂ့ၤဘၣ်. ဒီးပတအီဘၣ်စ့ၢ်ကီးထံလၢသုထံပူၤတဖၣ်န့ၣ်ဘၣ်. ပကအိၣ်ဒၣ်လၢကျဲမုၢ်ဒိၣ်အဖီခိၣ်တုၤပဟးထီၣ်လၢသုလီၢ်ကဝီၤ တစုန့ၣ်လီၤ.”

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်သိၣ်လီၤသီလီၤတၢ် 4:37

မ့ၢ်လၢအအဲၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဃိ, အဝဲဃုထၢသုဒီးခီဖျိလၢအဝဲအစိကမီၤဖးဒိၣ်န့ၣ်အဝဲအနီၢ် ကစၢ်ဒၣ်ဝဲထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်စီၤယိၤၡူ 15:1

ယူဒၤအဒူၣ်, အဒူၣ်ဖိထၢဖိတဖၣ်ဒိးန့ၢ်ဘၣ်တၢ်လီၢ်တနီၤဒ် တၢ်ပာ်ဖျါလၢလာ်အံၤအသိးန့ၣ်လီၤ. အဝဲသ့ၣ်အကီၢ်လဲၤတုၤလၢကလံၤ ထံးလၢပှၢ်မုၢ်ကနၢစံၣ်အကလံၤထံးကတၢၢ်တတီၤဖဲကီၢ်အဒိၣ်အကီၢ် ဆၢန့ၣ်လီၤ.