လံာ်တၢ်ဂံၢ် 20:15 - Sgaw Karen Common Bible

¹⁵ ပမိၢ်ပၢ်ဖံဖုလၢပျၢၤတဖၣ်လဲၤနုာ်ဆူကီၢ်အဲၤကူပတူးဒ်လဲၣ်, တၢ်လီၢ်ဖဲပအိၣ်ဆိးတ့ၢ်လၢအါနံၣ်အါလါအတီၢ်ပူၤန့ၣ်လီၤ. ပှၤအဲၤကူပတူးဖိတဖၣ်မၤအၢမၤနးတ့ၢ်ပမိၢ်ပၢ်ဖံဖုတဖၣ်, ဒီးပဝဲဒၣ်

လံာ်တၢ်ဂံၢ် 20:15 Iomraidhean Croise

လံာ်တၢ်ကဲထီၣ်အခီၣ်ထံး 15:13

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:6

အဝဲသ့ၣ်လဲၤစိာ်အဆၣ်ဖိကီၢ်ဖိအဒၢတဖၣ်ဒီးအတၢ်ဖိတၢ်လံၤလၢ အဒိးန့ၢ်ဝဲလၢကီၢ်ကနၤဧၣ်အပူၤတဖၣ်ဒီးလဲၤဆူကီၢ်အဲၤကူ ပတူးန့ၣ်လီၤ. စီၤယၤကိာ်လဲၤကိးဃုာ်အစၢၤအသွဲၣ်ခဲလၢာ်ဒီးအီၤ,

လံာ်တၢ်ကဲထီၣ်အခီၣ်ထံး 46:7

လၢအမ့ၢ်ဝဲ, အဖိခွါတဖၣ်, အလံၤတဖၣ်, အဖိမုၣ်တဖၣ်ဒီးအလံၤ မုၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:18

တနွံပူၤကွံာ်အလီၢ်ခံဖိသၣ်န့ၣ်သံဝဲလီၤ. ဒီးစီၤဒၤဝံးအပဒိၣ်ပပှၢ်တဖၣ်ပျံၤတၢ်လၢကတဲအီၤတၢ်ကစီၣ်အဂီၢ်န့ၣ်လီၤ. အဝဲသ့ၣ်စံးဒၣ်, “ဖဲဖိသၣ်မူဒံးအခါန့ၣ်, ပကတိၤတၢ်ဒီးအီၤဘၣ်ဆၣ် စီၤဒၤဝံးတစံးဆၢပှၤဘၣ်. အဖိသံလံန့ၣ်, မ့ၢ်ပတဲဘၣ်အီၤကသ့ဒ်လဲၣ်. အဝဲကမၤဆါလီၤဘၣ်ဖုးအသးတမံၤမံၤလီၤ.”

လံာ်တၢ်ဟးထီၣ်ကွံာ် 1:16

“ဖဲသုမၤစၢၤပှၤဧ့ၤဘြံၤမုၣ်တဖၣ်ဆံးစၢ်အဖိန့ၣ်မ့ၢ်အိၣ် ဖျဲၣ်ထီၣ်အပိာ်ခွါဖိဒီးမၤသံကွံာ်အီၤတက့ၢ်. မ့မ့ၢ်အပိာ်မုၣ်ဖိဒီးပျဲအမူတက့ၢ်,” န့ၣ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်တၢ်ဟးထီၣ်ကွံာ် 12:40

ပှၤအံၣ်စရ့လးဖိတဖၣ်အိၣ်ဆိးတ့ၢ်ဝဲဒၣ်လၢကီၢ်အဲၤကူပတူး အနံၣ်လွံၢ်ကယၤသၢဆံန့ၣ်လီၤ.

လံာ်တၢ်ဟးထီၣ်ကွံာ် 5:14

ပှၤအဲၤကူပတူးဖိလၢအမၢကုၢ်တၢ်သ့ၣ်တဖၣ်တီၢ်ဝဲပှၤအံၣ်စရ့လး ဖိလၢအကွၢ်ထွဲတၢ်ဖံးတၢ်မၤတဖၣ်ဒီးစံးဝဲ, “ဘၣ်မနုၤလၢသုတမၤတၢးခီအနီၣ်ဂံၢ်ပှဲၤသိးဒီးနီၣ်ဂံၢ်လၢ ညါအသိးန့ၣ်လဲၣ်.”

