လံာ်တၢ်ဂံၢ် 20:1 - Sgaw Karen Common Bible

¹ လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်တၢ်ဂံၢ် 20:1 Iomraidhean Croise

လံာ်တၢ်ကဲထီၣ်အခီၣ်ထံး 14:7

ဒီးဟဲက့ၤကဒါက့ၤဝဲ, ဒီးဟဲက့ၤဆူဝ့ၢ်ကၤဒ့ၢ် (လၢအကတီၢ်ဖဲ န့ၣ်ဘၣ်တၢ်သ့ၣ်ညါအီၤဒ်ဝ့ၢ်ဧ့ၣ်မံးၡပး) န့ၣ်လီၤ. အဝဲသ့ၣ်မၤနၢၤပှၤဧမၤလ့းဖိအကီၢ်ဒီဘ့ၣ်ညါဒီးပှၤ အမိၢ်ဖိလၢအအိၣ်အဆိးလၢဝ့ၢ်ဃၤစစိၣ်တါမၢ်အပူၤန့ၣ်လီၤ.

စံးထီၣ်ပတြၢၤ 29:8

ယွၤအကလုၢ်မၤဟူးဝးပှၢ်မုၢ်ကနၢ, ယွၤမၤဟူးဝးကၤဒ့ၣ်အပှၢ်မုၢ်ကနၢန့ၣ်လီၤ.

လံာ်တၢ်ဟးထီၣ်ကွံာ် 15:20

ဝံမုၣ်နီၢ်မံးရယၣ်လၢအမ့ၢ်စီၤအၤဟရိၣ်အဒီပုၢ်ဝဲၢ်မုၣ်ဟံး ထီၣ်အဒၢတြုၤလၢအစုပူၤဒီးကယဲၢ်ပိာ်မုၣ်ခဲလၢာ်, ပိာ်ထီၣ်အခံအိၣ်ဒီးဒၢတြုၤတဖၣ်ဒီးဂဲၤကလံာ်ဝဲလီၤ.

လံာ်တၢ်ဟးထီၣ်ကွံာ် 2:4

ဒီးဖိသၣ်အံၤအဝဲၢ်ပိာ်မုၣ်ဆၢထၢၣ်တယံၤတဘူးဒီးအီၤဒ်သိး ကထံၣ်ဘၣ်ဝဲတၢ်ကမၤအသးဒီးအီၤဒ်လဲၣ်ဒ်လဲၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 2:7

တုၤနုၤတစုဖိသၣ်အံၤအဝဲၢ်မုၣ်သံကွၢ်စီၤပၤဖိမုၣ်, “မ့ၢ်ယဘၣ်လဲၤကိးန့ၢ်နၤပှၤဧ့ၤဘြံၤမုၣ်တဂၤလၢ က ဒုးအီၣ်နုၢ်န့ၢ်နၤဖိသၣ်တဂၤအံၤလၢနဂီၢ်န့ၣ်ဧါ.”

လံာ်ယဃ့းစက့လး 47:19

ကလံၤထံးအကီၢ်ဆၢန့ၣ်လဲၤဝဲဆူကလံၤထံးမုၢ်နုာ်တကပၤစးထီၣ် လၢဝ့ၢ်တၤမၣ်ပၢၢ်တုၤဆူကၤဒ့ၣ်မရံဘါအမဲးမုၢ်ခိၣ်ထံအိၣ်အလီၢ် ဒီးလဲၤကဒီးဆူကလံၤစိးမုၢ်နုာ်လၢကီၢ်အဲၤကူပတူးအကီၢ်ဆၢ တကျိၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

လံာ်တၢ်ဂံၢ် 12:1

စီၤမိၤၡ့ထီၣ်ပှၢ်ဝဲဒီးပှၤကူၤၡးမုၣ်တဂၤ, ဒီးနီၢ်မံးရယၣ်ဒီးစီၤအၤဟရိၣ်ကတိၤထီဒါအီၤလၢတၢ်န့ၣ်အဃိ န့ၣ်လီၤ.

လံာ်တၢ်ဂံၢ် 12:10

ဒီးတၢ်အၢၣ်ဟးထီၣ်ကွံာ်လၢဒဲစီဆှံအအိၣ်န့ၣ်နီၢ်မံးရယၣ်အဖံးဘ့ၣ်, ဘၣ်တၢ်ကးဘၢအီၤသတူၢ်ကလာ်ဒီးတၢ်ဆါအၢတမံၤဒီးလီၤဝါဝဲဒ်မူ ခိၣ်ဖီအသိးန့ၣ်လီၤ. ဖဲစီၤအၤဟရိၣ်ကွၢ်ဃီၤအီၤဒီးထံၣ်ဘၣ်ဝဲလၢအဝဲဘၣ်တၢ်ဆါအၢ ဒီဂၤညါန့ၣ်,

လံာ်တၢ်ဂံၢ် 12:15

နီၢ်မံးရယၣ်ဘၣ်တၢ်နီၣ်ထီၣ်ကွံာ်အီၤဆူသူၣ်ဒဲလီၢ်အချၢနွံသီ ဒီးပှၤဂီၢ်မုၢ်န့ၣ်တသုးဘၣ်အသးဆူညါတချုးလၢအဝဲဘၣ် တၢ်ကိးကဒါက့ၤအီၤဒံးဘၣ်န့ၣ်လီၤ.

လံာ်တၢ်ဂံၢ် 13:21

မၤသးဒ်န့ၣ်ဒီး, ပှၤတဖၣ်န့ၣ်လဲၤထီၣ်ဆူကလံၤစိးဒီးဃုသ့ၣ်ညါ ကီၢ်န့ၣ်အဂ့ၢ်စးထီၣ်လၢကီၢ်အကလံၤထံးပှၢ်မုၢ်ကနၢစံၣ်ဒီးကျဲ ဒီဘိတုၤဆူရဃိာ်အိၣ်ဘူးဒီးကျဲဆူဃမါသးကလံၤစိးတခီန့ၣ် လီၤ.

လံာ်တၢ်ဂံၢ် 13:26

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.

လံာ်တၢ်ဂံၢ် 20:16

ဒီးပကိးထီၣ်တ့ၢ်ဆူယွၤအအိၣ်လၢတၢ်မၤစၢၤအဂီၢ်လီၤ. အဝဲနၢ်ဟူဘၣ်ပတၢ်ကိးထီၣ်, ဒီးဆှၢလီၤတ့ၢ်ကလူးတဂၤပှၤလၢ အထုးထီၣ်ကွံာ်ပှၤလၢကီၢ်အဲၤကူပတူးအပူၤန့ၣ်လီၤ. ခဲအံၤပအိၣ်လၢကၤဒ့ၣ်, ဝ့ၢ်တဝ့ၢ်လၢအအိၣ်ဖဲနကီၢ်အဆၢန့ၣ် လီၤ.

လံာ်တၢ်ဂံၢ် 20:22

ပှၤအံၣ်စရ့လးဖိဒီဒူၣ်ဒီထၢဟးထီၣ်ကွံာ်လၢဝ့ၢ်ကၤဒ့ၣ်ဒီး ဟဲတုၤဃီၤဆူကစၢၢ်ဃိၢ်,

လံာ်တၢ်ဂံၢ် 20:28

ဒီးစီၤမိၤၡ့ဘ့ၣ်လီၤကွံာ်ပှၤလုၢ်တၢ်အခိၣ်, အကူအသိးတဖၣ်လၢစီၤအၤဟရိၣ်အလိၤဒီးပာ်ထီၣ်အီၤလၢ စီၤအလၤဧစၢ်အလိၤန့ၣ်လီၤ. ဖဲန့ၣ်လၢကစၢၢ်ဃိၢ်အဒီခိၣ်န့ၣ်စီၤအၤဟရိၣ်သံဝဲဒီးစီၤမိၤၡ့ဒီး စီၤအလၤဧစၢ်ဟဲက့ၤလီၤဝဲလီၤ.