လံာ်တၢ်ဂံၢ် 11:5

လၢကီၢ်အဲၤကူပတူးအပူၤန့ၣ်ပအီၣ်ဘၣ်ညီနုၢ်ကယဲၢ်ညၣ်လၢပသး အိၣ်အီၣ်အီၤ, ဒီးအပှ့ၤအကလံၤတအိၣ်ဘၣ်. သ့ၣ်နီၣ်ထီၣ်ဒံသၣ်တဖၣ်, တဲာ်တီသၣ်တဖၣ်, ပကျၢတဖၣ်, ပသၢသၣ်ဂီၤတဖၣ်, ဒီးပသၢသၣ်ဝါတဖၣ်လၢအအိၣ်ဒီးပှၤတက့ၢ်.

လံာ်တၢ်ဂံၢ် 16:13

နထုးထီၣ်ကွံာ်ပှၤလၢကီၢ်အဲၤကူပတူးလၢအပှဲၤဒီးဟီၣ်ခိၣ်ညၣ် ထ့ၣ်တဘ့ၣ်အပူၤဒ်သိးနကမၤသံကွံာ်ပှၤဖဲအံၤလၢပှၢ်မုၢ်ကနၢ အပူၤန့ၣ်တဘၣ်ဒံးဘၣ်ဧါ. မ့ၢ်နအဲၣ်ဒိးလိာ်ကစၢ်နသးလၢပဖီခိၣ်ဒံးဧါ.

လံာ်တၢ်ဂံၢ် 20:14

စီၤမိၤၡ့ဆှၢလီၤပှၤစိာ်တၢ်ကစီၣ်တဖၣ်လၢကၤဒ့ၣ်ဆူကီၢ်အဒိၣ် အစီၤပၤအအိၣ်လီၤ. အဝဲသ့ၣ်စံးဝဲ, “တၢ်ကစီၣ်အံၤဟဲလၢနဘူးနတံၢ်ပှၤအံၣ်စရ့လးဖိတဖၣ်အဒူၣ်တဖၣ် အအိၣ်န့ၣ်လီၤ. နသ့ၣ်ညါတၢ်ကီတၢ်ခဲတဖၣ်လၢပတူၢ်ဘၣ်တ့ၢ်အီၤ,

လံာ်တၢ်ဂံၢ် 20:16

ဒီးပကိးထီၣ်တ့ၢ်ဆူယွၤအအိၣ်လၢတၢ်မၤစၢၤအဂီၢ်လီၤ. အဝဲနၢ်ဟူဘၣ်ပတၢ်ကိးထီၣ်, ဒီးဆှၢလီၤတ့ၢ်ကလူးတဂၤပှၤလၢ အထုးထီၣ်ကွံာ်ပှၤလၢကီၢ်အဲၤကူပတူးအပူၤန့ၣ်လီၤ. ခဲအံၤပအိၣ်လၢကၤဒ့ၣ်, ဝ့ၢ်တဝ့ၢ်လၢအအိၣ်ဖဲနကီၢ်အဆၢန့ၣ် လီၤ.

မၤတၢ် 7:15

အန့ၣ်တစု, စီၤယၤကိာ်ဒီးအဒူၣ်ဖိထၢဖိခဲလၢာ်လဲၤလီၤဝဲဆူကီၢ် အဲၤကူပတူး, ဒီးအဝဲဒၣ်ဒီးပပၢ်ဖးဒိၣ်တဖၣ်သံဝဲဒၣ်ဖဲကီၢ်န့ၣ်အပူၤလီၤ.

မၤတၢ် 7:19

အဝဲဒၣ်အသးတဘျၢလၢပပှၤကလုာ်အဖီခိၣ်ဘၣ်ဒီး, မၤအၢမၤနးဝဲဒီးမၢဆူၣ်ပမိၢ်ပၢ်ဖံဖုလၢပျၢၤတဖၣ်လၢ အကပာ်အဖိအိၣ်ဖျဲၣ်ထီၣ်သီတဖၣ်လၢဟံၣ်အချၢဒ်သိး အကသံကွံာ်ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 26:6

ပှၤအဲၤကူပတူးဖိတဖၣ်မၤအၢမၤသီပှၤဒီးမၤဆူၣ်ပှၤလၢပကမၤ တၢ်ဒ်ကုၢ်တဖၣ်အသိးန့ၣ်လီၤ.