လံာ်တၢ်ဂံၢ် 26:59

စီၤဧၤမရၣ်ဆီဟံၣ်ဆီဃီဒီးစီၤလ့ၤဝံအဖိမုၣ်နီၢ်ယိကဘ့ၣ်လၢ အအိၣ်ဖျဲၣ်လၢကီၢ်အဲၤကူပတူးအပူၤန့ၣ်လီၤ. အဝဲဆံးစၢ်ထီၣ်န့ၢ်စီၤဧၤမရၣ်လၢဖိခွါခံဂၤ, လၢအမ့ၢ်စီၤအၤဟရိၣ်ဒီးစီၤမိၤၡ့ဒီးဖိမုၣ်တဂၤ, လၢအမ့ၢ်နီၢ်မံးရယၣ်န့ၣ်လီၤ.

လံာ်တၢ်ဂံၢ် 27:14

မ့ၢ်လၢသုဝဲခံဂၤလိာ်သုပူထီၣ်ထီဒါယတၢ်မၤလိာ်လၢပှၢ်မုၢ် ကနၢစံၣ်အပူၤအဃိန့ၣ်လီၤ. ဖဲပှၤဂီၢ်မုၢ်ဒီကရူၢ်ကဒူးကဒ့ၣ်ထီဒါယၤလၢမရံၤဘါန့ၣ်, သုဂ့ၢ်လိာ်သ့ၣ်ညါပာ်ကဲယစိကမီၤစီဆှံလၢအဝဲသ့ၣ်အမဲာ်ညါ လီၤ.” (မရံၤဘါမ့ၢ်ထံထီၣ်ပၢၢ်လၢဝ့ၢ်ကၤဒ့ၣ်, လၢပှၢ်မုၢ်ကနၢစံၣ်အပူၤန့ၣ်လီၤ.)

လံာ်သိၣ်လီၤသီလီၤတၢ် 1:46

လၢတၢ်န့ၣ်အဃိ, ပအိၣ်ဆိးလၢဝ့ၢ်ကၤဒ့ၣ်အပူၤအါနံၤအါသီန့ၣ် လီၤ.

လံာ်သိၣ်လီၤသီလီၤတၢ် 2:14

တၢ်အံၤမ့ၢ်ဖဲပဟးထီၣ်ကွံာ်လၢဝ့ၢ်ကၤဒ့ၣ်ဘၢ်န့အကီၢ်အလီၢ်ခံ သၢဆံဃိးနံၣ်န့ၣ်လီၤ. ကယဲၢ်ပှၤဒုးတၢ်ယၤတၢ်ဖိလၢပှၤတစိၤန့ၣ်သံလၢာ်လံဝဲဒ်ယွၤစံး တ့ၢ်လၢပဝဲသ့ၣ်ကဘၣ်သံအသိးန့ၣ်လီၤ.

လံာ်သိၣ်လီၤသီလီၤတၢ် 32:51

မ့ၢ်လၢသုဝဲခံဂၤလိာ်သုတသူၣ်တီသးရၤဘၣ်ဒီးယၤလၢကီၢ်အံၣ် စရ့လးအပှၤဂီၢ်မုၢ်အမဲာ်ညါအဃိန့ၣ်လီၤ. ဖဲသုအိၣ်လၢထံမရံၤဘါ, ဘူးဒီးဝ့ၢ်ကၤဒ့ၣ်လၢပှၢ်မုၢ်ကနၢ စံၣ်အခါန့ၣ်, သုတမၤလၤကပီၤဘၣ်ယၤလၢပှၤဂီၢ်မုၢ်အမဲာ်ညါဘၣ်လီၤ.

လံာ်ပှၤစံၣ်ညီၣ်ကွီၢ် 11:16

တၢ်မၤအသးန့ၣ်မ့ၢ်ဒ်အံၤလီၤ. ဖဲပှၤအံၣ်စရ့လးဖိတဖၣ်ဟးထီၣ် လၢကီၢ်အဲၤကူပတူးန့ၣ်အဝဲသ့ၣ်လဲၤခီဂာ်မဲးမုၢ်ခိၣ်ဆူအၤကဘၣ် ပီၣ်လဲၣ်က့ၣ်ကျီၤတုၤလၢကၤဒ့ၣ်န့ၣ်လီၤ.